Yirmeya 9:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa udi wamba ne, Muena meji katumbidi mu meji andi, muena bukitu katumbidi mu bukole buandi, muntu mubanji katumbidi mu bubanji buandi;

MUKANDA WA MYIDI MUKULU

²³ Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Yirmeya 9:23 교차 참조

Yeshaya 5:21

Mulau wikale kudi badi badimona bu bena meji, badi badimona bu bena budimu!

Muambi 9:11

Nakatangila kabidi muinshi mua diba ne, Bena lubilu lukole kabena bahita hakuaho mu kutumbila lubilu misangu yonso, nansha bena bukitu kabena bahitahita bakuabo bukole mu nvita; bena meji kabalu baheta bia kudia bionso; bena lungenyi kabatu baheta bubanji buonso; badi ne ngenzelu muimpe kabatu baheta diakalengele dionso; kadi buonso buabo badi ne bikondo bidi malu abatulukila.

Rome 1:22

Hakadiambabo ne, Tudi bena lungenyi, bakalua bahote.

Yezekiyele 7:19

Nebimashe bintu biabo bia argent mu misesu, ne tshiamu tshiabo tshia or netshikale kudibo bu tshintu tshidi ne manyanu. Biamu biabo bia argent ne bia or kabiena bimanye mua kubahandisha mu dituku dia tshiji tshikole tshia Yehowa; kabiena bisankisha mitshima yabo, kabiena biukutshisha mafu abo, bualu bua biakadi tshilenduishi tshiakabahonesha mu bubi.

Nsumuinu 11:4

Biuma kabiena bikuatshisha muntu mu dituku dia tshiji tshikole, kadi buakane budi bumuhandisha ku lufu.

Danyele 4:37

Katataka, meme Nebukadenesâ, ndi ntumbisha, ndi nganyisha, ndi nnemeka Mukelenge wa mu diulu; bualu bua bienzedi biandi bionso bidi bia bushuwa, ne malu andi adi makane; yeye udi ne bukole hua kuhuekesha badi benda ne dihetu diabo.

Misambu 62:10

Kanueyemenyi tshinyangu, kanuikadi ne ditekemena dia hatuhu mu kunyenga kua bintu; biavulangana luhetu luenu, kanuteki mitshima yenu kudilu.

Dielulula 8:17

kanuambi mu mitshima yenu ne, Tuakudiangatshila biuma ebi bionso ne bukole bua bianza bietu.

1 Timote 6:10

Bualu bua lukuka lua biuma ludi muji wa malu mabi a mishindu yonso; bidi bantu bakuabo badikebela ne bakasesuishibua mu nshila wa ditabusha, bakadisunsula mubidi wonso ne tunyinganyinga tua bungi.

Marke 10:24

Dî edi nunku diakakemesha bayidi bandi. Kadi Yesu wakabandamuna ne, Bana banyi, ha kubuela kua bantu badi beyemene biuma mu bukelenge bua Nzambi mbualu bukole.

Sefanya 1:18

Biamu biabo, nansha bia argent, nansha bia or, kabiena mua kubahandisha mu dituku dia njiya ya Yehowa; kadi buloba buonso nebuhie ku kahia ka mukau wandi. Bualu bua neabutule bantu bonso badi bashikame ha buloba ne dibutula didi dikuatshisha bantu buowa.

Yezekiyele 29:9

Buloba bua Ejipitu nebuikale tshihela tshia hatuhu ne tshikulu; nunku nebamanye ne, Ndi Yehowa. Bualu bua wewe wakuamba ne, Musulu wa Nile nguanyi, meme nakudienzelau nkayanyi;

Yeshaya 10:8

Bualu bua yeye udi wamba ne, Tupitene tuanyi tua masalayi tuonso katuena banfumu, anyi?

Muambi 2:19

Udi mumanye ne, Yeye neikale muena meji anyi muhote nganyi? Kadi yeye neakokeshe midimu yanyi yonso inakenza ne yakalesha bantu lungenyi lunakadi nʼalu muinshi mua diba. Ebu mbualu bua batuhu kabidi.

1 Samuele 17:42

Muena Peleshete wakakenzakana, hakatangileye Davidi, wakamulengulula bualu bua yeye wakatshidi nsongalume, wakadi ne mpala lukunjila-kunjila, wakadi ne mpala muimpe.

Danyele 3:15

Katataka binuitabusha kutua mpala yenu hanshi ne kutendelela luhingu lunakuenza, hanunvua tshiona tshia mpungi, tshia nshiba, tshia nzenze, tshia nkombe, tshia guitare, tshia bimama ne tshia biombelu bionso, mbimpe. Kadi binuikala kanuyi nutendelela, ha diba adi mene nebanuele munda mua tshikutu tshia kahia kakole; ne nzambi kai udi mua kunuhandisha mu bianza bianyi?

1 Korente 1:31

Bualu bua mbu muakafundabo ne, Muntu udi utumba, atumbile mu Mukelenge.

Filipe 3:8

E, bulelela mene, ndi mbala bintu bionso bu tshintu tshijimina bualu bua bulengele butambe bua kumanya kua Kilisto Yesu, Mukelenge wanyi; unakajimishila bintu bionso bua bualu buandi, ne ndi mbibala bu bintu bia kuela ku diala bua meme mpete Kilisto,

Filipe 3:10

Mbua meme kumumanya yeye, ne bukole bua dibika diandi ku lufu, ne buobumue nʼandi mu makenga andi, muikale mufuanyikishibue nʼandi mu lufu luandi;

Yobe 32:13

Nudimuke bua nuenu kanuambi bienu ne, Tuakusangana meji munda muandi; Nzambi udi mua kumutamba bukole, muntu kena mua kuenza nunku.

Nsumuinu 3:5

Eyemena Yehowa ne mutshima webe wonso, kueyemenyi dijingulula diebe dia mianda.

Nsumuinu 21:30

Kakuena meji, anyi dijingulula dia mianda, anyi kuhunga kua mei, bidi mua kuhita Yehowa bukole.

Yeshaya 20:5

Bena Yuda nebakuatshike buowa, nebikale babuandakanangane, bualu bua Atiopa wakadi ditekemena diabo ne bua Ejipitu wakadi butumbi buabo.

Yeshaya 47:10

Bualu bua wewe wakueyemena malu mabi ebe; wakuamba biebe ne, Kakuena muntu udi untangila. Meji ebe ne lungenyi luebe biakukusesuisha mu nshila; ne wewe wakuamba mu mutshima webe ne, Meme ndiku, kakuena mukuabo nʼanyi hohamue.

Yirmeya 48:7

Bualu bua wakueyemena bienzedi bia bianza biebe ne luhetu luebe, nebakukuate wewe kabidi; nebaye ne Kemoshe mu buhika, ne bakuidi bandi ne baminyampala bandi.

Yirmeya 49:4

Bualu kai, wewe muana mukashi udi ukoma Nzambi nyima, udi wanyisha bibanda biebe, tshibanda tshiebe tshidi ne mai ahuekamu? Munyi udi weyemena luhetu luebe, wamba ne, Walua kunduisha nganyi?

Yobe 41:15

Nyima wandi udi ne milongo ya mabamba adi bu ngabu yandi, mikuatakane hohamue bu mituangashe bikole.

Misambu 33:5

Yeye udi unanga buakane ne kulumbulula kuakane, buloba budi bûle tente ne luse lujalame lua Yehowa.

Misambu 34:3

Tumbishai nʼanyi Yehowa, tunemeke bietu dina diandi diatshimue.

Misambu 44:9

Kadi mpindiu wewe wakutûmusha, wakutukehesha; kuena uluhuka bua kulombela bisumbu bietu bia bena nvita.

Yirmeya 31:34

Kabena bayishangana kabidi muntu yonso ne muena mutumba nʼandi, ne muntu yonso ne muanʼabo, bamba ne, Umanye biebe Yehowa; bualu bua buonso buabo nebammanye, kudi udi mutambe buhuekele munkatshi muabo tô ne kudi udi mutambe bunene munkatshi muabo. Bualu bua nembabuikidile mibi yabo, ne tshiena nvuluka malu mabi abo kabidi.

Yirmeya 48:14

Nudi mua kuamba munyi ne, Tudi bantu bakole, tudi bena bukitu mu nvita?

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.