Yobe 13:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kakuena bualu; nensume munyinyi wanyi ku menu anyi, nenteke muoyo wanyi mu tshianza tshianyi.

MUKANDA WA MYIDI MUKULU

¹⁴ Ndi mumane kudilongolola, nansha bu meme ne bua kufua.

Yobe 13:14 교차 참조

Yobe 18:4

Wewe udi udituanya mu tshiji tshiebe, buloba nebushale tshianana kabuyi ne bantu bua bualu buebe, anyi? Anyi dibue nediumushibue mu muaba wadi, anyi?

Misambu 119:109

Muoyo wanyi udi mu muaba wa njiu matuku onso, kadi tshiena mpua mikenji yebe muoyo.

Muambi 4:5

Muhote udi udikuata bianza, udi udidia mubidi wandi.

Yeshaya 49:26

Nendishe badi bakukengesha minyinyi ya ha mibidi yabo mene, nebakuatshike mashi abo mene bu mudibo bakuatshila maluvu a dimeme. Hashishe bantu bonso nebamanye ne, Meme Yehowa, ndi Musungidi webe, ne Muhikudi webe, Wa Bukole wa Yakoba.

Yeshaya 9:20

Mukuabo wakunyenga bintu ku luseke lua tshianza tshia balume ne wakashala ne nzala; bakuabo bakudia bintu ku luseke lua tshianza tshia bakashi, kadi kabakukuta; muntu yonso wakudia munyinyi wa muena mutumba nʼandi.

Balombodi 12:3

Hanakatangila ne nuenu kanuakansungila, nakateka muoyo wanyi mu tshianza tshianyi, nakasa buka kudi Bena Amona, ne Yehowa wakabafila mu tshianza tshianyi; nuakalua kundi bua kunduisha lelu munyi?

1 Samuele 19:5

bualu bua yeye wakateka muoyo wandi mu tshianza tshiandi hakashiheye Muena Peleshete, ne Yehowa wakaha Bena Isalele luhandu lunene: wewe wakatangila bualu ebu, wakasanka; wewe udi musue kumatshisha mashi a muntu muakane bua kushiha Davidi udi kayi ne bualu tshinyi?

1 Samuele 28:21

Mukashi au wakalua kudi Shaula, wakatangila ne yeye udi ne kanyinganyinga kakole, wakamuambila ne, Mona, muntu webe mukashi wakitabusha dî diebe, nakafila muoyo wanyi mu tshianza tshianyi, nakenza bu mu mei onso awakangambila.