Yobe 31:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye kena umona nshila yanyi, kena ubala bungi bua biendedi bianyi bionso, anyi?

MUKANDA WA MYIDI MUKULU

⁴ Nanku Mvidi Mukulu kena umona bindi ngenza anyi? Udi ubadika njila yonsu indi ngenda.

Yobe 31:4 교차 참조

Genese 16:13

Yeye wakidika Yehowa wakamuambila malu au ne, Wewe udi Nzambi udi utangila, bualu bua yeye wakamba ne, Nakamana kumona Nzambi, munyi mundi nshala ne muoyo?

2 Kulondolola 16:9

Bualu bua mesu a Yehowa adi akenzekana ku nseke yonso ya buloba bua kulesha bakole buandi kudi bantu badi ne mitshima miakane kudiye. Wewe wakuenza buhote mu bualu ebu, kubangila mu dituku edi wewe newikale ne nvita.

Yobe 11:11

Bualu bua yeye udi mumanye bantu badi ne mashimi; udi umona malu mabi nansha bikaleye kayi wela meji a malu â.

Yobe 14:16

Kadi katataka wewe udi ubala bungi bua biendedi bianyi; kuena utentekela bualu bubi buanyi, anyi?

Yobe 23:10

Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

Yobe 24:23

Nzambi udi ubaha ditekemena, ne badi bajadikibuamu; mesu andi adi atangila nshila yabo.

Yobe 28:24

Bualu bua yeye udi umona tô ne kunfudilu kua buloba, ne udi umona miaba yonso ya muinshi mua diulu.

Yobe 31:37

Nakadi kumubadila bungi bua biendedi bianyi; nakadi kusemena ha buihi nʼandi bu mudi muana wa mukelenge mua kuenza.

Yobe 34:21

Bualu bua yeye udi uteka mesu andi ku nshila idi muntu wendela, udi umona biendedi biandi bionso.

Yobe 36:7

Kena umusha mesu andi kudi bantu bakane; kadi udi ubashikika hohamue ne bakelenge mu nkuasa ya bukelenge tshiendelele, ne badi batumbishibue.

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

Nsumuinu 15:3

Mesu a Yehowa adi kuonso, adi alama bantu babi ne bantu bimpe.

Nsumuinu 5:21

Bualu bua nshila ya muntu idi ku mesu kua Yehowa, yeye udi widikisha nshila yandi yonso bimpe.

Yirmeya 16:17

Bualu bua mesu anyi adi amona nshila yabo yonso, kayena misokoma kundi, ne mibi yabo kayena misokoma ku mesu kuanyi.

Yirmeya 32:19

Wewe udi munene mu kulesha kuebe kua lungenyi kudi bantu, udi ne bukole bua bungi mu bienzedi biebe, udi ne mesu ebe mabulule bua kumona nshila yonso ya bana ba bantu, ne bua kufuta muntu yonso bu mudi bienzedi biandi ne bu mudi mamuma a ku bienzedi biandi.

Danyele 5:23

Kadi wakudibandisha ne wakuhetula Mukelenge wa mu diulu; bua bakulua ne mpanza ya mu nsubu muandi ku mpala kuebe; wewe ne miloho yebe, bakashi bebe ne bakashi bahika bawakabaka nuakunuinamu nvinyo. Wewe wakutumbisha nzambi ya tshiamu tshia argent ne tshia or, ya tshiamu tshia mitaku, ya tshiamu tshifike, ya mitshi ne ya mabue, nzambi idi kayiyi mua kumona anyi kunyua anyi kumanya bualu. Kuena mutumbishe Nzambi udi ne muhuya webe mu tshianza tshiandi, udi mumanye bienzedi biebe bionso.

Yowanane 1:48

Natanaele wakamukonka ne, Wewe udi munmanye meme kudi kunyi? Yesu wakamuandamuna ne, Diambedi Filipo kai muanze kukubikila, hawakadi munshi mua mutshi wa nfigi, nakukutangila.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.