Yirmeya 48:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bualu bua wakueyemena bienzedi bia bianza biebe ne luhetu luebe, nebakukuate wewe kabidi; nebaye ne Kemoshe mu buhika, ne bakuidi bandi ne baminyampala bandi.

MUKANDA WA MYIDI MUKULU

⁷ Mowabe, wewe udi udimona ne bukole, ne bintu bia bungi. Kadi nebakukuate wewe kabidi! Kemoshe, mvidie webe, neaye mu ditunga dia bende mu bupika, kabidi ne batuangaji bebe, ne balombodi ba mu bukalenga buebe.

Yirmeya 48:7 교차 참조

2 Samuele 5:21

Bakashiyaku mpingu yabo; Davidi ne bantu bandi bakaya nʼai.

1 Bakalenga 11:33

bualu bua bobo bakundekela, bakutendelela Bashetoleta, nzambi mukashi wa Bena Sidona, ne Kemosha, nzambi wa Bena Moaba, ne Milekoma, nzambi wa Bena Amona; kabakuenda mu nshila yanyi, bua kuenzabo malu adi mimpe ku mesu kuanyi ne bua kutumikilabo mei anyi ne mikenji yanyi bu muakenza Davidi tatu wandi.

1 Bakalenga 11:7

Hashishe, Solomo wakashila Kemosha, bundu bua Bena Moaba, tshitendelelu ha mutu ha mukuna udi ku mpala kua Yelushalema, ne tshia Moleke, bundu bua Bena Amona.

Misambu 40:4

Disanka didi kudi muntu udi uvuisha Yehowa tshieyemenu tshiandi, udi kayi ukudimuna kudi badi badisue, anyi kudi badi hasesuka bua kulondabo mashimi.

Misambu 52:7

Mona muntu eu wakadi kayi uvuisha Nzambi tshieyemenu tshiandi, kadi wakeyemena dilengama dia biuma biandi, wakadikolesha mu malu mabi andi.

Yirmeya 13:25

Yehowa udi wamba ne, Elu nduseke luebe lua buhianyi, ne tshituha tshinakukuidikishila, bualu bua wakumpua meme muoyo, wakueyemena mashimi.

Yirmeya 43:12

Nentemeshe kahia mu nsubu ya nzambi ya mu Ejipitu, Nebukadenesâ neoshe nsubu ne neaye ne nzambi ei mu buhika. Nealengeshe buloba bua Ejipitu bu mudi mulami wa mikoko umusha tuishi ku tshmialu tshiandi, nealuhukemu ne ditalala.

Yirmeya 48:13

Moaba neakuatshike bundu bualu bua Kemoshe, bu muakakuatshika Bena Isalele bundu bualu bua Betele, tshieyemenu tshiabo.

Yirmeya 48:46

Mulau wikale kûdi, Moaba! Batendeledi ba Kemoshe badi bafue. Bakuya ne bana benu balume mu buhika, bakuya ne bana benu bakashi mu buloba bua bende.

Yirmeya 49:3

Wewe, Heshebona, asa muadi, bualu bua bakubutula musoko wa Ai! Nuenu, bana bakashi ba Laba, nudiluatshishe ne bilulu bikayabala, asai madilu, nuendakane mu mpangu nudila; bualu bua nebaye ne Milekoma mu buhika hohamue ne bakuidi bandi ne baminyampala bandi.

Yirmeya 49:4

Bualu kai, wewe muana mukashi udi ukoma Nzambi nyima, udi wanyisha bibanda biebe, tshibanda tshiebe tshidi ne mai ahuekamu? Munyi udi weyemena luhetu luebe, wamba ne, Walua kunduisha nganyi?

Yirmeya 9:23

Yehowa udi wamba ne, Muena meji katumbidi mu meji andi, muena bukitu katumbidi mu bukole buandi, muntu mubanji katumbidi mu bubanji buandi;

Osheya 10:13

Nunkukuna malu mabi, nuakuhuola anu bubi, nuakudia mamuma a mashimi; bualu bua nuakueyemena nshila wenu ne tshisumbu tshia bena bukitu benu.

Dibadika 21:29

Mulau ukukuate, Moaba! Nuenu, Bena Kamoshe, nudi bajimine! Bakatua bana babo balume bu banyemi, ne bana babo bakashi bu bena lukanu kudi Sihona, mukelenge wa Bena Amole.

1 Timote 6:17

Udimushe bantu badi babanshi mu tshikondo tshia mpindiu, bua bobo kabadisu, kabateki ditekemena diabo kudi bubanshi budi mua kujimina tshituha tshihi; kadi batekemena Nzambi, udi utuha bintu bionso bivula bua tuetu kusanka nʼabi.

Didimanyisha 18:7

Bu muakaditumbisheye ne muakadinemesheye, bu nunku kabidi munuhe makenga ne madilu; bualu bua yeye udi udiamba mu mutshima wandi ne, Ndi mushikame mukelenge mukashi, tshiena mukashi wa mu lufuila, ne tshiena ntangila madilu tô kashidi.

Balombodi 11:24

Kuena ukokesha buloba buakakuha Kamoshe, nzambi webe, bua kukokesha, anyi? Nunku bantu bonso badi Yehowa, Nzambi wetu, Wihata ku mpala kuetu, netubakokeshe mene.