28 Mukete kawena mumanye mua kumuihata. Yeye udi wandamuna mabue a bieledi alue bu bihatu kudiye.
Yeye udi useka diyoyo didi mu musoko, kena unvua mei makole a muenzeshi wa mudimu.
Yeye udi ubala tshiamu tshifike bu nsona, ne tshiamu tshia mitaku bu mutshi mubole.
Bikau bidi bibadibue kudiye bu bisonsa; udi useka tshiona tshia kabenda hamuelaboku.
Badi bahetula bakelenge, badi baseka bakokeshi. Badi baseka ngumbu yonso ya nvita; bualu bua badi bela mishiki ya buloba bua kubandilahu bua kuhita musoko bukole.
Yehowa wa misumba neabalame, ne bobo nebatshimune, nebadiate badi bahela mabue; nebanue mashi abo, nebateke diyoyo bu badi bakuatshike nvinyo; nebukute bu malonga adi ne mashi a mulambu, bu matumba a tshioshelu.
