Yirmeya 40:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Biwashala, uhingane kudi Gedaliya, muana wa Ahikama, muana wa Shafana, wakutekabo gouverneur wa misoko ya mu Yuda kudi mukelenge wa Babulona; ushikame nʼandi munkatshi mua bantu; anyi uye biebe kuonso kukuabo kudi kuimpe ku mesu kuebe. Nunku kapitene ka bansentedi kakamuha bia kudia ne matabisha, kakamulekela.

MUKANDA WA MYIDI MUKULU

⁵ Kadi muambi Yirmeya kavua muye to. Ke Nebuzaradane kuamba kabidi ne: — Udi mua kupingana kudi Ngedaliya, muana wa Akikame, muikulu wa Shafane. Mukalenga wa mu Babilone mmumuteke bua kuludika bimenga bia bena Yuda. Uye kusomba kudiye munkatshi mua bantu. Nansha uye miaba mikuabu kuonsu kuudi mumone ne nkuimpe. Mfumu wa bena mvita balami, kupesha Yirmeya biakudia bua luendu luende, kumusankishaye kabidi ne bintu bikuabu. Bobu kulayangana bimpe.

Yirmeya 40:5 교차 참조

2 Bakalenga 22:12

Mukelenge wakambila Hilekiya, muakuidi munene, ne Ahikama, muana wa Shafana, ne Akabo, muana wa Mikaya, ne Shafana secrétaire ne Asaya, muena mudimu wa mukelenge, ne,

2 Bakalenga 22:14

Nunku Hilekiya, muakuidi munene, ne Ahikama ne Akabo ne Shafana ne Asaya bakaya kudi Huleda, muprofete mukashi, wakadi mukashi wa Shaluma, muana wa Tikewa, muana wa Hâhasa, mulami wa bilulu bia mukelenge; (yeye wakadi mushikame mu luseke luibidi lua mu Yelushalema); bakasomba nʼandi.

2 Kulondolola 34:20

Mukelenge wakambila Hilekiya ne Ahikama, muana wa Shafana, ne Abidona, muana wa Mika, ne Shafana secrétaire, ne Asaya, muena mudimu wa mukelenge, ne,

Ezela 7:27

Disanka dikale kudi Yehowa, Nzambi wa bankambua betu, nguakateka bualu ebu mu mutshima wa mukelenge bua kulengesheye nsubu wa Yehowa udi mu Yelushalema,

Ezela 7:6

Ezela eu mene wakafuma mu Babulona; wakadi mufundi muakane wa mikenji ya Mose yakafila Yehowa, Nzambi wa Bena Isalele; mukelenge wakamunvuila mu malu onso akamuebesheye bualu bua tshianza tshia Yehowa, Nzambi wandi, tshiakadi kudiye.

Nehemya 1:11

Mukelenge, ndi nkusengelela ne, Teleja matshu ebe ku kulomba kua muntu webe ne ku kulomba kua bantu bebe badi ne disanka bua kutshina dina diebe; ndi nkusengelela ne, Uhe muntu webe diakalengele lelu, umufile luse ku mesu kua muntu eu. (Bualu bua meme nakadi mutuadi wa luhanza lua mukelenge).

Yobe 22:29

Bualu bua Nzambi udi uhuekesha badi badibandisha, udi ubandisha udi ne mesu andi minama.

Nsumuinu 16:7

Bikala bienzedi bia muntu bisankishe Yehowa, yeye udi umulengeshisha ne bena lukuna bandi.

Nsumuinu 21:1

Mutshima wa mukelenge mu bianza bia Yehowa udi bu misulu ya mai, yeye udi ûtuma kuonso kudiye musue.

Yirmeya 15:11

Yehowa wakamba ne, Bulelela, nenkukoleshe bua wewe kuikala ne diakalengele; bulelela, nenkuakuile kudi bena lukuna bebe mu tshikondo tshia ntatu ne tshia dikenga.

Yirmeya 26:24

Kadi tshianza tshia Ahikama, muana wa Shafana, tshiakadi tshikuatshisha Yelemiya, bua kabamufidi mu bianza bia bantu bua bobo bamushihe.

Yirmeya 39:14

bakatuma bantu, bakumushe Yelemiya mu tshitendelu tshia balami ba nsubu wa lukanu, bakamufila mu bianza bia Gedaliya, muana wa Ahikama, muana wa Shafana, bua yeye amufile ku nsubu kuandi. Nunku Yelemiya wakashikama munkatshi mua bantu bakuabo.

Yirmeya 40:4

Mona, lelu eu ndi nkusulula nkanu ei idi ku bianza biebi. Biwamona ne, Mbimpe bua kuya nʼanyi ku Babulona, lua nʼanyi, ne meme nenkuenzele bimpe. Kadi biwamona ne, Kulua nʼanyi ku Babulona kakuena kuimpe, wanji kushala; tangila, buloba buonso budi ku mpala kuebe; udi mua kuya ku muaba wonso udi umueneka ku mesu kuebe bu muaba muimpe ne mukumbane.

Yirmeya 41:1

Hashishe, mu ngondo wa muanda mutekete Yishemaele, muana wa Netanya, muana wa Elishama, muena tshiota tshia mukelenge, kapitene ka masalayi a mukelenge, wakalua ne bantu dikumi kudi Gedaliya, muana wa Ahikama, ku Misepa. Hakadibo badia hohamue mu Misepa,

Yirmeya 41:18

bualu bua Bena Kasada. Bakabatshina bualu bua Yishemaele, muana wa Netanya, wakashiha Gedaliya, muana wa Ahikama, wakatekabo gouverneur ha mutu ha buloba abu kudi mukelenge wa Babulona.

Yirmeya 41:2

Yishemaele, muana wa Netanya, ne bantu dikumi bakadi nʼandi bakajuka, bakataha Gedaliya, muana wa Ahikama, muana wa Shafana, ne muele wa nvita, bobo bakashiha muntu wakatekabo gouverneur kudi mukelenge wa Babulona.

Bienzedi 27:3

Hakatshiabu, tuakafika ku Sidona; Yulio wakenzela Paulo bimpe, wakitabusha bua yeye kuya kudi balunda bandi bamukuatshishe.

Bienzedi 27:43

Kadi bualu bua kapitene kau wakasua kusungila Paulo, wakâkesha; wakamba ne, Badi bamanye mua kuombela badiele mu mai, badianjile ku mpata,

Bienzedi 28:10

bobo bakatamba tutu tumbisha; hatuakamba kumuka, bakabuesha bintu bitu akadi nʼabi bualu mu bualu.

Ebrewu 13:6

Nunku, tudi tuamba ne dikima ne, Mukelenge udi mukuatshishi wanyi; tshiena ntshina; Muntu neangenzele tshinyi?