Yirmeya 27:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bualu bua Yehowa udi wamba ne, Tshiakubatuma, kadi bobo badi bamba mei a mashimi mu dina dianyi, bua meme nnuihate, ne bua nuenu nujimine, nuenu mene ne baprofete aba badi banuambila mei â.

MUKANDA WA MYIDI MUKULU

¹⁵ Maweja-Nangila udi ujadika ne: “Tshiena mutume bambi abu to. Padibu bambila bantu malu mu dina dianyi, badi babadinga. Panudi nubateleja, nennuipate muaba ewu. Nenufue, nuenu ne bambi badi banumanyisha malu aa.”

Yirmeya 27:15 교차 참조

2 Kulondolola 25:16

Hashishe, hakadiye wakula nʼandi, mukelenge wakamuebesha ne, Tuetu tuakukuvuisha mufidi wa meji wa mukelenge, anyi? Uhuwe biebe, butudi nʼabu mbua kukutaha bishi? Hashishe muprofete wakahuwa, wamba ne, Ndi mumanye ne, Nzambi wakulongolola bua kukushiha bua wewe wakuenza bualu ebu, kuena mutumikile mei anyi.

Yirmeya 14:14

Ka Yehowa wakungambila ne, Baprofete badi bamba mei a mashimi mu dina dianyi. Tshiakubatuma, tshiakubaha mukenji, tshiakubambila dî dianyi. Badi banuambila tshikena kumona tshia mashimi, mei a mbuku, malu a hatuhu ne mei a kudinga a mu mitshima yabo.

Yirmeya 20:6

Ne wewe, Pashû, ne bonso badi bashikame mu nsubu muebe, nenuye mu buhika. Wewe neuye ku Babulona, neufuileku, nebakujikeku, wewe ne balunda bebe bonso bawakuambila mei a mashimi.

Yirmeya 23:15

Nunku Yehowa wa misumba udi wamba bua baprofete aba ne, Tangilai, nembadishe ne bintu bia bululu, nembanuishe mai a lulengu, bualu bua malu mabi mafume kudi baprofete ba mu Yelushalema, akutangadika mu buloba buonso.

Yirmeya 23:21

Tshiakatuma baprofete aba, kadi bakadifila, tshiakabambila dî, kadi bakadiambiladi.

Yirmeya 23:25

Nakunvua mei adi baprofete bamba, badi bamba mashimi mu dina dianyi ne, Nakulota tshilota, nakulota tshilota.

Yirmeya 27:10

Bualu bua badi banuambila mei a mashimi bua kunûmusha mu buloba buenu bua kunutuma kule, ne bua meme nnuihatemu, ne bua nuenu mijimine.

Yirmeya 29:8

Bualu bua Yehowa wa misumba, Nzambi wa Isalele, udi wamba ne, Kanuitabushi bua baprofete badi munkatshi muenu ne bena mbuku banudinge; kanuteleji matshu enu ku bilota bidibo balota.

Yirmeya 29:9

Bualu bua badi banuambila mei a mashimi mu dina dianyi. Yehowa udi wamba ne, Tshiakubatuma.

Yirmeya 38:22

Mona, nebahatule bakashi bonso badi bashala mu nsubu wa mukelenge wa Yuda, nebaye nʼabo kudi baminyampala ba mukelenge wa Babulona; bakashi aba nebambe ne, Balunda bebe baudi unanga bakundinga, bakukuhita bukole; mpindiu hamba makasa ebe kubuela mu bitotshi, badi bakukoma nyima.

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

Matayi 24:24

Bualu bua ba-Kilisto ba mashimi nebalue, ne baprofete ba mashimi, nebaleshe bantu bimanyinu binene ne malu a kukema bualu bua kuhambuisha badi basungula kadi Nzambi mene mene; biamanyabo mua kuenza nunku.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.