Yirmeya 4:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Ndi nyingalala! Ndi nyingalala! Ndi ne kanyinganyinga tô ne ku mutshima wanyi mene! Mutshima wanyi udi ukumakuma munda muanyi; tshiena mua kuhuwa talalâ; bualu bua wewe, mutshima wanyi, wakumpa dî dia mpungi, didi dibisha bantu bua kuluanganabo nvita.

MUKANDA WA MYIDI MUKULU

¹⁹ Eyi, dikenga didi dintatshisha too, dinkunya ne ku mala a munda. Muoyi udi untuuta bikole munda, ukeba kutayika. Tshiena mumvue dikisha to. Tshiena mua kupuwa to. Ndi mumvue mpungi ne mbila ya mvita.

Yirmeya 4:19 교차 참조

Genese 49:6

Mutshima wanyi kaubuedi mu tshifufu tshiabo, ne butumbi buanyi kabubuelakanyi nʼabo mu disangisha diabo. Bualu bua bobo bakashiha bantu mu tshiji tshiabo, ne mu tshishiku tshiabo bakakosa ngombe mijilu ya bikono biai.

2 Bakalenga 4:19

Yeye wakadila kudi tatu wandi ne, Mutu wanyi, mutu wanyi! Yeye wakambila muena mudimu ne, Umuambule, uye nʼandi kudi mamu wandi.

2 Bakalenga 8:11

Yeye wakamutangila talalâ tô ne bakamukuata bundu. Muntu wa Nzambi wakadila.

Misambu 103:1

Mutshima wanyi, uvudishile Yehowa disanka; bionso bidi munda muanyi bivudishile dina diandi dia tshijila disanka!

Misambu 116:7

Alukila ku dikisha diebe, wewe muoyo wanyi, bualu bua Yehowa wakukuenzela malu mimpe makumbane.

Misambu 119:136

Mesu anyi adi ahatula binsonshi bu misulu ya mai; bualu bua bantu kabena batumikila mikenji yebe.

Misambu 119:53

Tshiji tshikole tshiakunkuata bualu bua bantu babi, badi balekela kutumikila mikenji yebe.

Misambu 146:1

Tumbishai Yehowa! Wewe muoyo wanyi, utumbishe Yehowa!

Misambu 16:2

Nakuambila Yehowa ne, Wewe udi Mukelenge wanyi, tshiena ne diakalengele didi dikuhita wewe.

Yeshaya 15:5

Mutshima wanyi udi udidila Moaba bikole; bihatshibue babo badi banyema tô ne ku Soâ, ku Egelata-shelishiya. Bualu bua badi babanda mu nshila udi uyila ku Luhita, bendela badila; ne mu nshila udi uyila ku Holonayima badi babandisha mei abo ne, Tuakubutuka;

Yeshaya 16:11

Bua malu â mutshima wanyi udi udidila Moaba ne tshiona bu tshia lunzenze, ne munda muanyi mudi mujinga Kî-helese.

Yeshaya 21:3

Nunku tshimono tshianyi tshiakûla tente ne kanyinganyinga, didinyenga diakunkuata, bu dia mukashi udi ne didinyenga dia ha kuleleye. Nakulua mukobame, ne bua muanda eu tshiena mua kunvua; nakukuatshika buowa, ne bua muanda eu tshiena mua kutangila.

Yeshaya 21:4

Mutshima wanyi udi uhampakana, buowa buhite bukole buakuntshinyisha. Kafuanshimba kanakasua kakukudimuka kuzakala kundi.

Yeshaya 22:4

Nunku nakamba ne, Lekelai kuntangila, bua meme ndile bikole. Kanukebi kunsamba bualu bua kubutuka kua muana mukashi wa bantu banyi.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 20:9

Bingamba kabidi ne, Tshiena ntela dina diandi, ne tshiena ngambila bantu dî diandi kabidi, mu diba adi didi mu mutshima wanyi bu kahia kadi kosha munda mua mifuba yanyi; kudikanda kudi kuntonda, ne tshiena mua kuhuwa.

Yirmeya 23:9

Bualu bua baprofete: Mutshima wanyi udi uhandika munda muanyi, mifuba yanyi yonso idi ikanka; ndi bu muntu mukuatshike maluvu, ne bu muntu udi maluvu a nvinyo mahite bukole, bualu bua Yehowa ne bua mei andi a tshijila.

Yirmeya 4:21

Nentangile dibendela, nengunvue dî dia mpungi musangu bule kai?

Yirmeya 4:5

Umanyishe ba mu Yuda ne wele dî edi mu Yelushalema, ubambile ne, Elai mpungi ha buloba; bandisha mei ebe, ubambile ne, Nudisangishe hohamue, tubuele bietu mu misoko idi ne ngumbu.

Yirmeya 42:14

binuamba ne, Nansha, netuye mu buloba bua Ejipitu mutudi katuyi tumona nvita, katuyi tunvua muadi wa mpungi wa nvita, katuyi ne nzala ya bia kudia, netushikamemu;

Yirmeya 49:2

Nunku Yehowa udi wamba ne, Monai, mu matuku alualua nengunvuishe bantu mbila ya bena nvita badi baluisha bena Laba wa bana ba Amona; musoko eu neulue tshikulu, neboshe misoko yau idi mu ntshiamba ne kahia. Yehowa udi wamba ne, Bena Isalele nebangate buhianyi bua bakadi bangata buhianyi buabo diambedi.

Yirmeya 50:22

Tshiona tshia nvita tshidi mu buloba, tshiona tshia kubutuka kunene.

Yirmeya 6:24

Tuakunvua lumu luabo, bianza bietu bidi bilembelesha; kanyinganyinga kakutukuata bu didinyenga dia mukashi udi wamba kulela.

Yirmeya 8:18

Nakadi kusua kuikala ne bukole bua kudisamba nʼabu mu kanyinganyinga kanyi; mutshima wanyi udi musame munda muanyi.

Yirmeya 8:21

Bua dikenga dia muana mukashi wa bana betu mutshima wanyi udi musame, ndi ngasa muadi; buowa buakunkuata.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Muadi 1:16

Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

Muadi 1:20

Yehowa, tangila biebe, bualu bua ndi mu ntatu, mutshima wanji udi usama; mutshima wanyi wakunyengabala munda muanyi, bualu bua nakutombokela Nzambi bikole. Ha mbelu muele wa nvita wakubishila bantu lufu, mu nsubu mudi lufu kabidi.

Muadi 2:11

Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Danyele 4:19

Hashishe, Danyele, udibo babikila ne, Beleteshasâ, wakadi ne mutshima muhandike tô tshituha tshia diba, ne meji andi akamutatshisha. Mukelenge wakamuambila ne, Beleteshasâ, tshilota etshi ne dijingulula diatshi kabikutatshishi nansha. Beleteshasâ wakamukudimuna ne, Mukelenge wanyi, tshilota etshi tshikale kudi badi nʼebe lukuna, ne dijingulula diatshi dikale kudi badi basue kukunyoka.

Danyele 7:15

Meme, Danyele, mutshima wanyi wakalubakana munda muanyi, bikena kumona bia ku mutu wanyi biakankuatshisha buowa.

Danyele 7:28

Eu nshikidilu wa muanda eu. Meme hanyi, Danyele, mutshima wanyi wakahampakana ne buowa, ne mpala wanyi wakandamuka; kadi nakalama muanda eu mu mutshima wanyi.

Danyele 8:27

Meme, Danyele, nakahungila nakadi ne disama matuku makuabo! Hashishe, nakajuka, nakakuatshila mukelenge mudimu wandi. Nakalubakana kabidi bua tshikena kumona etshi, hualu bua tshiakatshijingulula.

Amosa 3:6

Bielabo mpungi wa nvita mu musoko, bena musoko kabena bakuatshika buowa, anyi? Bualu bubi budi bukuata musoko, bikala Yehowa kayi mubutume, anyi?

Abakuke 3:16

Nakunua malu â, ne mutshima wanyi wakuhampakana, mishiku yanyi yakukanka bua tshiona atshi. Mifuba yanyi yakuvingutuka, nakuzakala mu muaba unakuimana; ndi ne bua kuindila dituku dia ntatu, muhuwe talalâ; tô ne haluadi kudi bantu badi batukengesha.

Dibadika 10:9

Hanuaya kusangana mba ne bantu badi banukengesha mu buloba buenu, nenuele mpungi bikole, nenuikale nuvulukibua ku mesu kua Yehowa, Nzambi wenu, nenusungidibue kudi bantu badi nʼenu lukuna.

Rome 10:1

Bana betu, disua dia mu mutshima wanyi ne dilomba dianyi kudi Nzambi bua bualu buabo bidi bua bobo bahete luhandu.

1 Korente 14:8

Bua biadila mpungi ne dî didi kadî dijinguluka, muntu kai wadilongolola bua kuluangana?

Ngalate 4:19

Bana banyi bakese, bandi mukuatshikile didinyenga dia ha kulela kabidi bua bualu buenu tô ne bamueneka Kilisto munda muenu,

Balombodi 5:21

Musulu wa Kishona, musulu au wa kale kale, musulu wa Kishona mene mene wakabahita bukole. Mutshima wanyi, enda ne bukole.