Yirmeya 26:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ ne bua kunvua bienu mei a bantu banyi baprofete bandi nnutumina, njuka hanyi dinda dinda bua kubatuma kunudi, kadi kanuakubunvuila;

MUKANDA WA MYIDI MUKULU

⁵ Nulame malu adibu banuambila kudi bambi bena mudimu banyi. Mvua munutumine bambi matuku onsu, kadi kanuvua babateleje to.

Yirmeya 26:5 교차 참조

2 Bakalenga 17:13

Kadi Yehowa wakadimusha Bena Isalele ne Bena Yuda mukana mua muprofete yonso ne mua mumonyi yonso ne, Kudimunai mitshima yenu ku malu mabi enu; nutumikile mikenji yanyi ne mikandu yanyi bu mudi mikenji makelela bankambua benu mukana mua bantu banyi baprofete.

2 Bakalenga 17:23

tô ne hakumusha Yehowa Bena Isalele ku mesu kuandi, bu muakabambileye kudi bantu bandi bonso baprofete. Nunku bakumusha Bena Isalele mu buloba buabo, bakaya nʼabo ku buloba bua Ashû tô ne ku dituku edi.

2 Bakalenga 24:2

Yehowa wakamutumina bisumbu bia Bena Kasada ne Bena Sulia ne Bena Moaba ne Bena Amona bua kuluanganabo ne Bena Yuda ne bua kubabutula bu muakadi dî dia Yehowa diakabambileye mukana mua bantu bandi baprofete.

2 Bakalenga 9:7

Bûdi nʼabu mbua kushiha ba mu nsubu wa Ahaba, mukelenge webe, bua kusombuela mashi a bantu banyi baprofete ne a bantu bonso ba Yehowa akamatshisha tshianza tshia Izebele hanshi.

Ezela 9:11

iwakuelela bantu bebe baprofete ne, Buloba bunudi nuya bua kuhiana budi bunyanguka bua malu mabi a bena buloba ne malu abo a bundu; bakûsha buloba abu tente ne dinyanguka diabo ku mukala umue tô ne kunfudilu kuabu.

Yirmeya 11:7

Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Yirmeya 29:19

Bualu bua Yehowa udi wamba ne, Kabakutumikila mei anyi anakabatumina kudi bantu banyi baprofete, njuka bianyi ne lunkelu bua kubatuma; kadi kabakasua kunvua.

Yirmeya 32:33

Bakunkoma nyima, kabena bandesha mpala yabo; nansha hanakubayisha, mbika ne lunkelu mene bua kubayisha, kabakuteleja matshu bua kunvua diyisha dianyi,

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 44:4

Kadi nakanutumina bena mudimu banyi bonso baprofete, njuka hanyi ne lunkelu bua kubatuma, ngamba hanyi ne, Kanuenji bualu ebu budi bunfuisha bundu, bundi nkina.

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Yirmeya 7:25

Ku dituku diakaluhuka bankambua benu mu buloba bua Ejipitu tô ne ku dituku edi nakabatumina bantu banyi bonso, baprofete mene, mbika bianyi ha lunkelu buatshia-buatshia bua kubatuma kudibo;

Yezekiyele 38:17

Mukelenge Yehowa udi wamba ne, Wewe kuena muntu unakambila bantu malu ebe mu matuku a kale, bantu banyi baprofete ba Bena Isalele, bakadi bamba mei abo mu matuku au tô ne ku bidimu bia bungi, babalesha mundualua nʼebe bua wewe kubaluisha, anyi?

Amosa 3:7

Bulelela, Yehowa Nzambi kena wenza bualu, bikaleye kayi muanji kubusokoluela bantu bandi baprofete diambedi.

Zekâya 1:6

Kadi mei anyi ne mikenji yanyi, binakuelela bantu banyi baprofete, kabiakafika kudi batatu benu, anyi? Nunku bobo bakakudimuka, bakamba ne, Bu muakadi Yehowa wa misumba muhangidishe bua kutuenzela bua bienzedi bietu ne bua malu etu, mbu mudiye mutuenzele.

Didimanyisha 10:7

kadi mu matuku a dî dia muanjelo wa muanda mutekete, hadiye wamba kuela mpungi, mpadi bualu busokoka bua Nzambi bushika, bu mudi lumu luimpe luakambileye bahika bandi, baprofete.

Didimanyisha 11:18

Ne ba mu bisamba bakadi ne tshishi, ne tshishi tshiebe tshiakalua, ne tshikondo tshia kulumbuluisha bafue tshiakalua, ne tshikondo tshia kufila bukenshi kudi bahika bebe, baprofete, ne kudi basanto, ne kudi badi batshina dina diebe, bakese ne banene; ne tshia kubutula badi babutula buloba.