Yirmeya 18:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

MUKANDA WA MYIDI MUKULU

¹¹ — Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 18:11 교차 참조

Genese 11:7

Tuyai bietu hanshi, tutompakashe muaku wabo, nunku kabena mua kunvuangana muaku wabo kabidi.

1 Bakalenga 22:23

Nunku Yehowa wakateka nyuma wa kudinga mukana mua baprofete bebe bonso; Yehowa wakamba malu mabi bualu buebe.

2 Bakalenga 17:13

Kadi Yehowa wakadimusha Bena Isalele ne Bena Yuda mukana mua muprofete yonso ne mua mumonyi yonso ne, Kudimunai mitshima yenu ku malu mabi enu; nutumikile mikenji yanyi ne mikandu yanyi bu mudi mikenji makelela bankambua benu mukana mua bantu banyi baprofete.

2 Bakalenga 22:13

Yai bienu, nutuebeshile ne Bena Yuda bonso Yehowa bua malu onso adi mafunda mu mukanda wakasanganabo; bualu bua Yehowa wakakuatshila tshiji tshikole bualu bua bankambua betu kabakatumikila mei adi mu mukanda eu bua kuenzabo malu onso adi mafunda bua bualu buetu.

2 Bakalenga 5:5

Mukelenge wa Sulia wakamba ne, Nentumine mukelenge wa Isalele mukanda. Bakaya ne ntalanta dikumi ya argent ne nshekele ya or binunu bisambombo ne bilulu dikumi bitambe buimpe.

Yeshaya 5:5

Mpindiu nennuambile malu andi ngamba kuenzela budimi buanyi: nentule luhangu luabu lua mingonge ya meba, nebabunyange; nenshimbule lumbu luabu lua mabue, ne nebanudiate muinshi mua makasa.

Yeshaya 57:1

Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

Yirmeya 11:11

Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

Yirmeya 11:19

Kadi nakadi bu muanʼa mukoko mutalale udibo baya nʼau ku tshishihelu; tshiakamanya muakadibo bangelele tshifufu bamba ne, Tutahe mutshi ne mamuma au diatshimue, tumûmushe ha buloba bua badi ne muoyo, bua bantu kabavuluki dina diandi kabidi.

Yirmeya 18:18

Mu diba adi bakamba ne, Luai, tuelele Yelemiya tshifufu; bualu bua mikenji kayena yumuka kudi muakuidi, meji kaena umuka kudi bena meji, ne dî kadiena diumuka kudi muprofete. Luai, tumutahe ne ludimi, katuteleji matshu etu ku mei andi kabidi.

Yirmeya 19:15

Edi ndî didi Yehowa wa misumba, Nzambi wa Isalele, wamba ne, Monai, nentumine ha mu musoko eu ne ba mu ntshiama yau yonso makenga onso anakubambila, bualu bua bakukolesha mitshima yabo bua kabunvu mei anyi.

Yirmeya 19:3

Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yirmeya 25:2

Edi ndî diakambila Yelemiya muprofete bantu bonso ba mu Yuda ne bonso bakadi bashikame mu Yelushalema ne,

Yirmeya 25:5

Bobo bakadi banuambila ne, Buonso buenu, muntu ne muntu, nukudimune mitshima yenu, nulekele kuenda mu nshila wenu mubi ne kuenza bienzedi bibi, bua nushikame mu buloba buakanuha Yehowa, nuenu ne batatu benu, ku kale tô ne tshiendelele.

Yirmeya 26:13

Nunku nulengeshe nshila yenu ne bienzedi bienu bibi, nutumikile dî dia Yehowa, Nzambi wenu; ne Yehowa neakudimune mutshima wandi bua makenga akuambeye bua kunutumina.

Yirmeya 26:3

Bumue nebakunvuile, bua buonso buabo, muntu ne muntu, balukile, balekele kuenda mu nshila wabo mubi, bua meme nkudimune mutshima wanyi bua makenga andi mpangidisha kubakengesha nʼau bua bienzedi biabo bibi.

Yirmeya 3:1

Yehowa udi wamba ne, Badi bamba ne, Biumusha mulume mukashi wandi, ne biumukeye kudiye bua kulua mukashi wa munga mulume, yeye neahingane kudi mukashi au tshiakabidi, anyi? Buloba abu kabuena mua kutamba kunyanguka, anyi? Kadi wewe wakulua bu mukashi wa masandi kudi bakunangi bebe ba bungi; anji kuhingana kundi kabidi.

Yirmeya 3:22

Nuenu, bana banyi bandekedi, hinganai kundi, nennuondahe ku buhidia buenu. Mona, tuakulua kûdi; bualu bua wewe udi Yehowa Nzambi wetu.

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Yirmeya 36:3

Bumue Bena Yuda nebunvue bua makenga onso andi mpangidisha kubenzela, bua bobo balekele, muntu ne muntu kuenda mu ushila wandi mubi; bua meme mmanye mua kubabuikidila malu mabi abo ne bubi buabo.

Yirmeya 36:7

Bumue, haluabo kutendekena Yehowa, nebalekele kuenda, muntu ne muntu, mu nshila wabo mubi; bualu bua tshifikʼa munda ne tshiji tshikole bia Yehowa bidiye uhisha nʼabi bantu aba bidi binene.

Yirmeya 4:1

Yehowa udi wamba ne, Biwahingana kundi, wewe Isalele, biwahingana kundi, ne biûmusha malu a tshinyangu tshiebe ku mesu kuanyi, nunku wewe kuena umushibua.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yirmeya 4:23

Nakatangila buloba, ne mona, buakadi bubondakana ne butuhu; nakamona diulu, ne munya kawakadimu.

Yirmeya 4:6

Jadikai dibendela ditangilangana ne Siona; nyemai bua kudibandisha, kanujanguluki nansha; bualu bua nenyishe makenga ku luseke lua nôde, ne kubutuka kunene.

Yirmeya 51:11

Sakishai mikete, kuatai ngabu bikole; Bualu bua Yehowa wakusonsola mitshima ya banfumu ba Bena Madai, bualu bua yeye wakuhangidisha bua kubutula Babulona; bua edi ndisombuela dia Yehowa, disombuela didiye nʼadi bua ntempelo wandi.

Yirmeya 7:3

Yehowa wa misumba, Nzambi wa Isalele, udi wamba ne, Longololai bienzedi bienu ne malu enu bimpe, ne nennushikamishe mu muaba eu.

Yezekiyele 13:22

Bualu bua ku mashimi enu nuakunyingalasha mutshima wa muntu muakane, undi tshiyi munyingalashe; nuakukolesha mutshima wa muntu mubi bua yeye kalekedi kuenda mu nshila wandi mubi bua kuhandisha muoyo wandi.

Yezekiyele 18:23

Mukelenge Yehowa udi ukonka ne, Ndi ne disanka bua lufu lua bantu babi, anyi? Tshiena nsanka bua yeye umuke mu nshila wandi mubi bua ikale ne muoyo, anyi?

Yona 3:8

Biluate bivualu bikayabala, bantu ne bimuna bidile bikole kudi Nzambi; muntu ne muntu umuke mu nshila wandi mubi, alekele kuenza malu makole adi bianza biandi biamba kuenza.

Mika 2:3

Bua malu â Yehowa udi wamba ne, Monai, ndi nnuhangidishila, nuenu ba tshisamba etshi, dikenga dinudi kanuyi mua kumusha ha nshingu yenu, ne kanuena nuenda ne dihetu, bualu bua tshikondo etshi netshikale tshibi.

Zekâya 1:3

Nunku ubambile ne, Yehowa wa misumba udi wamba ne, Hinganai kundi, ne meme nempingane kunudi! Yehowa wa misumba udi wamba nunku.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Yakobe 4:13

Ahu nuenu badi bamba ne, Lelu anyi makelela netuye ku musoko mukuabo, netuikaleku tshidimu tshijima, netuendulule mushinga, netuhete bintu;

Yakobe 5:1

Ahu nuenu, bantu babanshi, nudile bienu, nuele mbila bualu bua makenga akadi ba kulua kunudi.