Yirmeya 2:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Bu mudi muibi Ukuatshika bundu hamukuatabo, ba mu Bena Isalele nebakuatshike bundu nunku; bobo bine, bakelenge babo, baminyampala babo, bakuidi babo ne baprofete babo;

MUKANDA WA MYIDI MUKULU

²⁶ Nuenu bena Izrayele: bakalenga ne balombodi ba mu bukalenga, batuangaji ne bambi, matuku makese aa nenuikale ne bundu, bu muivi udibu bajikidila.

Yirmeya 2:26 교차 참조

Ezela 9:7

Ku matuku a bankambua betu tô ne ku lelu tuakutamba kuhila; bua malu mabi etu, tuetu ne bakelenge betu ne bakuidi betu tuakafidibua mu bianza bia bakelenge ba maloba makuabo ku muele wa nvita, ku buhika ne ku kuhaula kua bintu bietu ne ku kufuishibua kua bundu ku mesu, bu mudibiku lelu eu,

Misambu 97:7

Bonso badi bakuatshila mpingu misonga mudimu bafuishibue bundu ku mesu, badi baditumbisha bua mpingu. Kukuilai bienu Yehowa, nuenu nzambi ya hatuhu.

Yeshaya 1:29

Bualu bua bundu nebubakuate bua mitshi ya telebinta inuakunanga, nenuikale babuandakashibue bualu bua bibidi binuakusungula.

Yeshaya 44:11

Monai, bonso badi bakuata nʼandi mudimu eu nebafuishibue bundu, ne bena mudimu bandi badi anu bantu. Buonso buabo badisangishe hohamue, badimanyike; nebatshine, nebafuishibue bundu diatshimue.

Yeshaya 44:9

Bonso badi basonga mpingu badi bantu badi babuelakana; malu adi abasankisha kaena mua kubakuatshisha; bamonyi babo kabena batangila, kabena bajingulula bualu ebu, bua bafuishibue bundu.

Yirmeya 2:36

Bua tshinyi udi wendakana eku ne eku bua kukudimuna nshila webe? Ejipitu neakufuishe bundu bu muakukufuishabo bundu kudi Ashû.

Yirmeya 22:22

Luhehele neludie balami bebe ba mikoko bonso, ne banangi bebe nebabuele mu buhika. Bulelela, mu diba adi neukuatshike bundu, neutshinyishibue bua malu mabi ebe onso.

Yirmeya 32:32

bua malu mabi onso adi Bena Isalele ne Bena Yuda benze bua kunkuatshishabo tshiji, ne bobo bine ne bakelenge babo ne baminyampala babo, bakuidi babo ne baprofete babo, bantu ba mu Yuda ne bantu badi bashikame mu Yelushalema,

Yirmeya 4:9

Yehowa udi wamba ne, Mu dituku adi mutshima wa mukelenge neufue, mitshima ya baminyampala neyifue kabidi; bakuidi nebakeme, baprofete nebatue mikemu.

Yirmeya 48:27

Kuena museke Isalele, anyi? Bakumusangana munkatshi mua bibi, anyi? Bua misangu yonso hawatela dina diandi, wewe udi ukuha mutu webe.

Yezekiyele 16:54

bua wewe umanye mua kudituadila bundu buebe mene ne mua kukuatshika bundu bua malu au onso awakuenza, bualu bua wewe udi musambi wabo.

Yezekiyele 22:26

Bakuidi bandi bakushiha mikenji yanyi, bakunyanga bintu bianyi bia tshijila; kabakusungulula bintu bia tshijila ne bintu bia hatuhu, kabakuyisha bantu mua kujingululabo ditahuluka didi hankatshi ha bintu bibiha ne bidi kabiyi bibiha; bakusokoka mesu abo ku kunyanga kua matuku anyi a mbingu, ne meme ndi muhendibue munkatshi muabo.

Zekâya 5:4

Yehowa wa misumba udi wamba ne, Nengutume, neubuele mu nsubu wa muibi, ne mu nsubu wa muntu udi uditshiha ne mashimi mu dina dianyi; neushale munda mua nsubu wandi, neumuoshe diatshimue ne mabaya andi ne mabue andi kabidi.

Rome 6:21

Nunku mu tshikondo atshi nuakadi ne mamuma kai mu malu adi anufuisha bundu katataka? Bua kunshikidilu kua malu au ndufu.