Yirmeya 49:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bualu bua Bena Amona. Yehowa udi wamba ne, Isalele kena ne bana balume, anyi? Kena ne muhianyi wa bintu biandi, anyi? Kadi Milekoma wakumana buloba bua Gada munyi? Bantu bandi badi bashikame mu misoko yau bishi?

MUKANDA WA MYIDI MUKULU

¹ Bua bidi bitangila bena Amone, Maweja-Nangila udi wamba ne: “Mvidie Milkome uvua mukuate, buloba bua Ngade bua tshinyi? Bena Amone badi basomba mu bimenga bia bena Izrayele bua tshinyi? Bena Izrayele kabena ne bana badi mua kupiana buloba buabu anyi?”

Yirmeya 49:1 교차 참조

Genese 19:38

Muanʼa mukala wakalela muana mulume kabidi, wakamuidika dina ne, Beneami, yeye wakadi nkambua wa Bena Amona tô ne lelu.

2 Bakalenga 10:33

ku Yadene kua ku esete ne buloba buonso bua Gilada ne bua Bena Gada ne bua Bena Lubena ne bua Bena Manashe ne ku Aloê udi mu tshibanda tshia Ânona tô ne ku Gilada ne Bashana.

2 Bakalenga 24:2

Yehowa wakamutumina bisumbu bia Bena Kasada ne Bena Sulia ne Bena Moaba ne Bena Amona bua kuluanganabo ne Bena Yuda ne bua kubabutula bu muakadi dî dia Yehowa diakabambileye mukana mua bantu bandi baprofete.

2 Kulondolola 20:1

Ku nyima kua malu â Bena Moaba ne Bena Amona ne Bena Meunima bakuabo bakalua kuluangana ne Yehoshafata.

2 Kulondolola 20:23

Bualu bua Bena Amona ne Bena Moaba bakimana ku mpala kua ba ku mikuna ya Seî, bua kubabutula ne kubashiha; hakashikishabo kushiha ba ku mikuna ya Seî, bakashihangana nkayabo.

Nehemya 2:19

Kadi hakabunvua Sanebalata, Muena Holona, ne Tobiya, Muena Amona, muena mudimu wandi, ne Gesheme, Muena Alabâ, bakatuseka, bakalengulula, bakatukonka ne, Bualu ebu bunudi nuenza budi tshinyi? Nudi basue kutombokela mukelenge, anyi?

Nehemya 4:7

Kadi hakunvua Sanebalata ne Tobiya ne Bena Alabâ ne Bena Amona ne Bena Ashedodo ne, Badi bananukila kuasa ngumbu ya Yelushalema ne badi bamba kukanda miaba yakadi mishimbuka, bakadi ne tshiji tshikole;

Misambu 83:7

mba mu Gebala, Amona ne Amaleka; badi ba mu Peleshete diatshimue ne badi bashikame mu Tulo.

Misambu 9:6

Bena lukuna bakubutidibua; misoko yabo lwakushimbula yakulua bikulu tshiendelele. Tshivulukidi tshiai mene tshiakajimina.

Yirmeya 12:14

Yehowa udi wamba dî edi bualu bua bena mutumba nʼanyi babi, badi balenga bianza biabo ha buhianyi bunakuhesha bantu banyi Bena Isalele ne, Monai, nembajule mu buloba buabo, nenjule Bena Yuda munkatshi muabo.

Yirmeya 25:21

Nakalunuisha Bena Edome, Bena Moaba ne bana ba Amona.

Yirmeya 25:9

monai, nentume dî bua kuangata ba mu meku onso a ku luseke lua ku nôde, mmudi Yehowa wamba; nembikile Nebukadenesâ, mukelenge wa Babulona, muntu wanyi; nendue nʼabo bua kuluisha bena buloba ebu ne bonso badi bashikamemu, ne bua kuluisha ba mu bisamba bidi binunyunguluke. Nembutule ba mu buloba ebu, nembavuishe bu tshintu tshidi tshikemesha bantu, tshidibo babingila, bu bikulu tshiendelele.

Yirmeya 27:3

ubitume kudi mukelenge wa Edome, kudi mukelenge wa Moaba, kudi mukelenge wa Bena Amona, kudi mukelenge wa Tulo ne kudi mukelenge wa Sidona, mu bianza bia miloho yabo yakulua ku Yelushalema kudi Sedekiya, mukelenge wa Yuda.

Yirmeya 48:1

Bualu bua Moaba. Yehowa wa misumba, Nzambi wa Isalele, udi wamba ne, Mulau wikale kudi Nebo! Bualu bua udi munyanguke; Kîyata-ayima udi mukuatshike bundu, udi munyengibue; muaba udibo bakolesha ne bielelu bia nvita udi mukuatshike bundu, bakûtamba bukole.

Yirmeya 49:23

Udi wamba bua Damaseke ne, Badi batshinyisha Hamata ne Âpada kabidi, bualu bua bakunvua ngumu mibi, badi benguluka ne buowa, batu batatshishibue bu mudi mai manene adi kâyi mua kutalala.

Yirmeya 49:28

Edi ndi dia Yehowa bualu bua Kedâ ne makelenge a Hasô akayishabo benʼau kudi Nebukadenesâ, mukelenge wa Babulona. Yehowa udi wamba ne, Jukai, yai bienu ku Kedâ, nubulule bantu ba ku luseke lua esete.

Yirmeya 49:7

Bualu bua Edome. Yehowa wa misumba udi wamba ne, Meji kaena mu Temana kabidi, anyi? Lungenyi lua bena meji babo luakufua, anyi? Meji abo onso akujimina, anyi.

Yezekiyele 21:25

Ne wewe, muntu mubi udi mutaha ne mputa wa lufu, mukokeshi wa Bena Isalele, muena dituku dia dikenga didi ha buihi, mu tshikondo tshia dikenga dia kunshikidilu,

Yezekiyele 25:1

Dî dia Yehowa diakalua kundi ne,

Sefanya 1:5

ne badi batendelela bintu bia mu diulu ha mitu ha nsubu yabo; badi batendelela ne badi baditshiha kudi Yehowa, ne badi baditshiha kudi Milekoma diatshimue.

Dibadika 1:24

Bana ba Gada ku bikondo biabo, ku meku abo, ku nsubu ya batatuʼabo, bungi bua mena abo, ku bidimu makumi abidi tô ne ha mutu, bakamanya mua kuya mu nvita;

Dielulula 2:19

hanualua ba buihi ne Bena Amona, kanubatatshishi, kanuluanganyi nʼabo; bualu bua tshiena munuhe buloba bua Bena Amona bu buhianyi buenu, bualu bua nakamana kuha bana ba Lota buloba abu bu buhianyi buabo.

Dielulula 23:3

Muena Amona anyi Muena Moaba kababuedi mu disangisha dia bantu ba Yehowa; ne tunkanunuma tuabo kaubuedi mu disangisha dia bantu ba Yehowa tô ne hahita bikondo dikumi tshiendelele;

Dielulula 23:4

bualu bua bobo kabakanuha bia kudia ne mai a kunua mu nshila hanuakaluhuka mu Ejipitu; ne bualu bua bobo bakahita Belâma, muana mulume wa Beô ku Petô wa mu Mesopotamia, bua kunueleye mulau.