Yirmeya 8:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ E, lusongo nyunyu tua mu diulu, tudi tumanye bikondo biatu; nyunyu wa nkutshi ne kandinda ne nyunyu wa mudinga idi ivuluka bikondo biai bia kuluayi; kadi bantu banyi kabena bamanye mikenji ya Yehowa.

MUKANDA WA MYIDI MUKULU

⁷ Nyunyi wa kasonga nyunyi udi mumanye tshikondu tshidiye umuangala. Nyunyi wa nkutshi, kandindi, ne nyunyi wa mudinga, idi anu mimanye diba dia kupingana. Kadi, bantu banyi bena Izrayele, kabena bamanye mikenji yanyi meme Maweja-Nangila.

Yirmeya 8:7 교차 참조

Musambu wa Solomo 2:12

Bilongo bidi bimena mu buloba; tshikondo tshia kuimba misambu tshiakulua; dî dia nyunyu wa nkutshi didi diunvuika mu buloba buetu.

Yeshaya 1:3

Ngombe udi mumanye nfumu wandi, mpunda udi mumanye tshidilu tshia mukelenge wandi; kadi Bena Isalele kabena bamanye bualu, bantu banyi kabena bajingulula malu.

Yeshaya 27:11

Huma matamba a mitshi, nebâhule, ne bakashi nebalue, nebatemeshe nʼau kahia; bualu bua badi bantu badi kabayi ne lungenyi; nunku yeye wakabafuka kena ubafuila luse, wakabafuanyikisha kena ubalesha diakalengele.

Yeshaya 5:12

Mu bidia biabo bia disanka badi ne tshisanji ne lunzenze, dikasa ne lujiba, ne maluvu kabidi; kadi kabena belangana meji a bienzedi bia Yehowa, kabena bamona mudimu udiye wenza ne bianza biandi.

Yirmeya 4:22

Bantu banyi badi bahote, kabena bammanye; badi bu bana badi kabayi ne lungenyi, kabena ne dijingulula dia malu; badi ne lungenyi lua kuenzabo malu mabi, kadi kabena ne lungenyi lua kuenzabo malu mimpe.

Yirmeya 5:6

Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Abakuke 1:4

Bua malu â diyisha dia mikenji diakuteketa, ne kulumbulula kuakane kakuenaku. Bualu bua bantu babi badi basesuisha muntu muakane, nunku kulumbulula kua bilumbu kudi kunyanguka.

Zekâya 5:9

Hashishe, nakabanduluka, nakatangila, ekumona! Bakashi babidi baluhuke, luhehele luakadi mu mahuahua abo; bakadi ne mahuahua bu mahuahua a kasonga nyunyu. Bakambula tshihiminu tshia épha ne bakatshibandisha hankatshi ha diulu ne buloba.