Yobe 7:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Matuku anyi adi ahita mundongo wa mukumi wa bilulu kuenda lubilu, adi afika kunshikidilu kuau tshiyi ne ditekemena.

MUKANDA WA MYIDI MUKULU

⁶ Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Yobe 7:6 교차 참조

Yobe 13:15

Monai, yeye neanshihe; tshiena ne ditekemena; kadi nennanukile kudijidila ku mesu kuandi bua bienzedi bianyi.

Yobe 14:19

Mai adi aheula mabue; kuhasalala kua mai kudi kumusha dinfuenkenya dia buloba; wewe udi ujimisha ditekemena dia bantu muomumue.

Yobe 16:22

Bualu bua hahita bidimu bikese, nenye bianyi mu nshila undi tshiyi mua kuhingana kabidi.

Yobe 17:1

Muoyo wanyi wakubutuka, matuku anyi adi ahuwa; lukita ludi lungalamina.

Yobe 17:11

Matuku anyi akumana kuhita; malu anakuhangidisha mu mutshima akulua tshianana, meji mene a mu mutshima wanyi.

Yobe 17:15

ditekemena dianyi didi kudi kunyi? Muntu kai neamone ditekemena dianyi?

Yobe 17:16

Neuhueke nʼanyi tô ne ku bibi bia ku Muaba wa Bafue, anyi? Netuhueke nʼabi mu buloba hohamue, anyi?

Yobe 19:10

Wakalubutula ne bujima buanyi, nakamana kufua; wakutula ditekemena dianyi bu mudibo bajomona mutshi.

Yobe 6:11

Ndi ne bukole kai bua meme kumanya mua kuindila talalâ? Nshikidilu wanyi neikale tshinyi bua meme ngikale ne lutulu?

Yobe 9:25

Matuku anyi adi ahita luendu lua messager lubilu, adi anyema lubilu, kaena atangila diakalengele.

Misambu 102:11

Matuku anyi adi bu mundidimbi udi uleha hamba diba kubuela; nakufubidila bu mashinde.

Misambu 144:4

Muntu udi bu muhuya; matuku andi adi bu mundidimbi udi ujimina.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Yirmeya 2:25

Kandika makasa ebe bua kaendi kâyi ne bisabata, kandika muminu webe bua kawikadi ne nyota; kadi wewe wakuamba ne, Bualu ebu budi hatuhu; nansha, ndi musue nzambi ya bantu ba bende, nenye kudiyi.

Efeze 2:12

numiluke ne, Ku tshikondo atshi nuakadi kanui ne Kilisto, nuakadi bantu ba bende kudi tshisamba tshia Isalele, nuakadi benyi ku bihungidi bua mulayi wa Nzambi, kanui ne ditekemena, kanui no Nzambi mu buloba ebu.

Yakobe 1:11

Bualu bua diba didi dibanda hohamue ne luhehele lua luiya lukole ne bidi bifubisha bisosa; ne tshilongo tshiabi tshidi tshimata hanshi ne bulengele bua mu mpala muatshi budi bujimina; muomumue kabidi, muntu mubanshi neajimisbibue mu nshila yandi.

Yakobe 4:14

kadi kanuena bamanye malu kai neikaleku makelela. Muoyo wenu udi tshinyi? Nudi bu dibungi, didiku tshituha tshihi, hashishe didi dijimine.

1 Petro 1:13

Nunku nuele bimono bia meshi enu mikaya, nuikale talala, nujadike ditekemena dienu tshishiki mu ngasa udibo balua nʼandi kunudi ku dibuluibua dia Yesu Kilisto.

1 Petro 1:24

Bualu bua bakafunda ne, Ba ha buloba bonso badi bu bisosa, Ne butumbi buabo buonso budi bu tshilongo tshia bisosa. Bisosa bidi bifubidila, Ne tshilongo tshidi tshimata hanshi;