Yirmeya 49:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nunku Yehowa udi wamba ne, Monai, mu matuku alualua nengunvuishe bantu mbila ya bena nvita badi baluisha bena Laba wa bana ba Amona; musoko eu neulue tshikulu, neboshe misoko yau idi mu ntshiamba ne kahia. Yehowa udi wamba ne, Bena Isalele nebangate buhianyi bua bakadi bangata buhianyi buabo diambedi.

MUKANDA WA MYIDI MUKULU

² Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Yirmeya 49:2 교차 참조

2 Samuele 11:1

Ku tshibangidilu tshia tshidimu tshikuabo hakadi bakelenge baluhuka bua kuluanganabo, Davidi wakatuma Yoaba ne bantu bandi bakadi nʼandi ne Bena Isalele bonso, bakahaula bintu bia Bena Amona; bakatshintshimika musoko wa Laba. Kadi Davidi wakashala mu Yelushalema.

Misambu 48:11

Mukuna wa Siona wikale ne disanka; bana bakashi ba Bena Yuda basanke bualu bua mikenji yebe mijalame.

Misambu 97:8

Siona wakunvua, wakadi ne disanka; bana ba bakashi ba Bena Yuda kabidi bakasanka, bualu bua dilumbulula diebe, Yehowa.

Yeshaya 11:14

Nebâuke ha diaha dia Bena Peleshete ku luseke lua wesete, ne bubidi buabo nebanyenge bintu bia bena luseke lua esete. Nebolole bianza biabo bua kukokesha Edome ne Moaba, ne Bena Amona nebatumikile mei abo.

Yeshaya 17:1

Dî dia tshijila bualu bua Damaseke. Yehowa wa misumba udi wamba ne, Monai, badi bumusha Damaseke mu muaba wandi wa butumbi bua kikadi musoko munene, neikale tshikulu tshia nsubu mifue.

Yirmeya 4:19

Ndi nyingalala! Ndi nyingalala! Ndi ne kanyinganyinga tô ne ku mutshima wanyi mene! Mutshima wanyi udi ukumakuma munda muanyi; tshiena mua kuhuwa talalâ; bualu bua wewe, mutshima wanyi, wakumpa dî dia mpungi, didi dibisha bantu bua kuluanganabo nvita.

Yirmeya 49:1

Bualu bua Bena Amona. Yehowa udi wamba ne, Isalele kena ne bana balume, anyi? Kena ne muhianyi wa bintu biandi, anyi? Kadi Milekoma wakumana buloba bua Gada munyi? Bantu bandi badi bashikame mu misoko yau bishi?

Yezekiyele 21:20

Sungula biebe nshila bua muele wa nvita uyilemu bua kufika ku Laba, musoko wa Bena Amona, ne nshila wa ku Yelushalema, musoko wa mu Yuda, udi munyunguluke ne ngumbu.

Yezekiyele 21:25

Ne wewe, muntu mubi udi mutaha ne mputa wa lufu, mukokeshi wa Bena Isalele, muena dituku dia dikenga didi ha buihi, mu tshikondo tshia dikenga dia kunshikidilu,

Amosa 1:14

Nunku nentemeshe kahia ha lumbu lua Laba, nekashidishe nsubu ya bakelenge; kuela kua mbila nekuikaleku mu dituku dia nvita, ne tshihuhu netshikaleku mu dituku dia nvunde.

Obadya 1:19

Badi ku luseke lua Sude nebadiangatshile mukuna wa Esau, badi mu Tshibanda nebadiangatshile buloba bua Bena Peleshete, nebadiangatshile madimi a mu Efelayima, ne madimi a mu Samalea, ne Benyamina neadiangatshile Gilada.

Dibadika 10:9

Hanuaya kusangana mba ne bantu badi banukengesha mu buloba buenu, nenuele mpungi bikole, nenuikale nuvulukibua ku mesu kua Yehowa, Nzambi wenu, nenusungidibue kudi bantu badi nʼenu lukuna.

Dibadika 21:25

Bena Isalele bakanyenga bimenga ebi bionso Bena Isalele bakashikama mu bimenga bionso bia Bena Amole, mu Heshebona ne mu misoko ei yonso.

Dielulula 13:16

Nenusangishe bintu bionso bia musoko mu musesu, nenuoshile Yehowa, Nzambi wenu, musoko ne bintu ebi bionso; musoko eu newikale musasula tshiendelele, kabena bawasaku kabidi.

Dielulula 3:11

(Anu Oga, mukelenge wa Bashana, wakadi mushale wa Bena Lefa; monai, bulalu buandi buakadi bua biamu; budi mu Laba wa Bena Amona: bule buabu buakadi coudées tshitema ne butshiama buabu buakadi coudées mai.)

Yoshua 17:11

Bena Manashe bakadi ne misoko ei munkatshi mua Bena Yisakâ ne Bena Ashê: Bete-sheana ne misoko yau, ne Yibelama ne misoko yau, ne Bena Dô ne misoko yabo, ne Bena Endô ne misoko yabo, ne Bena Tanaka ne misoko yabo, ne Bena Megido ne misoko yabo, ne mikuna isatu.

Yoshua 17:16

Bana ba Yosefe bakamba ne, Buloba bua ku mikuna kabuena butukumbana; Bena Kanâna bonso badi bashikama mu tshibanda badi ne makalu a biamu, ne badi mu Bete-sheana ne misoko ei ne badi mu tshibanda tshia Yizelele.