Yobe 42:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe, bana babo ba balume bonso ne bana babo ba bakashi bonso ne bonso bakadi balunda bandi diambedi bakalua kumumona, bakadia nʼandi bia kudia mu nsubu muandi. Bakamulesha luse luabo, bakamusamba bua makenga onso akadi Yehowa mumutumine. Muntu yonso wakamuha tshituha tshimue tshia tshiamu tshia or ne kakanu ka or ka ku munu.

MUKANDA WA MYIDI MUKULU

¹¹ Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Yobe 42:11 교차 참조

Genese 24:22

Hakashikisha tumelo kunua mai, mulume eu wakahatula kakanu ka or ka bujitu bua tshituha tshia nshekele, ne nkanu ibidi ya ku maboko ya bujitu bua nshekele dikumi kabidi.

Genese 24:53

Muhika wa Abalahama wakahatula bilenga bia argent ne bia or ne bilulu, Wakabikila kudi Lebeka, yeye wakaha muanʼabo mulume ne mamu wandi kabidi bintu bia mushinga mukole.

Genese 37:35

Bana bandi ba balume bonso ne bana bandi ba bakashi bonso bakabika bua kumusamba, kadi yeye wakahidia bamusambe, wakamba ne, Nenye bianyi mu Muaba wa Lufu, njinga muanʼanyi. Tatu wandi wakamudila.

Yobe 16:5

Nakadi mua kukolesha mitshima yenu ne mei a mukana muanyi, ne busambi bua ku mishiku yanyi buakadi kunuholesha.

Yobe 2:11

Hakunvua balunda basatu ba Yobo lumu lua makenga au onso akamukuata, bakalua biabo, muntu ne muntu mufume ku muaba wandi, Elifaza, Muena Temana, Biledada, Muena Shuhi, ne Sofa, Muena Nâmata. Bualu bua bakahunga dî bua kulua hohamue bua kudila nʼandi ne bua kumusamba.

Yobe 4:4

Mei ebe akubisha muntu wakadi wamba kudishinda, wakukolesha binu biakadi bitekete.

Nsumuinu 14:20

Muhele udi mukinyibue kudi muena mutumba nʼandi mene, kadi balunda ba muntu mubanji badi ba bungi.

Nsumuinu 16:7

Bikala bienzedi bia muntu bisankishe Yehowa, yeye udi umulengeshisha ne bena lukuna bandi.

Yowanane 11:19

Bena Yuda ba bungi bakadi balue kudi Mâta ne Malia bua kubasamba bua muanʼabo.

Rome 12:15

Nusanke ne badi basanka; nudile ne badi badila.

1 Korente 12:26

Bikala tshituha tshimue ne dikenga, bituha bionso bidi bikenga nʼatshi; ne bikala tshituha tshimue tshitumbishibua, bituha bionso bidi bisanka nʼatshi.

Ebrewu 12:12

Nunku, nukoleshe bianza biakateketa ne binu bidi ne kaneke;

Ebrewu 13:3

Nuvuluke badi mu nkanu, bu munudi basuika nʼabo; nuvuluke badibo benzela bibi, bua nuenu nutshidi mu mibidi.

Yoshua 24:32

Bakajika mifuba ya Yosefe, yakalua nʼai Bena Isalele ku Ejipitu, mu Shekeme mu tshituha tshia buloba tshiakasumba Yakoba kudi bana ba Hamo, tatu wa Shekeme, ku bituha lukama bia argent; buakalua buhianyi bua tunkanunuma tua Yosefe.

1 Samuele 10:27

Kadi bantu bakuabo balembakane bakakonkangana ne, Muntu eu neatusungile munyi? Nunku bakamulengulula, kabakamuha kantu kakese. Kadi yeye wakahuwa biandi talalâ.