Yirmeya 2:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kadi nakakutentula bu muonshi mutambe buimpe, bu muonshi wakadi anu ne maminu makane; wakandamuka kundi bu matamba munyanguke a muonshi wa bende munyi?

MUKANDA WA MYIDI MUKULU

²¹ Meme Maweja-Nangila mvua munukune, mudibu bakune mionji ya mvinyo muimpe. Nuvua bu maminu mimpe amvua mukune mu buloba. Kadi nudi banyanguke bua tshinyi? Nukadi bu mionji ya mvinyo mibole, indi tshiyi mua kumanya kabidi to.

Yirmeya 2:21 교차 참조

Genese 18:19

Nakamumanya bua yeye ayishe bana bandi ne ba mu nsubu wandi bimpe, bua bobo baye mu nshila wa Yehowa bua kuenza malu makane ne malulame, nunku Yehowa neamanye mua kuenzela Abalahama malu onso akamuambileye.

Genese 32:28

Yeye wakamuambila ne, Kababikidi dina diebe ne Yakoba kabidi bakubikile dina ne Isalele bualu bua wewe wakuluangana ne Nzambi ne bantu, wakahatula bukole.

Misambu 105:6

nuenu tunkanuniuna tua Abalahama muntu wandi, nuenu bana ba Yakoba, bantu bakasunguleye.

Misambu 44:2

Wewe wakihata bisamba bia bantu ne tshianza tshiebe; kadi wakashilaku batatu mu buloba. Wakakengesha bantu bakuabo, kadi wakavudisha batatu mu miaba yonso.

Misambu 80:8

Wewe wakalufila muonshi wa tumuma tua nvinyo mu Ejipitu; wakihatamu bisamba bia bantu, wakûkuna.

Misambu 80:9

Wakalongolola muaba wau ku mpala kuau, wakela miji mile munda mua buloba, wakatampakana buloba bujima.

Ekesode 15:17

Wewe neulue nʼabo, neubateke mu mukuna wa buhianyi buebe, muaba uwakusungula, Yehowa, ne, Nenshikamemu, muaba wa tshijila, uwakajadika ne bianza biebe.

Yeshaya 1:21

Monai mudi musoko eu wakamanyabo mua kueyemena diambedi muandamuke mukashi wa masandi! Wowo wakadi mule tente ne kulumbulula kuakane, kuakadi buakane bushikamemu diambedi, kadi katataka anu bashihianganyi badimu!

Yeshaya 27:2

Mu dituku adi nebimbe musambu eu: Budimi bua tumuma tua nvinyo buimpe budiku, nuimbe musambu bualu buabu!

Yeshaya 41:8

Kadi wewe, Isalele muntu wanyi. Yakoba unakusungula, kankanunuina ka Abalahama mulunda wanyi,

Yeshaya 5:4

Nakadi kumanya mua kuenza tshinyi mu budimi buanyi tshindi tshiyi muanze kuenza? Bualu kai, hanakatekemena ne, Nebukuamishe tumuma tuimpe tua nvinyo, buakakuamisha anu tumuma tuzaza?

Yeshaya 60:21

Bantu bebe bonso nebikale bakane; nebahiane buloba tshiendelele, bu lutonga lua dikuna dianyi, bu mudimu wa bianza bianyi, bua meme ntumbishibue.

Yeshaya 61:3

bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

Yirmeya 11:16

Yehowa wakakuidika dina ne, Mutshi wa olive mubishi, udi mulengele muikale ne mamuma makane; kadi yeye wakautemeshila kahia ka tshiona tshinene, ne matamba au akatshibuka.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Yirmeya 5:10

Endelai mu mpunga ya mionshi ya tumuma tua nvinyo, nuyikose, kadi kanuyikoshi yonso; numushe matamba ai, bualu bua kaena a Yehowa.

Muadi 4:1

Monai, tshiamu tshia or tshiakubuitshidila! or mulelela wakakudimuka! Badi bela mabue akadi mu nsubu wa tshijila hanshi mu misesu yonso.

Yezekiyele 15:2

Muana wa muntu, muonshi udi uhita mitshi mikuabo ya muitu kudi kunyi, ditamba adi dia muonshi didi munkatshi mua mitshi ya muitu?

Matayi 21:33

Unvuai lusumuinu lukuabo: Muena budimi wakadiku, wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dina dia kukamina mamuma, wakasa nsubu wa batentekedi mule, wakabushia mu bianza bia ba bidime, wakaya biandi ku luseke lukuabo kule.

Marke 12:1

Yesu wakabanga kubambila malu mu nsumuinu. Muntu wakatentula mionshi ya mamuma a nvinyo mu budimi buandi, wakelela budimi luhangu lua mitshi idi isasa, wakimbamu dinu dia kukamina mamuma, wakasa nsubu wa batentekedi mule, wakabushîa mu bianza bia ba bidime, wakaya biandi ku luseke lukuabo kule.

Luke 20:9

Yeye wakabanga kuelela bantu lusumuinu elu ne, Muntu wakatentula mionshi ya mamuma a nvinyo mu budimi buandi, wakabushîa mu bianza bia ba bidime, wakaya ku luseke lukuabo kule bua kushikamaku musangu mule.

Yowanane 15:1

Meme ndi muonshi mimene mulelela wa mamuma a nvinyo, Tatu wanyi udi mulami wau.

Dielulula 32:32

Bualu bua mitshi yabo ya tumuma tukese idi bu mitshi ya mu Sodoma ne ya mu madimi a Amola: tumuma tuabo tudi bu nyongangandu, ne tshisumbu tshia tumuma tshidi ne bululu:

Dielulula 4:37

Bualu bua yeye wakasua batatu benu, nunku yeye wakasungula bana babo bakabalonda ku nyima, yeye nkayandi wakanuhatula mu Ejipitu ne bukole buandi bunene;

Yoshua 24:31

Nunku Bena Isalele bakakuatshila Yehowa mudimu matuku onso a Yoshua, ne matuku onso a bakulu bakashala ne muoyo hakafua Yoshua ne bakadi bamanye malu onso akenzela Yehowa Bena Isalele.