Yobe 42:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

MUKANDA WA MYIDI MUKULU

⁸ Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Yobe 42:8 교차 참조

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.

Genese 20:7

Nunku uhingashe mukashi kudi mulume wandi, bualu bua yeye udi muprofete, neakulombele Nzambi bua wewe wikale ne muoyo, kadi biwahidia kumuhingasha, umanye biebe ne wewe ne bantu bonso baudi nʼabo nenufue bulelela.

1 Kulondolola 15:26

Hashishe bakakuatshisha Nzambi Bena Lewi bakadi batuala mushete wa tshihungidi tshia mei a Yehowa, bobo bakamushihela balume ba ngombe muanda mutekete ne bimpanga muanda mutekete.

2 Kulondolola 29:21

Bakalua ne balume ba ngombe muanda mutekete ne bimpanga muanda mutekete ne mikoko muanda mutekete ne mpumbu ya mbushi muanda mutekete bu milambu ya kubuikila nʼai mibi ya bantu bua bukelenge ne bua nsubu ne bua ba mu Yuda. Yeye wakelela bakuidi, bana ba Alona, mukenji bua kuyifila kudi Yehowa ha tshioshelu.

Yobe 1:5

Hakashika matuku a kudia bidia kudi muntu ne muntu nunku, Yobo wakadi ubabikila kudiye, ubajidila. Wakabika ne dinda dionso, wakafila milambu ya kuosha bu muakadi bungi buabo bonso. Bualu bua Yobo wakamba ne, Bumue bana banyi ba balume bakuenza malu mabi, bakuhenda Nzambi mu mitshima yabo. Yobo wakadi wenza nunku misangu yonso.

Yobe 1:8

Yehowa wakakonka Satana ne, Wakumona muntu wanyi Yobo, anyi? Kakuena muntu mukuabo bu yeye ha buloba; bu mudiye muntu wa mutshima mutoke ne wa malu makane, udi utshina Nzambi ne udi wehuka ku malu mabi.

Yobe 22:30

Neabandishe muntu mene udi kayi mubingishibue, e, neanuhandishe bua butoke bua bianza biebe.

Yobe 35:8

Bubi buebe budi mua kukengesha muntu bu wewe, ne buakane buebe budi bumanye mua kukuatshisha muana wa muntu.

Yobe 42:9

Hashishe, Elifaza, Muena Temana, Biledada, Muena Shuhi, ne Sofa, Muena Namata, bakaya kuenza bu muakabambila Yehowa; ne Yehowa wakitabusha disengelela dia Yobo.

Misambu 103:10

Kena mutuenzele bu mudi mibi yetu, kena mutufute bu mudi malu etu a tshishiku.

Ekesode 18:12

Yetelo, tatu-muenu wa Mose, wakoshila Nzambi nyama ya mulambu, ne Alona ne bakulu ba Bena Isalele bakalua kudia bidia ne tatu-muenu wa Mose ku mesu kua Nzambi.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yirmeya 14:11

Yehowa wakangambila ne, Kulombedi bantu aba bua kuikalabo ne diakalengele.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Yezekiyele 14:14

Yehowa udi wamba ne, Nansha bu bantu aba basatu, Noa, Danyele ne Yobo, bikaminu, bakadi kuhandisha anu mioyo yabo nkayai ku buakane buabo.

Yezekiyele 45:23

Mu matuku au muanda mutekete a disanka edi dia bidia bidi kabiyi biela luevene yeye alongolole mulambu wa kuoshela Yehowa, balume ba ngombe muanda mutekete badi kabayi ne tshilema ne bimpanga muanda mutekete bidi kabiyi ne tshilema, bua kuhifileye buatshia-buatshia tô matuku muanda mutekete; afile mpumbu wa mbushi buatshia-buatshia bu mulambu wa kujimisha nʼau bubi.

Dibadika 23:1

Belâma wakambila Balaka ne, Ungashile bioshelu muanda mutekete, undongoluele balume ba ngombe muanda mutekete ne bimpanga muanda mutekete.

Dibadika 23:14

Wakaya nʼandi mu mpata wa Sofima, ku mutu kua Pisega, wakasa bioshelu muanda mutekete, wakosha mulume wa ngombe ne tshimpanga ku tshioshelu ne ku tshioshelu.

Dibadika 23:29

Belâma wakambila Balaka ne, Ungashile bioshelu muanda mutekete, undongoluele balume ba ngombe muanda mutekete ne bimpanga muanda mutekete.

Matayi 3:17

ne unvuai, dî diakafuma mu diulu ne, Eu udi Muana wanyi munanga, yeye udi unsankisha bimpe.

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

2 Timote 4:14

Alesandelo, mutudi wa tshiamu tshikunze, wakatamba kungenzela bibi; Mukelenge neamufute bu mudi midimu yandi;

Ebrewu 10:4

Bua mashi a ngombe ne a mbushi kêna mua kumusha mibi.

Ebrewu 7:25

Nunku yeye udi ne bukole bua kusungila ne luhandu lujima badi basemena ha buihi ne Nzambi bua bualu buandi, yeye muikale ne muoyo tshiendelele bualu bua kubakuila.

Yakobe 5:14

Muntu udi ne disama munkatshi muenu, anyi? Abikile biandi bakulu ba ekelesia; bobo bamulombele Nzambi, bamuele manyi mu dina dia Mukelenge;

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

1 Yone 5:16

Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.

1 Yone 5:6

Nyeyʼeu wakalua ne mai ne mashi, Yesu Kilisto mene; kene mai nkayau, kadi ne mai ne mashi.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.

1 Samuele 25:35

Nunku Davidi wakitabusha bintu bakalueye nʼabi kudiye mu bianza biandi; yeye wakamuambila ne, Uye biebe ku nsubu kuebe talalâ; mona, nakunvua dî diebe, nakukuitabusha.