Yirmeya 7:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nsubu eu udibo bambikila ku dina dianyi wakalua tshisokomenu tshia banyengi ku mesu kuenu, anyi? Yehowa udi wamba ne, Monai, meme nkayanyi, nakadimuenena bualu ebu.

MUKANDA WA MYIDI MUKULU

¹¹ Maweja-Nangila udi wamba ne: ndi mumone bionsu binudi nuenza. Nzubu wanyi meme, ukadi muaba udi bivi basokomena anyi?

Yirmeya 7:11 교차 참조

2 Kulondolola 6:33

unvue biebe mu muaba webe mu diulu, witabushe malu onso adi muenyi eu ukulomba; bua bantu bonso ba ha buloba bamanye dina diebe, bakutshine, bu mudi bantu bebe Bena Isalele; bamanye kabidi ne nsubu eu unakukuibakila udi ubikidibua dina diebe.

Yeshaya 1:12

Hanualua kumueneka ku mesu kuanyi, wakunuelela mukenji nganyi bua nuenu nudiate biendedi bianyi?

Yeshaya 56:7

nendue ne bantu aba ku mukuna wanyi wa tshijila, nembavudishile disanka mu nsubu wanyi wa kutendelela. Milambu yabo ya kuosha ne milambu yabo ya bia kudia neyitabushibue ha tshioshelu tshianyi; bualu bua nebabikile nsubu wanyi ne, Nsuhu wa tshitendelelu tshia bantu bonso.

Yirmeya 2:34

Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yirmeya 29:23

Yehowa udi wamba ne, Bualu bua bantu aba bakuenza malu a hatuhu mu Isalele, bakuenda masandi ne bakashi ba bena mutumba nʼabo; bakuamba mei a mashimi mu dina dianyi andi tshiyi mubambile bua kuambabo; meme nyeye udi mumanye bualu ebu ne udi mumanyi wabu.

Yirmeya 7:10

Hashishe nenulue bua kuimana mu nsubu eu udibo bambikila ku dina dianyi, nuamba ne, Tuakuhandishibua; nudi basungidibue anu bua kuenza malu â mabi, anyi?

Yezekiyele 35:13

Bualu bua wewe wakudibandisha ku mpala kuanyi ne mei a mukana muebe, wa kundi ula ne mei mavule, ne meme nakaunvua;

Danyele 9:18

Nzambi wanyi, uteleje matshu ebe, unvue. Ubulule mesu ebe, umone dibutuka dietu ne dia musoko udi muinyika dina diebe. Bualu bua katuena tukutendekena bua tudi ne bienzedi biakane, kadi anu bualu bua luse luebe lunene.

Matayi 21:13

yeye wakabambila ne, Bakafunda ma Mukanda wa Nzambi ne, Nebabikile nsubu wanyi ne, Nsubu wa kutendelelamu Nzambi, kadi nuenu nuakumuvuisha bu muaba wa banyengi.

Marke 11:17

Wakabayisha ne, Kabakafunda mu Mukanda wa Nzambi ne, Nebabikile nsubu wanyi ne, Nsubu wa tshitendelelu tshia bisamba bionso, anyi? Kadi nuenu nuakumuvuisha muaba wa banyengi.

Yowanane 2:16

wakambila bahanyi ba nyunyu ya nkutshi ne, Umushai bintu ebi; kanuvuishi nsubu wa Tatu wanyi bu wa bendi ba mushinga.

Ebrewu 4:13

Ne kakuena tshintu tshifukibua tshidi katshi tshimueneshibua ku mesu kuandi, kadi bintu bionso bidi butaka ne bibuluka ku mesu kua utudi nʼandi ne bualu.