Yirmeya 17:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

MUKANDA WA MYIDI MUKULU

¹⁰ Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yirmeya 17:10 교차 참조

1 Bakalenga 8:39

ubunvuile mu diulu kûdi ushikama, ubabuikidile mibi yabo, ubenzele bu mûdi mumanye malu adi mu mitshima yabo (bualu bua anu wewe nkayebe ngudi mumanye mitshima ya bantu bonso);

1 Kulondolola 28:9

Wewe, muanʼanyi Solomo, Umanye Nzambi wa tatuʼebe, umukuatshile mudimu ne mutshima mutoke ne didikokela kudiye; bualu bua Yehowa udi ukebakeba mitshima ya bantu bonso; udi ujingulula meji onso adibo bela munda muabo; biwamukeba, neumuhete; kadi biwamulekela, yeye neakuhidie tshiendelele.

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

2 Kulondolola 6:30

unvue biebe mu muaba webe mu diulu; ubabuikidile mibi yabo, ufute muntu yonso bu muakadi bienzedi biandi, nguewe udi mumanye mutshima wandi (bualu bua wewe nkayebe udi mumanye mitshima ya bantu);

Yobe 34:11

Bualu bua Nzambi neafute muntu bu mudi bienzedi biandi, yeye neavuishile muntu yonso bualu bu muakenzenzeye.

Misambu 44:21

Nzambi kena ukeba bualu ebu bua kubusokolola, anyi? Bualu bua yeye udi mumanye meji adi masokoka mu mutshima.

Misambu 44:22

E, bua bualu buebe tudi tushihibua dinda tô ne ku dilolo; tudi lubadibue bu mikoko ya kushihabo.

Misambu 62:12

ne kudi wewe kabidi, Mukelenge, kudi luse lujalame. Bualu bua udi ufuta muntu yonso difutu bu mudi mudimu wandi.

Misambu 7:10

Ngabu wanyi udi kudi Nzambi, udi usungila badi ne mitshima miakane.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Nsumuinu 12:14

Muntu udi uheta diakalengele ku mei makane a mukana muandi, ne bienzedi bidi bianza bia muntu bienza nebihingane kudiye.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Muambi 9:3

Ebu mbualu bubi bua mu malu onso adi menjibue muinshi mua diba ne nshikidilu umue udi kudi bantu bonso; bulelela, mitshima ya bana ba bantu idi miule tente ne malu mabi; kutomboka kudi mu mitshima yabo hatshidibo ne muoyo; ku nyima badi baya kudi bafue.

Yeshaya 59:18

Bu mudi bienzedi biabo, mbu mudiye ubafuta, tshiji tshiandi kudi hafuilanganyi nʼandi, difutu diabo kudi badi nʼandi lukuna; neafute ba mu maloba a ku muelelu wa mai manene difutu diabo.

Yirmeya 11:20

Kadi Yehowa wa misumba udi ne kulumbulula kuakane, udi uteta mutshima ne meji bia muntu, nentangile busombuedi buebe hamʼbidi habo, bualu bua nakuteka bualu buanyi mu bianza biebe.

Yirmeya 12:13

Bakukuna maminu a blé, bakuhuola meba; bakudikengesha ne mudimu mukole, kabakudihetela luhetu; nebikale ne bundu bua mamuma abo, bualu bua tshiji tshikole tshia Yehowa.

Yirmeya 20:12

Wewe Yehowa wa misumba, udi uteta buakane bua bantu, udi umona mutshima ne meji, witabushe bua meme ntangile kusombuela kuebe kubakuata, bualu bua nakukusokoluela tshilumbu tshianyi.

Yirmeya 21:14

Yehowa udi wamba ne, Nenkukengeshe bu mudi mamuma a bienzedi biebe, nentemeshe kahia mu ditu diandi, nekoshe bintu bionso bidi bimunyunguluka.

Yirmeya 23:2

Nunku Yehowa, Nzambi wa Isalele, udi wamba dî edi bua kuhisha balami badi badisha bantu bandi ne, Nuenu nuakutangadisha mikoko yanyi, nuakuyihata, kanuakulua kuyitangila. Nunku Yehowa udi wamba ne, Tangilai, nennutumine makenga bua bienzedi bienu.

Yirmeya 32:19

Wewe udi munene mu kulesha kuebe kua lungenyi kudi bantu, udi ne bukole bua bungi mu bienzedi biebe, udi ne mesu ebe mabulule bua kumona nshila yonso ya bana ba bantu, ne bua kufuta muntu yonso bu mudi bienzedi biandi ne bu mudi mamuma a ku bienzedi biandi.

Yezekiyele 11:5

Nyuma wa Yehowa wakantulukila kabidi, yeye wakangambila ne, Amba biebe ne, Yehowa udi wamba dî edi ne, Nuenu ba mu tshisamba tshia Bena Isalele nuakuamba nunku, bualu bua ndi mumanye malu adi abuela mu mitshima yenu.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Mika 7:13

Kadi buloba nebulue tshikulu bualu bua bantu babi badi bashikamemu, ne bua mamuma mabi atu bienzedi biabo bikuama.

Matayi 16:27

Muana wa muntu nealue mu butumbi bua Tatu wandi ne banjelo bandi; dituku adi neafute muntu yonso bu muakenzenzeye.

Matayi 6:4

nunku uhe bantu bintu biebe bia luse mu musokoko, ne Tatu webe udi umona mu musokoko neakuhe.

Yowanane 2:25

ne bua yeye kakadi ne bualu bua muntu amuambile malu a bantu; yeye mene wakadi mumanye malu a munda mua bantu.

Bienzedi 1:24

Bakatendelela Nzambi bambe ne, Wewe, Mukelenge, ngudi mumanye mitshima ya bantu bonso, utuleshe wa babidi aba umue uwakusungula,

Rome 6:21

Nunku mu tshikondo atshi nuakadi ne mamuma kai mu malu adi anufuisha bundu katataka? Bua kunshikidilu kua malu au ndufu.

Rome 8:27

Nzambi, udi ukeba mu mitshima ya bantu, udi mumanye meshi a Nyuma ne, Udi Wakuila basanto bu mudi Nzambi musue.

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

Didimanyisha 22:12

Tangila, ndi ndua lubilu; ne difutu dianyi didi nʼanyi, dia kuhingishila kudi muntu ne muntu, bu mudi mudimu wandi.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.