Yobe 11:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Neumanye mua kulala hanshi, kakuyi muntu wa kukutshinyisha; e, ba bungi nebakebe diakalengele kûdi.

MUKANDA WA MYIDI MUKULU

¹⁹ Muntu nansha umue kakunyanga dikisha diebe. Kadi bantu bonsu nebakebe mua kukulonda mu nyima.

Yobe 11:19 교차 참조

2 Kulondolola 20:30

Nunku bukelenge bua Yehoshafata buakadi ne ditalala; bualu bua Nzambi wakamuha ditalala mu nseke yonso.

Yobe 11:18

Newikale ne tshieyemenu, bualu bua ditekemena didiku; neutentekele miaba yonso diambedi, hashishe, newikishe talalâ.

Misambu 127:2

Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

Misambu 4:8

Nendale hanshi, nendale tulu mu ditalala kabidi, bualu bua wewe nkayebe, Yehowa, udi unvuishila muaba wa kusomba talalâ.

Misambu 45:12

Ba mu Tulo nebalue kûdi ne diha, badi bahita bubanji munkatshi mua bantu nebakebe diakalengele kûdi.

Nsumuinu 19:6

Ba bungi badi bakeba diakalengele kudi muntu udi tshihahai; muntu yonso udi mulunda wa muntu udi uhangana.

Nsumuinu 3:24

Hawalala hanshi, kuena utshina; bulelela, ha wamana kulala hanshi, tulu tuebe netuikale tuimpe.

Yeshaya 17:2

Badi bashiya misoko ya mu Aloê hatuhu bua ishale bikulu; neyikale miaba ya kudishamu bimuna, nebilalemu kakuyi wa mua kuyitshinyisha.

Yeshaya 45:14

Yehowa udi wamba ne, Luhetu lua ku Ejipitu ne biuma bia buendaluki bua mushinga mu Atiopa, ne Bena Seba bine, bantu bale, nebibuele ku luseke luebe, nebikale bintu biebe. Nebakulonde, nebalue ku luseke luebe ne nkanu mibasuike. Nebahone hanshi ku mpala kuebe bua kukukuila; nebakutendekene ne, Munkatshi muenu mudi Nzambi bulelela; kakuena mukuabo, kakuena Nzambi mukuabo muomumue nʼandi.

Yeshaya 60:14

Bana ba balume ba bantu aba bakakukengesha nebalue badinamina hanshi kûdi; bantu aba bonso bakakuhetula nebatue mpala yabo hanshi tô ne ku makasa ebe mene; nebakubikile ne, Musoko wa Yehowa, Siona wa Wa Tshijila wa Isalele.

Yezekiyele 34:28

Kayena ikala kabidi bu tshintu tshia kunyengabo kudi ba mu bisamba bia bantu, ne nyama ya ha buloba kayena iyidia; kadi neyishikame talalâ kayiyi ne ntatu, ne kakuena muntu wayitshinyisha.

Lewitiki 26:6

Nennuhe ditalala mu buloba, nenulale tulu, ne bantu kabena banutshinyisha, nengihate nyama mibi mu buloba buenu, ne kabena balue ne muele wa nvita mu buloba buenu.

Mika 4:4

Kadi nebashikame, mu ntu ne muntu, muinshi mua muonshi wandi wa tumuma tua nvinyo ne muinshi mua mutshi wandi wa nfigi; kakuena muntu wabakuatshisha buowa; bualu bua mukana mua Yehowa wa misumba muakamba nunku.

Sefanya 3:13

Ba mu Isalele batshidi bashala kabena benza malu mabi kabidi, kabena bamba mashimi; kabena basangana mukana muabo ludimi ludi ludinga; bualu bua nebadie ne nebalale hanshi; kakuena kuikalaku muntu wabatshinyisha.

Didimanyisha 3:9

Mona, ndi nkuha ba mu nsunagoga wa Satana, ba munkatshi mua badi badiamba ne, Tudi Bena Yuda, ne kabena nunku, kadi badi bashima; mona, nembavuishe bua kuluabo ne bua kukukuilabo ku makasa ebe, ne bua kumanyabo ne nakukusua.