Yirmeya 22:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kanuashidi muntu eu mufue muadi, kanumujingi; kadi nudile bikole bua muntu udi uya kukuabo, bualu bua kena uhingana kabidi, kena umona buloba buakamulelabo.

MUKANDA WA MYIDI MUKULU

¹⁰ Nuenu bena Yuda, kanudidi mukalenga Yoshiya uvuabu bashipe. Kanuikadi ne tshinyongopelu bualu buende. Dilayi amu mukalenga Shalume, udibu baye nende mu bupika. Bualu kakupingana kabidi to. Kakumona kabidi ditunga diende divuabu bamulele nansha.

Yirmeya 22:10 교차 참조

2 Bakalenga 22:20

Nunku nenkusangishe ne bankambua bebe, wewe neubuele mu lukita luebe talalâ; mesu ebe kaena atangila malu mabi onso andi ngenzela muaba eu. Bakamanyisha mukelenge mei au.

2 Bakalenga 23:29

Mu matuku andi Palô-neko, mukelenge wa Ejipitu, wakaya ku musulu wa Pelata bua kuluanganeye ne mukelenge wa Ashû; mukelenge Yoshiya wakaluhuka bua kuluanganeye nʼandi, Palô-neko wakamushiha ku Megido hakamutangileye.

2 Kulondolola 36:4

Mukelenge wa Ejipitu wakahingisha muanʼabo Eleyakima mu bukelenge bua Yuda ne Yelushalema; wakamuidika dina ne Yehoyakima. Neko wakakuata Yehoaza muanʼabo, wakaya nʼandi mu Ejipitu.

Muambi 4:2

Nunku nakamba ne, Bantu bakamana kufua badi batamba batshidi ne muoyo kusanka,

Yeshaya 57:1

Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

Yirmeya 16:7

Kabena mua kuhesha bena madilu bidia bua kubasamba bua bafue baho; kabena mua kubahesha luhanza lua kubasamba nʼalu bua lufu lua batatuʼabo anyi lua bamamuʼabo.

Yirmeya 22:11

Bua Yehowa udi wamba bualu bua Shaluma, muana wa Yoshiya, mukelenge wa Yuda, wakakokesha mu muaba wa Yoshiya tatu wandi ne wakaluhuka mu muaba eu, ne, Yeye kena uhingana kabidi;

Yirmeya 22:18

Nunku Yehowa udi wamba bua Yehoyakima, muana wa Yoshiya, mukelenge wa Yuda ne, Kabena bamuashila muadi, badila ne, Aka, muanʼetu mulume! Aka, muanʼetu mukashi! Kabena bamujinga ne, Aka, mukelenge wetu! Anyi ne, Aka, butumbi buandi!

Yirmeya 22:27

Kadi kamina nuhingana kabidi ku buloba budi mitshima yenu ijinga bua kuhingana.

Yirmeya 25:27

Wewe ubambile ne, Yehowa wa misumba, Nzambi wa Isalele, udi wamba ne, Nuai bienu, nukuatshike maluvu au, nuluke, nudishinde, kanujuki kabidi, bualu bua muele wa nvita undi ntuma munkatshi muenu.

Yirmeya 28:4

Yehowa udi wamba ne, Nempingashe kabidi mu muaba eu Yekoniya, muana wa Yehoyakima, mukelenge wa Yuda, ne ba mu Yuda to bakayabo nʼabo mu buhika ku Babulona; bualu bua nentshibule mutshi wa tshikokedi wa mukelenge wa Babulona.

Yirmeya 42:18

Bualu bua Yehowa wa misumba, Nzambi wa Isalele, udi wamba ne, Bu munakukuatshila Bena Yelushalema tshifikʼa munda ne tshiji tshianyi tshikole, nunku nennukuatshile tshiji tshianyi tshikole hanuabuela mu Ejipitu. Nenuikale bu tshintu tshidibo bahenda, tshidi tshikuatshisha bantu buowa, tshidibo bela mulau ne tshidibo bahetula. Kanuena nutangila muaba eu kabidi.

Yirmeya 44:14

bua kakuikadi umue wa ba mu Yuda badi bashala bakuya mu buloba bua Ejipitu bua kushikamamu wahanduka anyi washala bua kuhinganeye ku buloba bua Yuda kudibo bajinga bua kuhingana ne kushikama. Bualu bua kakuena bakuabo bahingana, anu bantu banya-banya badi banyema.

Muadi 4:9

Diakalengele dia badi bashihibue ku muele wa nvita didi dihita dia badi bashihibue ne nzala buakane; bua badi baleuka, bateketa-teketê, bualu bua kabena ne bintu bia mu madimi.

Yezekiyele 24:16

Muana wa muntu, tangila, nkadi ngumusha mukashi webe lukasa udi utamba kusankisha mesu ebe; kadi wewe kumuashidi muadi ne kumudidi nansha, ne binsonshi kabihueki ku mesu kuebe.

Luke 23:28

Yesu wakatshinguluka, wakamba ne, Bana bakashi ba Yelushalema, kanunjingi, nudijinge, nujinge bana benu.