Yirmeya 2:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

MUKANDA WA MYIDI MUKULU

⁶ Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yirmeya 2:6 교차 참조

2 Bakalenga 2:14

Wakangata tshikowelu tshia Eliya tshiakahona kudiye, wakatula ha mai, wakamba ne Yehowa, Nzambi wa Eliya, udi kudi kunyi? Hakatuteye ha mai, mai akahanduluka eku ne eku; Elisha wakasabuka.

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Yobe 35:10

Kadi kakuena umue udi wamba ne, Nzambi Mufuki wanyi udi kudi kunyi? Nyeye udi utuha misambu ya kuimba butuku,

Misambu 23:4

Nansha bingenda muhitshile mu luhongo lua mundidimbi wa lufu, tshiena ntshina bualu bubi; bualu bua wewe udi nʼanyi; tshibongo tshiebe ne tshibangu tshiebe bidi binsamba.

Misambu 77:5

Nakuelangana meji bua matuku a kale, ne bua bidimu bia bikondo bia diambedimbedi.

Ekesode 20:2

Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Yeshaya 63:9

Mu makenga abo onso yeye wakunvua dikenga, ne muanjelo utu wimana hehi nʼandi wakabasungila; mu dinanga diandi ne mu dibafuila diandi dia luse yeye wakabahikula; wakabambula ne wakabatuala mu matuku onso a kale.

Yeshaya 64:7

Kakuena muntu udi udibikila dina diebe, udi udisonsola bua kulamata kûdi; bua wewe wakusokoka mpala webe kutudi, wakutufila mu bukole bua malu mabi etu.

Yirmeya 13:16

Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

Yirmeya 2:2

Ya wele lusanzu mu matshu a Bena Yelushalema, ubambile ne, Yehowa udi wamba ne, Ndi nkuvuluisha bua luse lua mu bunsongakashi buebe, bua dinanga diwakadi nʼadi hanakakubangila, bu muwakandonda mu tshihela, mu buloba buakadi kabuyi ne bintu bikunamu.

Yirmeya 2:8

Bakuidi kabakakonka ne, Yehowa udi hanyi? Bayishi ba mikenji yanyi kabakammanya; bakokeshi kabidi bakatombokela, baprofete bakamba mei abo mu dina dia Bâla, bakalonda bintu bidi kabiyi mua kubakuatshisha.

Yirmeya 5:12

Bakahidia Yehowa, bamba ne, Kanyeye nansha; makenga kaena atukuata tuetu; katuena tumona muele wa nvita anyi tshiole.

Yirmeya 5:2

Nansha biaditshihabo ne, Bu mudi Yehowa ne muoyo, badi baditshiha ne mashimi.

Yirmeya 51:43

Misoko yabo yakushala bikulu, buloba bûme, ne tshihela tshia lusenga, buloba budi kabuyi ne bantu bashikamemu, budi kabuyi ne muana wa muntu uhitshilamu kabidi.

Osheya 12:13

Yehowa wakaluhula Bena Isalele mu Ejipitu ku bulombodi bua muprofete, ne wakabalama ku bulami bua muprofete.

Osheya 13:4

Kadi meme ndi Yehowa Nzambi wenu, kutuadisha ku buloba bua Ejipitu tô ne lelu, ne kanuena bamanye Nzambi mukuabo, anu meme; kakuena musungidi mukuabo, anu meme.

Amosa 2:10

Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.

Matayi 4:16

Bantu bakadi bashikame mu midima Bakatangila dinkenka dinene, Munya wakatemena bantu bakadi bashikame mu muaba wa lufu Ne mu mundidimbi walu.

Dielulula 1:19

Tuakabika ku Holeba, tuakenda tô mu tshihela atshi tshinene tshibi tshinuakatangila, ku nshila wa ku mikuna ya Bena Amole, bu muakatuambila Yehowa, Nzambi wetu; tuakalua ku Kadeshe-bânea.

Dielulula 32:10

Yeye wakasangakena nʼandi mu muaba wa hatuhu, mu tshihela muakadi luhehele nkayalu; yeye wakamunyunguluka, wakamulama bimpe, wakamuenzela bu kamonyi ka disu diandi.

Dielulula 8:2

Nuvuluke malu onso akanuenzela Yehowa, Nzambi wenu, bidimu ebi makumi anai hakadiye munulombole mu tshihela, bualu bua kunuhuekesha, ne kunuteta bualu bua kumanya malu akadi mu mitshima yenu, ne nudi basue kutumikila mikenji yandi, anyi kuyihidia.

Balombodi 6:13

Gideona wakamukudimuna dî ne, Mukelenge wanyi, bikala Yehowa nʼetu, malu â onso akatukuata bualu kai? Malu andi a kukema akatuambilabo kudi bakaku betu ehi, hakatuambilabo ne, Yehowa kakatuhatula mu Ejipitu, anyi? Kadi katataka Yehowa wakatula dia, wakatuma mu bianza bia Bena Midiyana.