Yirmeya 19:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Bualu bua bakundekela, bakuvuisha muaba eu bu muaba wa bantu ba bende, bakuoshilamu nzambi mikuabo musenga wa manananshi, nzambi mene yakadibo kabayi bamanye, nansha bobo bine nansha batatu babo nansha bakelenge ba Yuda; bakûsha muaba eu tente ne mashi a bantu bakadi kabayi ne bualu.

MUKANDA WA MYIDI MUKULU

⁴ Bualu bena Yuda mbambenge. Mbandamune muaba ewu, ukadi wa tshianana. Bavua balambuilapu mvidie ya bantu ba bisamba bikuabu milambu. Ke mvidie buabu kabayi bamanye, nansha bobu nansha bankambua babu, nansha bakalenga ba bena Yuda. Bavua buwuje muaba ewu ne mashi a bantu bavua kabayi ne bualu.

Yirmeya 19:4 교차 참조

2 Bakalenga 21:16

Manashe wakamatshisha mashi a bantu bakadi kabayi ne bilumbu hanshi, tô ne hakûsheye Yelushalema tente; wakenza malu au ha mutu ha malu mabi makuabo akenzeye ku mesu kua Yehowa.

2 Bakalenga 23:10

Wakanyanga Tofete wakadi mu tshibanda tshia bana ba Hinoma, bua muntu kahitshishi muanʼandi wa balume anyi muanʼandi wa bakashi mu kahia ka Moleke.

2 Bakalenga 24:4

ne bua mashi a bantu bakadi kabayi ne bilumbu akamatshisheye hanshi; bualu bua yeye wakûsha Yelushalema tente ne mashi a bantu bakadi kabayi ne bilumbu; nunku Yehowa wakabenga bua kubabuikidila mibi yabo.

Misambu 106:38

Bakatatshisha mashi a bantu bakadi kabayi ne tshilumbu hanshi, akadi mashi a bana babo baledibue, balume ne bakashi, bakashihelabo mpingu ya mu Kanâna bu milambu. Buloba buakanyanguka ne mashi.

Yeshaya 59:7

Makasa abo adi aya lubilu kudi malu mabi, adi adiendesha lubilu bua kumatshisha mashi a muntu udi kayi ne tshilumbu; meji abo adi meji mabi, kubutuka ne kuoneka kudi mu nshila yabo minene.

Yeshaya 65:11

Kadi ebu mbualu buenu badi balekela kulonda Yehowa, badi bahua mukuna wanyi wa tshijila muoyo, badi balongoluela nzambi wakabikilabo ne, Dikasa Dimpe mesa, badi belela nzambi wakabikilabo ne, Tshishikidilu maluvu masangisha ne bintu bia muhuya muimpe mu mpanza,

Yirmeya 1:16

Nembambile mei onso a kulumbulula kuanyi bua malu mabi abo onso, bualu bua bakundekela, bakuoshila nzambi mikuabo musenga wa manananshi, bakutendelela bintu biakusongabo ne bianza biabo.

Yirmeya 11:13

Bualu bua bu mudi bungi bua misoko yenu, nuenu Bena Yuda, mbu mudi bungi bua nzambi yenu; bu mudi bungi bua misesu ya mu Yelushalema, mbu mudi bioshelu binuakuashila tshintu etshi tshia bundu, bioshelu mene bia kuoshilahu Bâla musenga wa manananshi.

Yirmeya 15:6

Yehowa udi wamba ne, Wewe wakumpidia, wakualukila kabidi ku mihi yebe; nunku nakuolola tshianza tshianyi bua kukushiha; kukudimuna mutshima wanyi kuakuntonda.

Yirmeya 16:11

Nunku neubambile ne, Yehowa udi wamba ne, Bualu bua batatu benu bakundekela, bakulonda nzambi ya bende, bakuyikuatshila mudimu, bakuyitendelela, bakundekela ne kabakutumikila mikenji yanyi.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 17:20

Ubambile ne, Unvuai dî dia Yehowa, nuenu bakelenge ba Yuda, ne ba mu Yuda bonso, ne Bena Yelushalema bonso, badi babuelela ku bibi ebi.

Yirmeya 18:15

Bualu bua bantu banyi bakumpua muoyo, bakuoshila nzambi ya hatuhu musenga wa manananshi; bakulenduka hakuyilabo mu nshila yabo, mu nshila yabo ya kale, bua kuendabo mu tushila tukuabo, mu tushila didi katuyi tulongolola bimpe.

Yirmeya 2:13

Bualu bua batu banyi bakuenza malu mabi abidi: bakundekela meme, mushimi wa mai a muoyo, bakudiumbuila mena a mai, mena mamane kûhuka mene, adi kâyi mua kulama mai.

Yirmeya 2:17

Kadi wewe muine kuena mudikebele bualu ebu hawakulekela Yehowa Nzambi webe, mu tshikondo tshiakakulomboleye mu nshila, anyi?

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Yirmeya 2:30

Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

Yirmeya 2:34

Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yirmeya 22:17

Kadi mesu ebe ne mutshima webe bidi anu ku luhetu lûdi muangate ku mashimi, ne ku kumatshisha kua mashi a badi kabayi ne bualu, ne ku kunyenga kua bintu ne ku kukengesha kua bakuabo.

Yirmeya 22:3

Yehowa udi wamba ne Lumbululai bilumbu ne kulumbulula kuakane ne enzai bienzedi biakane; nuhandishe udi ne bintu biandi bi nyengibue mu bianza bia mumukengeshi. Kanubenzedi bibi, kanukengeshi nansha muenyi nansha muanʼa nshiya nansha mukashi wa mulufuila; kanumatshishi mashi a muntu udi kayi ne bualu hanshi mumuaba eu.

Yirmeya 26:15

Kadi numanye bienu bualu ebu bimpe ne, Binuanshiha, nenuteke mashi a muntu udi kayi ne bualu hamʼbidi henu ne ha musoko eu ne hamʼbidi ha bena musoko; bualu bua Yehowa wakuntuma kunudi bulelela bua kunuambila mei â onso mu matshu enu.

Yirmeya 26:23

bakakuata Uliya, hakumuka nʼandi mu Ejipitu, bakalua nʼandi kudi mukelenge Yehoyakima, wakamushiha ne muele wa nvita, wakela tshitalu tshiandi mu nkita ya bantu ba hatuhu.

Yirmeya 44:3

bualu bua malu mabi abo akenzabo bua kunkuatshishabo tshiji, hakayabo kuosha musenga wa manananshi ne kutendelelabo nzambi mikuabo yakadibo kabayi bamanye, nansha bobo nansha nuenu nansha batatu benu.

Yirmeya 5:6

Nunku nyama wa ntambue wa mu ditu neabashihe, tshimungu tshia mu tshihela netshibabutule, nkashama neabalamine mu misoko yabo; muntu yonso wahatukamu neahandibue bihesa bihesa; bualu bua mibi yabo idi ya bungi, ne kundekela kuabo kuakutamba.

Yirmeya 7:6

binuikala kanuyi nukengesha benyi ne bana ba nshiya ne bakashi ba mu lufuila, binuikala kanuyi numatshisha mashi a badi kabayi ne bualu hanshi mu muaba eu, binuikala kanuyi nulonda nzambi ya hatuhu bua kudikengesha nʼai,

Yirmeya 7:9

Kia! Nenuibe, nenushihe bakuabo, nenuende masandi, nenuditshihe ne mashimi, nenuoshile Bâla musenga wa manananshi, nenulonde nzambi ya hatuhu mudi kanuyi bamanye, anyi?

Muadi 4:13

Malu â akulua bualu bua mibi ya baprofete bandi ne malu mabi a bakuidi bandi, bakamatshisha mashi a bantu bakane munkatshi mua musoko.

Yezekiyele 20:26

Nakabihishisha kuha kuabo, bualu bua bakela banʼa bute babo mu kahia bu milambu ya kuosha, bua meme mmanye mua kubabutula, ne bua bobo bamanye ne, Ndi Yehowa.

Yezekiyele 7:22

Nenkudimune mpala wanyi bua tshibatangidi, ne bobo nebanyange muaba wanyi wa mushinga mukole; banyengi nebabuelemu, nebaunyange.

Yezekiyele 8:11

Bakulu makumi muanda mutekete ba munkatshi mua bakulu ba Bena Isalele bakadi bimana ku mpala kua mindidimbi ai; ne munkatshi muabo muakadi Yâzanya, muana wa Shafana, muimane. Muntu ne muntu wa munkatshi muabo wakadi mukuate dilonga dia kuoshelamu musenga wa manananshi ku tshianza tshiandi, ne muhuya wa muishi wa ku musenga wa manananshi wakabanda mulu.

Danyele 11:31

Bena nvita nehalue kudiye babatumineye mukenji, nebanyange tshitendelelu ne muaba muasa ne ngumbu ya nvita, nebalekeshe diosha dia mulambu wa kuosha wa buatshia-buatshia, nebajadike tshinyangu tshia dibutuka mu muaba wau.

Luke 11:50

nunku nebalombe mashi a baprofete bonso akamatshishabo hanshi ku tshibangidilu tshia buloba tô ne katataka bu dibanza dia bantu ba tshikondo etshi:

Dielulula 13:13

Bantu bakuabo ba tshikamakama, bakumuka munkatshi muenu, bakasesuisha bena musoko wabo ne, Tuye tuenzele nzambi mikuabo mudimu, inudi kanuyi bamanye;

Dielulula 13:6

Bikala muanʼenu mulume, muana mulume wa mamu webe mene, anyi muanʼebe mulume anyi muanʼebe mukashi, anyi mukashi webe ûdi unanga, anyi mulunda webe wa ha mutshima webe, mukusesuishe mu musokoko ne, Tuye bietu, tuenzele nzambi mikuabo mudimu, inudi kanuyi bamanye, nansha wewe nansha batatu benu;

Dielulula 28:20

Yehowa neanutumine milau ne makenga ne mahumbisha mu malu anudi nuenza ne bianza bienu, tô ne hanuajimishibua ne hanûmushibua lubilu ha buloba; bualu bua bubi bua bienzedi bienu, bua nuakundekela.

Dielulula 28:36

Yehowa nealue nʼenu ne mukelenge unuakateka ku mutu kuenu kudi tshisamba tshinudi kanuyi bamanye, nansha nuenu nansha bankambua benu; nenutendeleleku nzambi mikuabo ya mitshi ne mabue.

Dielulula 28:64

Yehowa neanumuangalashe munkatshi mua bantu bonso ku ditengu edi dia buloba tô ne ku ditengu dikuabo; nenukuatshileku nzambi mikuabo ya mitshi ne ya mabue mudimu, mudi kanuyi bamanye, ne bankambua benu kabakayimanya kabidi.

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Balombodi 5:8

Bobo bakasungula nzambi mihia-mihia, ne hashishe nvita yakadi ku bibi bia musoko; bakamona ngabu anyi difuma munkatshi mua binunu makumi anai bia Bena Isalele, anyi?