Yirmeya 51:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Babulona wakadi luhanza lua or mu tshianza tshia Yehowa, luakakuatshisha ba ha buloba bonso maluvu a malu mabi andi, ba mu bisamba bia bantu bakuma nvinyo yandi, nunku ba mu bisamba ebi bakuhala.

MUKANDA WA MYIDI MUKULU

⁷ Ditunga dia Babilone divua mu tshianza tshia Maweja-Nangila bu dikopu dia tshiamu tshia mpawungi. Bantu ba buloba bujima bavua banuinamu maluvu, bakuatshika. Bisamba bionsu bivua bijimija lungenyi, pavuabi binua maluvu avuamu.

Yirmeya 51:7 교차 참조

Yeshaya 14:4

neubange kuimba musambu eu wa kutshimbisha nʼau mukelenge wa mu Babulona. Newambe biebe ne, Mona mudi mutukengeshi muholeshibue, ne mudi tshiji tshiandi tshiakudibandisheye nʼatshi tshihuwishibue!

Yirmeya 13:13

Hashishe wewe neubambile ne, Yehowa udi wamba ne, Monai, nenkuatshishe bantu bonso ba ha buloba maluvu, kudi bakelenge badi bashikame mu nkuasa wa Davidi, bakuidi ne baprofete ne ba mu Yelushalema bonso.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 50:38

Munanga ukuate mai a mu misulu yandi, bua akame; bua buloba buandi budi buloba bua mpingu, badi badivuisha bantu bahale ku mpingu.

Yezekiyele 23:42

Diyoyo dia tshisumbu tshinene tshia bakadi basanka ne banaya diakunvuikaku; ne bakalua ne tshisumbu tshia bantu ba hatuhu basangisha ne tshisumbu tshia bakuatshiki ba maluvu bafume ku tshihela; bakabela nkanu ku maboko abo ne bakabasa bifulu bia bukelenge bilengele ku mitu yabo.

Danyele 2:32

Mutu wa luhingu alu wakadi wa tshiamu tshia or muimpe, tshiadi tshialu ne maboko alu biakadi bia tshiamu tshia argent, dilu dialu ne bibelu bialu biakadi bia tshiamu tshia mitaku.

Danyele 2:38

Yeye wakufila bukua bantu mu bianza biebe, nyama ya mu mpata, nyunyu ya mulu, ne miaba yonso idibi tushikame, wakauteka wewe mukokeshi ku mutu kuabi. Wewe mume udi mutu au wa or.

Didimanyisha 14:8

Ne muanjelo mukuabo, muibidi wakalonda, wamba ne, Babulona munene wakuhuka, wakuhuka, wakunuisha bisamba bionso nvinyo wa tshishi tshia masandi andi.

Didimanyisha 17:2

udi bakelenge ba ha buloba benda nʼandi masandi, ne badi bikala ha buloba bakakuatshishibua ne nvinyo wa masandi andi.

Didimanyisha 17:4

Mukashi wakadi muluatshisha ne bilulu bikunzubile ne bikunzekunzu, mulengeshibue ne ngolo ne mabue a mushinga mukole ne a perle, muikale ne luhanza lua ngolo mu tshianza tshiandi lûle tente ne malu a bukoya bua masandi andi.

Didimanyisha 18:23

ne dinkenka dia muinda kadiena ditema munkatshi muebe kabidi tshiendelele; kabena bunvua dî dia mubaki ne dia mubakibue munkatshi muebe kabidi tshiendelele; bualu bua bangendʼa mushinga bebe bakadi bakelenge bana ha j buloba; bualu bua ba mu bisamba bionso bakadingibua ku muhongo webe.

Didimanyisha 18:3

Bualu bua bisamba bionso biakuhuka ku nvinyo wa tshishi tshia masandi andi, ne bakelenge ba ha buloba bakenda nʼandi masandi, ne bangendʼa mushinga ba ha buloba bakalua babanshi ku bukole bua buneme buandi.

Didimanyisha 19:2

bualu bua dilumbulula diandi didi dilelela ne diakane; bualu bua wakulumbuluisha mukashi wa masandi mimene, yeye wakanyanga buloba ne masandi andi, ne wakasombuela mashi a bahika bandi mualombe ku tshianza tshiandi.