Yirmeya 3:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Mu matuku au ba mu Bena Yuda nebende hohamue ne ba mu Bena Isalele; nebaluhuke hohamue mu buloba bua ku node, nebafike ku buloba bunakaha bankambua benu bu buhianyi buabo.

MUKANDA WA MYIDI MUKULU

¹⁸ Diba adi, bena Yuda ne bena Izrayele nebumvuangane. Bonsu babidi nebafumine mu ditunga didi ku mutu kua dienu, bua kupingana mu ditunga dimvua mupeshe bankambua babu bua dishale diabu.

Yirmeya 3:18 교차 참조

Genese 12:7

Yehowa wakamueneka kudi Abalama, wakamba ne, Nempe tunkanunuina biebe buloba ebu Abalama wakenzela Yehowa, wakamueneka kudiye, tshioshelu.

Yeshaya 43:5

Kutshinyi, bualu bua ndi nʼebe; nendue kabidi ne tunkanunuma tuebe ludi ku esete, nennusangishe nuenu badi ku wesete.

Yeshaya 43:6

Nengambile luseke lua node ne, Ubalekele, nengambile luseke lua Sude ne, Kukandamanyi nʼabo; nulue kundi ne bana banyi ba balume badi ku luseke lua kule, ne bana banyi ba bakashi badi kunfudilu kua buloba.

Yirmeya 16:15

kadi nebambe ne, Bu mudi Yehowa ne muoyo wakaluhula Bena Isalele mu buloba bua ku node ne ku maloba onso kuakabihateye. Nendue nʼabo kabidi mu buloba bunakaha bankambua babo.

Yirmeya 23:8

kadi nebambe ne, Bu mudi Yehowa ne muoyo wakaluhula ne wakalombola bana ba Bena Isalele ku buloba bua ku nôde ne ku maloba onso kunakabihata. Nebashikame mu buloba buabo mene.

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yirmeya 30:3

Bualu bua Yehowa udi wamba ne, Mu matuku alualua nenkudimune buhika bua bantu banyi Bena Isalele ne Bena Yuda, nembahingashe mu buloba bunakaha batatu babo, ne bobo nebikale nʼabu.

Yirmeya 31:8

Tangilai, meme ndifume nʼabo ku luseke lua ku node, nembasangishe bua kubumusha ku miaba idi kunfudilu kua buloba, bafofo ne balema nebalue nʼabo, mukashi udi ne difu ne yeye udi wamba kulela; nebahingane kunoko mu tshisumbu tshinene.

Yirmeya 50:20

Yehowa udi wamba ne, Mu matuku au ne mu tshikondo atshi nebakebe dihambuka dia Bena Isalele dia ku buakane, kadi kabena badimona, nebakebe malu mabi a Bena Yuda, kadi kabena basangana; bualu bua meme nembuikidile mibi ya bantu bandi nshiya bu difuka didi dishala.

Yirmeya 50:4

Yehowa udi wamba ne, Mu matuku au ne mu tshikondo atshi bana ba Isalele nebalue, bobo ne Bena Yuda hohamue; nebaye mu nshila wabo, benda badila, nebakebe Yehowa Nzambi wabo.

Yirmeya 50:5

Nebebeshe bantu bua nshila wa ku Siona, batangishe mpala yabo ku musoko wawa, bamba ne, Luai, lulamate kudi Yehowa mu tshihungidi tshia tshiendelele tshidi katshiyi mua kuhuibua muoyo.

Yirmeya 7:7

nennushikamishe mu muaba eu bimpe, mu buloba bunakaha bankambua benu, ku dituku adi tô ne tshiendelele.

Yezekiyele 11:17

kadi Yehowa udi wamba ne, Nennusangishe munkatshi mua bantu ba bende, nennukunguishe aku bua kunuhatula munkatshi mua maloba akanumuangalashabo, ne nennuhe buloba bua Isalele.

Osheya 1:11

Nebasangishe Bena Yuda ne Bena Isalele hohamue, ne bobo bine nebadisunguile muntu umue bua kuikaleye ha mutu habo; nebumuke mu buloba ebu, bua dituku dia Yizelele nedikale dinene.

Osheya 11:12

Bena Efelayima badi bannyunguluka ne mashimi, Bena Isalele badi bannyunguluka ne mei a kundinga nʼau; kadi Bena Yuda batshidi bamanyibue kudi Nzambi, ne batshidi beyemena Wa Tshijila.

Osheya 2:2

Sengelelai mamu wenu, numusengelele; bualu bua kena mukashi wanyi, ne meme tshiena bayandi; bua yeye umushe malu andi a masandi ku mesu kuandi, ne masandi andi mene hankatshi ha mabele andi;

Amosa 9:15

Meme nembajadike mu buloba buabo mene; kabena bumushibue kabidi mu buloba bunakubaha. Yehowa Nzambi webe udi wamba mei â.

Zekâya 10:6

Nenkoleshe Bena Yuda, nempandishe ba mu tshiota tshia Yosefe, nembahingashe kabidi bualu bua ndi nʼabo luse, nebikale bu bavua kabayi bihatshibue kundi; bualu bua ndi Yehowa Nzambi wabo, nembunvuile.

Zekâya 2:6

Yehowa udi Wamba ne, Telejai bienu! Hatukai mu buloba bua ku node, nyemai, bualu bua nakanutangalasha ku mpehele inai ya diulu,