Yirmeya 42:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Nunku Yelemiya muprofete wakabambila ne, Nakunvua disengelela dienu. Monai, nennulombele Yehowa Nzambi wenu bu munuakuamba, ne nennuambile mei onso adi Yehowa ungambila bua bualu buenu; tshiena nnusokoka dî dimue.

MUKANDA WA MYIDI MUKULU

⁴ Muambi Yirmeya kubandamuna ne: — Mbimpe munudi nundomba! Nentendelele Maweja-Nangila Mvidi Mukulu wetu. Pashishe tshiakunusokoka bualu nansha bumue. Nennumanyishe muikale Maweja-Nangila muambe.

Yirmeya 42:4 교차 참조

Misambu 40:10

Tshiakusokoka buakane buebe munda muanyi hawakumbingisha, nakuambila bantu bua lulamatu luebe lua bushuwa ne bua luhandu luebe. Tshiakusokokela ba mu disangisha dinene dia bantu luse luebe lujalame ne lulamatu luebe lua bushuwa.

Ekesode 8:29

Mose wakamba ne, Mona, nengumuke kûdi, nendombe Yehowa ne yeye neamushe bisumbu bia tuishi kudi Palô ne kudi bena mudimu bandi ne kudi bantu bandi makelela, kadi Palô katu dingi kabidi bua kulekela bantu baye kushihela Yehowa nyama.

Yirmeya 23:28

Muprofete udi ulota tshilota aule tshilota tshiandi: muntu udi ne dî dianyi ambile dî dianyi ne mutshima mutoke. Yehowa udi ukonka ne, Bisonsa bidi ne maminu a blé mudimu kai?

Yirmeya 23:35

Nunku bunudi nʼabu mbua kukonkangana, muntu yonso akonke muena mutumba nʼandi ne muanʼabo ne, Yehowa wakuitaba tshinyi? Yehowa wakuamba tshinyi?

Yirmeya 26:2

Yehowa udi wamba ne, Imana biebe mu tshiendelu tshia mu nsubu wa Yehowa, wambile ba mu misoko yonso ya mu Yuda badi balua kutendelela mu nsubu wa Yehowa mei onso andi nkuambila; kukosolodi dî dimue nansha.

Yezekiyele 2:7

Wewe ubambile mei anyi, nansha biasuabo kûnvua, nansha biabengabo kûnvua; bualu bua badi diku dia bantombokedi.

Bienzedi 20:20

Nudi bamanye ne, Tshiakatshina bua kunuambila malu onso akamanya mua kunukuatshisha ne bua kunuyisha hadi bantu bunguile, ne ku nsubu ne ku nsubu,

Bienzedi 20:27

Tshiakatshina bua kunuambila malu onso adi Nzambi musue.

Rome 10:1

Bana betu, disua dia mu mutshima wanyi ne dilomba dianyi kudi Nzambi bua bualu buabo bidi bua bobo bahete luhandu.

1 Samuele 12:23

Bua bualu buanyi, tshiena ngitabusha bua kuenzela Yehowa bibi bua kulekela kunulombela Nzambi; kadi meme nennuleshe nshila muimpe ne muakane.