Yirmeya 19:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakamba ne, Ya biebe, usumbe mulondo wa dima wakafumbabo kudi mufumbi; bikila bakulu ba munkatshi mua bantu ne bakulu ba munkatshi mua bakuidi;

MUKANDA WA MYIDI MUKULU

¹ Maweja-Nangila kuambila Yirmeya ne: — Uye kudi mufumbi, usumbe mulondu wa diima. Pashishe wangata batuangaji, bamue bakulu, ne bantu bakuabu, uye nabu.

Yirmeya 19:1 교차 참조

2 Bakalenga 19:2

Yeye wakatuma Eleyakima, wakadi ku mutu kua nsubu wandi, ne Shebena secrétaire ne bakulu ba munkatshi mua bakuidi baluate bilulu bikayabala, kudi Yeshaya muprofete, muana wa Amoza.

Yeshaya 30:14

Dishimbuka diatu didi bu kushiha kua luesu lua mufumbi wa bivuadi, udi ulusunsula bihese bihese; nunku kabena basangana kayoyi munkatshi mua bihese bialu ka kuhatula nʼaku dikala dia kahia muiku, anyi bua kutuma nʼaku mai a mu mukete wa mai.

Yirmeya 13:1

Yehowa wakangambila ne, Ya biebe, ule mukaba wa tshilamba tshia lin, ûsuike mu tshifuka tshiebe, kûtu mu mai nansha.

Yirmeya 26:17

Mu diba adi bakulu bakuabo ba mu buloba bakajuka ku mpala kua bantu, bakamba ne,

Yirmeya 32:14

Yehowa wa misumba, Nzambi wa Isalele, udi wamba ne, Wangate mikanda ei ya kusumba kua budimi ne mukanda eu udi mulamika ne tshimanymu, ne mukuabo eu udi muvungulula, witeke mu mulondo wa dima, bua ishale milengele matuku a bungi.

Muadi 4:2

Bana balume ba Siona ba mushi nga mukole, bu or mulelela, badi babadibua mpindiu bu milondo ya dima, mudimu wa bianza bia mufumbi mene!

Yezekiyele 4:1

Wewe kabidi, muana wa muntu, angata dimpana, uditeke ku mpala kuebe, fundahu tshifundu tshia musoko, Yelushalema mene.

Yezekiyele 5:1

Wewe kabidi, muana wa muntu, angata muele wa nvita mutue bu nteula bua kuenza nʼau mudimu wa kubeya, ne beya nʼau nsuki ya ku mutu ne ya ku muedi; hashishe, angata tshiamu tshia kuidikisha nʼatshi bujitu, ne idikisha nʼatshi nsuki.

Yezekiyele 9:6

shihai bantu bakulumpe, bansongalume ne mishikankunde, bana batekete ne bakashi; kadi kanuyi ha buihi ne muntu umue udi ne tshimanyinu atshi. Bangilai ku nsubu wanyi wa tshijila. Nunku bakabanga kushiha bakulu bakadi ku mpala kua nsubu.

Dibadika 11:16

Yehowa wakambila Mose ne, Unsangishile balume makumi muanda mutekete ba bakulu ba mu Isalele, baudi mumanye ne mbakulu ba bantu, ne bakelenge badi ku mutu kuabo, ulue nʼabo ku mpala kua ntenta wa kusambakena, bobo bimaneku nʼebe.

Matayi 26:3

Dituku adi bakuidi banene ba Nzambi ne bakulu ba bantu bakadisangisha mu nsubu wa muakuidi munene, dina diandi Kayafa;

Matayi 27:1

Hakatshia butuku, bakuidi banene bonso ne bakulu ba bantu bakasangisha dî diabo ne, Tushihai Yesu;

Bienzedi 21:11

Hakalueye kutudi, wakangata mukaba wa Paulo, wakadisuika nʼau ku makasa ne ku bianza, wakamba ne, Nyuma Muimpe udi wamba ne, Bena Yuda ba mu Yelushalema nebasuike muena mukaba eu nunku, nebamufile mu bianza bia bantu ba bende.

2 Korente 4:7

Kadi tudi ne bualu ebu bua mushinga mukole mu bintu biakafumbabo ne buloba, bua bulengele butambe bua bukole buikale bua Nzambi, kabufumi kutudi;