Yirmeya 27:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Kadi nuenu, kanunvu mei a baprofete benu, anyi a bena lubuku benu, anyi a badi banuambila bilota biabo, anyi a bena muhongo benu anyi a bena lubuku lua muzangu badi banuambila ne, Kanuena nukuatshila mukelenge wa Babulona mudimu.

MUKANDA WA MYIDI MUKULU

⁹ Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 27:9 교차 참조

Ekesode 22:18

Kuitabushi bua muena milongo mukashi ashale ne muoyo.

Ekesode 7:11

Palô wakabikila bena meji ne bena muhongo ne bena bilengulengu ba mu Ejipitu, bakenza muomumue ne manga abo.

Nsumuinu 19:27

Muanʼanyi, lekela kunvua diyisha didi dikuhambuisha ku mei a lungenyi.

Yeshaya 8:19

Hanuambila bantu ne, Nukebe lungenyi kudi bena lubuku lua muzangu ne kudi bena muhongo badi bakula bu biambi ne badi banungana, bualu kabuena bukuata bantu bua kukeba lungenyi kudi Nzambi wabo, anyi? Bua kukuatshisha badi ne muoyo, budibo nʼabu mbua kuya kudi bafue, anyi?

Yirmeya 14:14

Ka Yehowa wakungambila ne, Baprofete badi bamba mei a mashimi mu dina dianyi. Tshiakubatuma, tshiakubaha mukenji, tshiakubambila dî dianyi. Badi banuambila tshikena kumona tshia mashimi, mei a mbuku, malu a hatuhu ne mei a kudinga a mu mitshima yabo.

Yirmeya 23:16

Nunku Yehowa wa misumba udi wamba ne, Kanunvu mei a baprofete badi banuambila mei. Badi banuyisha malu a hatuhu; batu banuambila bua tshikena kumona tshiakafuma anu mu mitshima yabo, katshiakafuma mukana mua Yehowa.

Yirmeya 23:25

Nakunvua mei adi baprofete bamba, badi bamba mashimi mu dina dianyi ne, Nakulota tshilota, nakulota tshilota.

Yirmeya 23:32

Yehowa udi wamba ne, Tangilai, ndi mbenga baprofete badi bamba mei a mashimi bua bilota biabo, badi babiawila bantu bakuabo, badi benzesha bantu banyi bua kuenzabo malu mabi ne ku mashimi abo ku kufuna kuabo; kadi tshiakabatuma, tshiakabelela mukenji bua kuyabo; Yehowa udi wamba ne, Kabena bakuatshisha bantu aba, nansha kakese.

Yirmeya 29:8

Bualu bua Yehowa wa misumba, Nzambi wa Isalele, udi wamba ne, Kanuitabushi bua baprofete badi munkatshi muenu ne bena mbuku banudinge; kanuteleji matshu enu ku bilota bidibo balota.

Yezekiyele 21:29

bualu bua bakukulesha bikena kumona bidi bikudinga, bakukutempela mbuku ya mashimi, bakukuelela mukenji bua wewe kuteka muele eu ha nshingu ya bantu babi badi batahibue mputa ya lufu, bena dituku diakumana kufika mu tshikondo tshia dikenga dia kunshikidilu.

Danyele 4:7

Hashishe, bena mbuku, bena buloshi, Bena Kasada ne bamanyi ba malu a mitoto bakalua ku mpala kuanyi; nakabawila tshilota, kadi kabakamanya mua kummanyisha dijingulula diatshi.

Mika 3:7

Bamonyi ba malu nebatatakane, batempi nebakuatshike bundu; buonso buabo nebabuikile bianza ku mishiku, bualu bua Nzambi kena ubitaba.

Zekâya 10:2

Bualu bua mpingu ya telafima idi yamba mei a hatuhu, batempi ba mbuku badi batempa ne mashimi; badi balota bilota badi bawilangana bilota bia mashimi, badi basambangana ne busambi hua tshianana. Bua malu â bantu badi batatakana bu mikoko, badi bakenga kabayi ne mulami.

Malaki 3:5

Yehowa wa misumba udi wamba ne, Nensemene ba buihi nʼenu bua kulumbulula bilumbu bienu; nengikale mumonyi udi utuisha batempeshi ba mbuku ne bena masandi lubilu, bantu badi baditshiha ne mitshihu ya mashimi, badi bakengesha muena mudimu hadibo bamufuta difutu diandi ne mukashi wa mu lufuila ne muanʼa nshiya, bantu badi bakengesha muntu wa tshisamba tshia bende ne badi kabayi bantshina mene.

Bienzedi 8:11

Bakunvuila dî diandi bualu bua yeye wakabakemesha ne mbuku yandi tô musangu mule.

Efeze 5:6

Muntu kanudingi ne mei a hatuhu; bualu bua malu â tshishi tshia Nzambi tshilualua kudi bana ba buhidia.

Dielulula 13:2

ne hashikisheye tshimanyinu anyi bualu bua kukema bua kunubikila ne, Tuye, tulonde nzambi mikuabo mudi kanuyi bamanye, tuyenzele mudimu;

Dielulula 18:14

Bualu bua bisamba ebi binudi nuihata nunku bakadi bunvue mei a bena dijimbu ne a batempi ba mbuku; kadi Yehowa, Nzambi wenu, kena witabusha bua nuenu nuenze nunku.

Yoshua 13:22

Belâma kabidi, muana wa Beo, mutempi wa mbuku, Bena Isalele bakamushiha ne muele wa nvita munkatshi mua bantu bakuabo bakashihabo.

Didimanyisha 18:23

ne dinkenka dia muinda kadiena ditema munkatshi muebe kabidi tshiendelele; kabena bunvua dî dia mubaki ne dia mubakibue munkatshi muebe kabidi tshiendelele; bualu bua bangendʼa mushinga bebe bakadi bakelenge bana ha j buloba; bualu bua ba mu bisamba bionso bakadingibua ku muhongo webe.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.

Didimanyisha 9:21

ne kabakakudimuna mitshima yabo bua mashihangana abo, nasha bua muhongo wabo, nasha bua masandi abo, nasha bua buibi buabo.