Yirmeya 15:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Yelushalema, nganyi wakuluila luse, nganyi wakuashila muadi? Nganyi wimana mu nshila bua kukuela muoyo?

MUKANDA WA MYIDI MUKULU

⁵ Maweja-Nangila udi wamba ne: Bena Yerushalayime, kakuena muntu udi mua kunufuila luse kabidi to. Kakuena muntu udi mua kunudila, kakuena muntu udi uditatshisha bua kunuebeja ne: malu kaayi?

Yirmeya 15:5 교차 참조

Yobe 19:21

Nunfuile luse, nuenu balunda banyi; nunfuile luse; bualu bua tshianza tshia Nzambi tshiakundenga.

Misambu 69:20

Bihendu biakutamba kubanda mutshima wanyi, dinyingalala diakuntonda. Nakatekemena ne, Muntu neanfuile luse, kadi kakadiku; nakatekemena ne, Basambi nebamueneke, kadi tshiakasangana nansha umue.

Ekesode 18:7

Mose wakaya kusangakena ne tatuʼandi-muenu, wakamukukuila, wakatuangana nʼandi mishiku, bakakonkangana bua malu abo, bakabuela mu ntenta.

Yeshaya 51:19

Malu â abidi akukukuata— wadila nʼebe nganyi? Dibutuka ne kuhaula, tshiole ne muele wa nvita; neakusambe nganyi?

Yirmeya 13:14

Yehowa udi wamba ne, Nembatutakashangane, batatu ne bana babo hohamue; tshiena mbafuila luse, tshiena mbasungila, luse kaluena lunkuata bua bualu buabo, kakuena tshintu tshidi mua kunkanda bua meme kubabutula.

Yirmeya 16:5

Bua Yehowa udi wamba ne, Kubuedi mu nsubu wa madilu, kuyimu bua kubajinga anyi kubashila muadi, bualu bua nakûmusha ditalala dianyi, nduse luanyi lujalame kudi bantu aba.

Yirmeya 21:7

Yehowa udi wamba ne, Ku nyima kua malu au nenfile Sedekiya, mukelenge wa Yuda, ne hena mudimu bandi ne bantu badi bashala mu musoko bahanduke ku tshihuhu, ku muele wa nvita, ku tshiole, mu bianza bia Nebukadenesâ, mukelenge wa Babulona, ne mu bianza bia bena lukuna babo ne mu bianza bia badi bakeba mioyo yabo. Yeye neabashihe ne muele wa nvita, kena ubasungila, kena ubalesha kalolo, kena ubafuila luse.

Muadi 1:17

Siona udi wolola bianza biandi ne kakuena mumusambi; Yehowa wakuela mukenji bualu bua Yakoba ne, Badi bamunyunguluka bikale bamukengeshi. Yelushalema wakulua bu tshintu tshinyanguke munkatshi muabo.

Nahume 3:7

Bua mianda ai mundi yonso udi ukumona neakunyeme, wamba ne, Ninewe wakubutudibua, wamuashila mua dî nganyi? Nemmukebele bamusambi kudi kunyi?

Balombodi 18:15

Bakasesuka, bakaya ku nsubu wa nsongalume, Muena Lewi, ku nsubu wa Mika mene, bakamukonka ne, Udi bimpe, anyi?

1 Samuele 10:4

bobo nebakuele muoyo, nebakuhe mitanda ya bidia ibidi, bûdi nʼabu mbua kuyangata ku bianza biabo.

1 Samuele 17:22

Davidi wakashiya bintu biandi mu bianza bia mulami wa makalu, wakaya lubilu kudi bena nvita, wakela bana babo muoyo.

1 Samuele 25:5

Davidi wakasungula bansongalume bandi dikumi, wakabatuma kudi Nabala mu Kâmele ne, Yai, numuambike muoyo mu dina dianyi;