Yirmeya 51:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

MUKANDA WA MYIDI MUKULU

⁵ Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Yirmeya 51:5 교차 참조

1 Bakalenga 6:13

Nenshikame munkatshi mua Bena Isalele, tshiena ndekela bantu banyi, Bena Isalele.

2 Bakalenga 21:16

Manashe wakamatshisha mashi a bantu bakadi kabayi ne bilumbu hanshi, tô ne hakûsheye Yelushalema tente; wakenza malu au ha mutu ha malu mabi makuabo akenzeye ku mesu kua Yehowa.

Ezela 9:9

Bualu bua tudi bahika; kadi Nzambi kakutulekela mu buhika buetu, wakutuvuisha ne luse ku mesu kua bakelenge ba Pelasa bua kutusangashabo ne bua kutuashilabo nsubu wa Nzambi wetu, ne bua kulongololabo miaba idi mihaula ne bua kutahabo lumbu mu Yuda ne mu Yelushalema.

Misambu 94:14

Bualu bua Yehowa kena wihata bantu bandi, kena ulekela ba mu buhianyi buandi.

Yeshaya 44:21

Vuluka malu â, Yakoba, Isalele mene; bualu bua wewe udi muntu wanyi! Nakukufuka, wewe udi muntu wanyi; tshiena nkuhua muoyo, Isalele.

Yeshaya 51:15

Bualu bua meme ndi Yehowa Nzambi webe, udi usonsola mai manene, bua mavuala au abile ne tshiona tshinene; Yehowa wa misumba ndina diandi.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Yirmeya 14:19

Wewe wakuhidia Yuda tshiendelele, anyi? Mutshima webe udi mutondibue bua Siona, anyi? Wakututaha bikole nunku ne kakuena kuondaha kua mputa wetu, anyi? Tuakatekemena ditalala, kadi diakalengele kadiakalua kutudi; tuakatekemena tshikondo tshia kusangala, kadi monai, kabutu kadiku!

Yirmeya 14:9

Bualu kai ukadi kutudi bu muntu udi ne buowa, bu muena bukitu udi kayi mua kutusungila? Kadi wewe, Yehowa, udi munkatshi muetu; tuetu ludi tubikidibua ku dina diebe; kutulekedi nansha.

Yirmeya 16:18

Nendianjile kubafuta dikenga dia musangu muibidi bua malu mabi abo ne bua mibi yabo, bualu bua bakunyanga buloba buanyi ne bitalu bia bintu biabo bibi, ne bakûsha buhianyi buanyi tente ne malu abo a bundu.

Yirmeya 19:4

Bualu bua bakundekela, bakuvuisha muaba eu bu muaba wa bantu ba bende, bakuoshilamu nzambi mikuabo musenga wa manananshi, nzambi mene yakadibo kabayi bamanye, nansha bobo bine nansha batatu babo nansha bakelenge ba Yuda; bakûsha muaba eu tente ne mashi a bantu bakadi kabayi ne bualu.

Yirmeya 23:15

Nunku Yehowa wa misumba udi wamba bua baprofete aba ne, Tangilai, nembadishe ne bintu bia bululu, nembanuishe mai a lulengu, bualu bua malu mabi mafume kudi baprofete ba mu Yelushalema, akutangadika mu buloba buonso.

Yirmeya 31:37

Yehowa udi wamba ne, Biamanyabo mua kuidikisha diulu, biamanyabo mua kuidikisha bishimikidi bia mu ndondo wa buloba, mmuomumue nempidie bana bonso ba Bena Isalele bua malu onso akuenzabo.

Yirmeya 46:28

Yehowa udi wamba ne, Wewe, Yakoba, muntu wanyi, kutshinyi, bualu bua udi nʼebe; nentume kabutu ka tshiendelele kudi bisamba bionso binakakutuma, kadi tshiena nkubutula wewe kashidi; nenkulengeshe ne kulumbulula kuakane, kadi tshiena nkushiya hatuhu, kuyi mukengeshibue.

Yirmeya 50:20

Yehowa udi wamba ne, Mu matuku au ne mu tshikondo atshi nebakebe dihambuka dia Bena Isalele dia ku buakane, kadi kabena badimona, nebakebe malu mabi a Bena Yuda, kadi kabena basangana; bualu bua meme nembuikidile mibi ya bantu bandi nshiya bu difuka didi dishala.

Yirmeya 51:19

Yehowa, Luseke lua Buhianyi bua Yakoba, kena bu bintu ebi, kadi yeye udi mufuki wa bintu bionso; Bena Isalele ntshisamba tshia buhianyi buandi, Yehowa wa misumba ndina diandi.

Yezekiyele 8:17

Nunku yeye wakankonka ne, Muana wa muntu, wakumona muanda eu, anyi? Mbualu bukese ku mesu kua ba mu tshisamba tshia Bena Yuda bua kuenzabo malu a bundu adibo benza mu muaba eu, anyi? Bua meji abo a nunku badi busha buloba tente ne ditomboka diabo, ne batshidi bankuatshisha tshiji. Tangila mudibo bateka ditamba ku mûlu abo!

Yezekiyele 9:9

Hashishe yeye wakangambila ne, Bubi bua Bena Isalele ne bua Bena Yuda budi buhita hunene, buloba budi bûle tente ne kumatshisha kua mashi, ne musoko udi mûle tente ne kunyanga kua bilumbu bia bantu. Bualu bua badi bamba ne, Yehowa wakulekela buloba buetu, ne Yehowa kena utumona.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Osheya 2:1

Ambilai bana benu ba balume ne, Nudi bantu banyi; ambilai bana benu ba bakashi ne, Nuakuheta luse.

Osheya 2:3

bua tshiadi bivualu biandi, tshimushiyi butaka bu muakadiye mu dituku diakamulelabo; tshimuvuishi bu tshihela tshia lusenga, tshimuvuishi bu buloba bûme, tshimushihi ne nyota.

Osheya 4:1

Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Mika 7:18

Neanyi udi Nzambi bu wewe, udi ubajimishila bubi, udi ulekelela difuka dia buhianyi buandi bubi bua ditomboka diabo? Yeye kena ushala ne tshiji tshiendelele, bualu bua udi usanka bua kulesha bantu luse lujalame.

Mika 7:20

Neuleshe Yakoba lulamatu luebe, ne luse luebe lujalame kudi Abalahama, bu muwakaditshiha kudi batatu betu, bibangile ku matuku a kale.

Zekâya 12:6

Mu dituku adi nenvuishe banfumu ba biota bia Bena Yuda bu dilonga dia kahia munkatshi mua nkunyi, ne bu tshimunyi munkatshi mua bisumbu bia blé; neboshe ba mu bisamba bionso bidi bibanyunguluka, ku tshianza tshia balume ne ku tshianza tshia bakashi; kadi ba mu Yelushalema nebashikame mu muaba wabo, mu Yelushalema mene.

Zekâya 12:8

Mu dituku adi Yehowa nealame bantu badi bashikame mu Yelushalema; ne muntu wa munkatshi muabo udi mutambe kuteketa neikale bu Davidi mu dituku adi, tshiota tshia Davidi netshikale bu Nzambi, bu muanjelo wa Nzambi ku mpala kuabo.

Zekâya 2:12

Yehowa neangate Yuda bu buhianyi buandi mu buloba bua tshijila, neasungule Yelushalema kabidi.

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.