Yirmeya 7:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

MUKANDA WA MYIDI MUKULU

²³ Kadi, meme Maweja-Nangila mvua mubambile ne: Nuteleje tshindi nnuambila. Nanku nengikale Mvidi Mukulu wenu, nuenu nenuikale bantu banyi. Nukumbaje bionsu bindi nnuambile. Nanku nenuikale bimpe.

Yirmeya 7:23 교차 참조

Yobe 36:11

Biunvuabo dî diandi ne biamukuatshilabo mudimu, badi hashikisha matuku abo munkatshi mua diakalengele, ne bidimu biabo munkatshi mua masanka.

Misambu 119:3

Bulelela, kabena benza malu mabi, badi benda mu nshila yandi.

Misambu 40:6

Wewe kuena unanga mulambu wa nyama mushiha ne mulambu wa bia kudia; wewe wakujikula matshu anyi. Kuakulomba mulambu wa kuosha ha tshioshelu ne mulambu wa kubuikila nʼau mibi.

Misambu 81:13

Nakadi kusua bua bantu banyi bunvue mei anyi, ne bua Bena Isalele bende mu nshila yanyi!

Ekesode 15:26

wakabambila ne, Binuatumikila di dia Yehowa Nzambi wenu, binuenza malu adi mimpe ku mesu kuandi, ne binuateleja matshu kudi mikenji yandi, binuenza mei andi onso, tshiena nnutumina nansha disama dimue dinakatumina Bena Ejipitu, bualu bua meme ndi Yehowa udi unuondaha.

Ekesode 16:32

Mose wakamba ne, Etshi ntshintu tshiakuamba Yehowa ne, Nushale ne tshihiminu tshia bintu ebi tô ne ku bikondo bienu bionso, bua nuenu numone bidia binakanudisha nʼabi mu tshihela, hanakanuhatula mu buloba bua Ejipitu.

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yirmeya 11:4

tshinakahunga ne bankambua benu dituku dinakabaluhula mu buloba bua Ejipitu, mu ditanda mudibo bafula tshiamu, ngamba bianyi ne, Nutumikile dî dianyi, nuenze malu onso andi nnuambila. Nunku nenuikale bantu banyi, ne meme nengikale Nzambi wenu;

Yirmeya 11:7

Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Yirmeya 13:11

Bualu bua bu mudi mukaba ulamatangana ne tshifuka tshia muntu, nunku Yehowa udi wamba ne, Nakulamakasha Bena Isalele bonso ne Bena Yuda bonso kundi, bua bobo bikale kundi bu bantu banyi, bu dina dianyi, bu butumbi buanyi ne bu buneme buanyi; kadi bobo kabakunvua.

Yirmeya 22:21

Nakakuambila dî hawakadi ne diakalengele diebe; kadi wewe wakamba ne, Tshiena ngunvua nansha. Etshi tshiakadi tshilele tshiebe tshia ku buana buebe ne wewe kuakutumikila dî dianyi.

Yirmeya 22:3

Yehowa udi wamba ne Lumbululai bilumbu ne kulumbulula kuakane ne enzai bienzedi biakane; nuhandishe udi ne bintu biandi bi nyengibue mu bianza bia mumukengeshi. Kanubenzedi bibi, kanukengeshi nansha muenyi nansha muanʼa nshiya nansha mukashi wa mulufuila; kanumatshishi mashi a muntu udi kayi ne bualu hanshi mumuaba eu.

Yirmeya 24:7

Nembahe mitshima ya kummanya ne, Meme ndi Yehowa; bobo nebikale bantu banyi, ne meme nengikale Nzambi wabo; bualu bua nebahingane kundi ne mitshima yabo mijima.

Yirmeya 31:33

Yehowa udi wamba ne, Kadi etshi ntshihungidi tshindualua kuhunga ne Bena Isalele ku nyima kua matuku au: nenteke mikenji yanyi munda muabo, nenyifunde mu mitshima yabo; meme nengikale Nzambi wabo, ne bobo nebikale bantu banyi.

Yirmeya 32:23

Bakabuelamu, bakabuangata bu buloha buabo. Kadi kabakatumikila dî diebe, ne kabakenda mu mikenji yebe; kabakenza bualu bumue bua malu onso awakabambila bua kuenzabo. Nunku wewe wakubatumina malu â onso.

Yirmeya 38:20

Kadi Yelemiya wakamba ne, Kabena bakufila kudibo. Ndi nkusengelela ne, Utumikile dî dia Yehowa dindi nkuambila, bua wewe wikale ne diakalengele ne bua mutshima webe wikale ne muoyo.

Yirmeya 42:6

Bikala dî diandi ditusankisha anyi kadiyi ditusankisha, netutumikile dî dia Yehowa Nzambi wetu, utudi tukutuma, bua tuetu tuikale ne diakalengele hatuatumikila dî dia Yehowa Nzambi wetu.

Sefanya 3:2

Kawakunvuila dî, kawakuitabusha diyisha. Kawakueyemena Yehowa, kawakusemena hehi ne Nzambi wau.

Zekâya 6:15

Bantu badi kule nebalue, nebenze mudimu wa kuasa ntempelo wa Yehowa, nenumanye ne, Yehowa wa misumba wakuntuma kunudi. Muanda eu neulue nunku, binuananukila kutumikila dî dia Yehowa Nzambi wenu.

Zekâya 7:7

Kanuakunvua mei akamba Yehowa mukana mua baprofete ba diambedi, hakadi Yelushalema ne bantu ne diakalengele, ne hakadi misoko numunyunguluke, ne hakadi bantu bashikame mu buloba ku Sude ne mu tshibanda, anyi?

Rome 16:26

kadi katataka buakamueneshibua mu mifundu ya baprofete bu mudi mukenshi wa Nzambi wa tshiendelele; buakumanyishibua ku bisamba bionso bua ditumikila diabo mu ditabusha.

2 Korente 10:5

bidi bishimbula meshi onso ne tshintu tshionso tshidi tshileha mulu tshidi tshibandishibua bua kuhumbisha nʼatshi lungenyi lua Nzambi, bidi bivuisha meshi onso mu buhika bua kutumikilau Kilisto;

Dielulula 11:27

Binunvua mikenji ya Yehowa, Nzambi wenu, inakunuambila lelu, nenuhete disanka;

Dielulula 13:4

Nuenu nulonde Yehowa, Nzambi wenu, numutshine, nutumikile mikenji yandi, numuenzele yeye nkayandi mudimu, nulamate kudiye.

Dielulula 13:5

Nebashihe muprofete au anyi mulotshi au wa bilota, bualu bua yeye wakamba mei adi anutombuesha kudi Yehowa, Nzambi wenu, wakanu; hatula mu buloba bua Ejipitu, wakanuhikula mu nsubu wa lukanu; udi musue kunusesuisha mu nshila wakanuambila Yehowa, Nzambi wenubua nuenu kuendamu. Nunku nenumushe malu mabi â munkatshi muenu.

Dielulula 30:2

ne hanuakudimuna mitshima yenu kudi Yehowa, Nzambi wenu, bua kutumikila mei andi ne mitshima yenu yonso ne mioyo yenu yonso, bu munakunuambila lelu, ne nuenu ne bana benu;

Dielulula 30:20

bua kunanga Yehowa, Nzambi wenu, ne bua kutumikila dî diandi, ne bua kumulamata; bualu bua yeye udi muoyo wenu ne muvudishi wa matuku enu; nunku nenushikame mu buloba buakalaya Yehowa batatu benu, Abalahama ne Isaka ne Yakoba, bua kubahabu.

Dielulula 30:8

Nuenu nenuhingane, nenutumikile dî dia Yehowa, nenuenze mikenji yonso inakunuambila lelu.

Dielulula 4:10

dituku dinuakimana ku mpala kua Yehowa, Nzambi wenu, mu Holeba, hakangambila Yehowa ne, Unsangishile bantu, mbunvuishe mei anyi, bua bobo bamanye mua kuntshina matuku abo onso a ha buloba, ne bua bobo bayishe bana babo.

Dielulula 4:40

Nuenu nutumikile mei andi ne mikenji yandi, bu munakunuambila lelu, bua nuenu nuikale ne disanka ne bana benu badi banulonda ku nyima, ne bua nuenu nuvudishangane matuku enu ha buloba budi Yehowa, Nzambi wenu, unuha tshiendelele.

Dielulula 5:16

Unemeke tatuʼebe ne mamuʼebe bu muakanuambila Yehowa, Nzambi webe, bua matuku ebe ikale a bungi, ne bua wewe ukume dikasa dimpe mu buloba budi Yehowa, Nzambi webe, ukuha.

Dielulula 5:29

O, nakadi kusua bua mutshima eu wikale munda muabo, bua kuntshina ne bua kuenza mikenji yanyi yonso matuku onso, ne bobo bikale ne dikasa dimpe, ne bana babo badi balonda ku nyima tshiendelele!

Dielulula 5:33

Nuende bienu mu nshila wakanuambila Yehowa, Nzambi wenu, bua nuenu nuikale ne muoyo, ne bua nuenu nukume dikasa dimpe, ne bua nuenu nuvudishangane matuku enu mu buloba bunudi nuhiana.

Dielulula 6:3

Unvuai, Isalele, nubienze; bua nuenu nukume dikasa dimpe, ne bua nuenu nukumbane ba bungi, bu muakanulaya Yehowa, Nzambi wa batatuʼenu, mu buloba budi bûle tente ne mabele ne buitshi.

Ebrewu 5:9

Hakavuishibueye ne buakane buonso, yeye wakalua muenzeshi wa luhandu lua tshiendelele kudi bonso badi bamutumikila;

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.