Yirmeya 21:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa, Nzambi wa Isalele, udi wamba ne, Tangilai, nennukudimune bielelu bia nvita bidi mu bianza bienu, binudi nuluangana nʼabi ne mukelenge wa Babulona ne Bena Kasada badi banutshintshimika ha nyima ha ngumbu yenu; nembasangishe bonso munda mua musoko eu.

MUKANDA WA MYIDI MUKULU

⁴ Maweja-Nangila Mvidi Mukulu wa bena Izrayele udi wamba ne: “Nudi nuluisha tshiluilu tshia mukalenga wa bena Babilone tshidi tshinunyunguluila. Kadi meme nengambuluishe baluishi benu, bua bena mvita benu badi baluangana kumpala kua bimana bia tshimenga banyeme, bapingane munda mua tshimenga.

Yirmeya 21:4 교차 참조

Yeshaya 10:4

Nenumanye anu mua kusokoma munkatshi mua bena lukuna badi bakuatshibue mu nvita, nenubatame munkatshi mua bitalu bia bantu bashihibue! Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Yeshaya 13:4

Unvuai, tshiona tshia mbila mu mikuna tshidi bu tshia tshisumbu tshinene tshia bantu! Unvuai, mutoyi udiku wa tshintompantompa tshia makelenge a bisamba bia bantu badi badikunguisha hohamue! Yehowa wa misumba udi usangisha musumba wa bena nvita bua nvita yandi!

Yeshaya 5:5

Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

Yirmeya 20:4

Bualu bua Yehowa udi wamba ne, Mona, nenkuvuishe bu mukuatshiki wa buowa kûdi wewe mene ne kudi balunda bebe bonso. Nebashihibue ku muele wa nvita wa bena lukuna babo, ne mesu ebe neamone muanda eu. Nenfile ba mu Yuda bonso mu bianza bia mukelenge wa Babulona kabidi, ne yeye neaye nʼabo mu buhika mu Babulona, neabashihe ne muele wa nvita.

Yirmeya 21:3

Hashishe Yelemiya wakabambila ne, Nuambile Sedekiya ne,

Yirmeya 32:24

Tangila, mishiki ya buloba ya kutshintshimika nʼai musoko idiku; ne bua bukole bua muele wa nvita, tshiole ne tshihuhu, badi bamba kufila bena musoko mu bianza bia Bena Kasada hadi babaluisha. Malu awakuamba ne, Neafike, akufika; monai, wewe wakuatangila.

Yirmeya 32:3

Bualu bua Sedekiya, mukelenge wa Yuda, wakamana kumuela mu lukanu alu, umubanda ne, Bualu kai wewe udi wambila bantu dî, wamba ne, Yehowa udi wamba ne, Monai, nenfile musoko eu mu bianza bia mukelenge wa Babulona, ne yeye neaunyenge?

Yirmeya 32:5

Yehowa udi wamba ne, Mukelenge eu neaye ne Sedekiya ku Babulona, ne yeye neikaleku tô ne hanalua kudiye. Nansha binualuangana ne Bena Kasada, kamuena nubatamba bukole.

Yirmeya 33:5

bua kudikuatshisha bua kuihataku Bena Kasada badi balua bua kubaluisha, ne bua kûsha muaba eu tente ne bitalu bia bantu bandi nshiha mu tshifikʼa munda tshianyi ne mu tshiji tshianyi tshikole, ne bua bubi buabo bundi nsokokela musoko eu mpala wanyi.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 39:3

Mu tshikondo atshi baminyampala ba mukelenge wa Babulona hakabuela mu musoko, bakashikama hehi ne tshibi tshia hankatshinkatshi ha lumbu lua musoko. Menʼabo akadi Nêgala-shalesê, Samagâ-Nebo, Sâsekima, kapita ka Bantu Batungula, Nêgala-shalesê, kapita ka Bena Meji, ne baminyampala bakuabo bonso ba mukelenge wa Babulona.

Yirmeya 52:18

Bakaya ne ngesu kabidi ne tukasu tua bianza, biamu bia kujima nʼabi minda, malonga, nkutu ne bintu bionso bia tshiamu tshia mitaku biakenzabo nʼabi mudimu mu ntempelo.

Muadi 2:3

Yeye wakuhempa lusengu luonso lua Isalele mu tshiji tshiandi tshikole; wakûmusha tshianza tshiandi tshia balume kudibo ku mpala kua bena lukuna babo. Wakuosha nseke yonso ya Yakoba, bu kahia kadi katangadîka kosha bintu bionso bidi ha buihi nʼaku.

Muadi 2:5

Mukelenge wakulua bu muena lukuna, wakubutula buloba bua Isalele; wakûhula nsubu yandi yonso ya bakelenge, wakushimbula misoko yandi minyunguludibue ne ngumbu; wakuvudishila muana mukashi wa Yuda madilu ne muadi.

Muadi 2:7

Mukelenge wakuhidia tshioshelu tshiandi, wakulengulula nsubu wandi wa tshijila; wakufila bimanu bia nsubu yandi ya bakelenge mu bianza bia bena lukuna. Bobo bakubisha diyoyo mu nsubu wa Yehowa bu diyoyo dia dituku dia bidia bia disanka.

Yezekiyele 39:3

Hashishe nenkume buta buebe bua bumuke mu tshianza tshiebe tshia bakashi, nemponeshe mikete yebe idi mu tshianza tshiebe tshia balume.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!

Zekâya 14:2

Bualu bua nensangishe ba mu bisamba bionso bua kuluanganabo nvita ne Bena Yelushalema; nebanyenge musoko, nebahaule bia mu nsubu, nebakuate bakashi ku bukole; tshituha tshia hankatshi tshia bena musoko netshibuele mu buhika, kadi bantu hadi bashala kabena bumushibua mu musoko.

Matayi 22:7

Mukelenge wakadi ne tshishi, wakatuma masalayi andi, wakashiha batahianganyi aba, wakosha musoko wabo.