Yirmeya 14:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu kai ukadi kutudi bu muntu udi ne buowa, bu muena bukitu udi kayi mua kutusungila? Kadi wewe, Yehowa, udi munkatshi muetu; tuetu ludi tubikidibua ku dina diebe; kutulekedi nansha.

MUKANDA WA MYIDI MUKULU

⁹ Udi udileja bu muntu, udi kayi mua kutuambuluisha, bu muena bukitu udi mupange bukole bua kusungidila bakuabu, bua tshinyi? Eku wewe Maweja-Nangila udi munkatshi muetu. Tudi bantu bebe. Kutulekedi nansha.

Yirmeya 14:9 교차 참조

2 Kulondolola 7:14

biadihuekesha bantu banyi badi babikila dina dianyi, biatendelelabo, biakebabo mpala wanyi, ne biakudimunabo mitshima yabo bua mibi yabo, nengunvuile mu diulu, nembabuikidile mibi yabo, nensangashe buloba buabo.

Misambu 10:1

Yehowa, wewe udi wimana kule kuakua bua tshinyi? Udi usokoma mu bikondo bia makenga bua tshinyi?

Misambu 27:9

Kusokoki mpala webe kundi nansha. Kumushi muntu webe ku mpala kuebe mu tshiji, wewe wakadi mukuatshishi wanyi. Kungihatshi, kundekedi, wewe Nzambi wa luhandu luanyi!

Misambu 46:5

Nzambi udi munkatshi muau, kabena bamanye mua kûnyungisha; Nzambi neaukuatshishe hatshia butuku.

Yeshaya 12:6

Bandisha dî diebe, ela mbila, wewe muena musoko wa Siona; bualu bua udi munene munkatshi muebe nyeye Wa Tshijila wa Isalele.

Yeshaya 43:7

Nulue ne muntu yonso udibo bidika dina dianyi, unakafuka ne unakufuanyikisha, unakuenza bua butumbi buanyi.

Yeshaya 51:9

Tabala, tabala, udiluatshishe bukole, wewe, diboko dia Yehowa! Tabala bu muwakenza mu matuku a kale, mu bikondo biakamana kuhita kale. Kenguewe wakakosa Lahaba bituha bituha, wakatubula nyama munene ne muele, anyi?

Yeshaya 59:1

Tangilai, tshianza tshia Yehowa katshiena tshitamba buihi bua katshisungidi bantu, ne matshu andi kaena mahate bua kâmanyi mua kunvua.

Yeshaya 63:19

Tuakulua bu bantu bawakadi kuyi muanze kukokesha diambedi, bu bantu bakadi kabayi babikidibue ku dina diebe.

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 8:19

Unvuai! Dî dia muadi wa muana mukashi wa bantu banyi didi difuma ku buloba budi kule kutamba, diamba ne, Yehowa kena mu Siona, anyi? Mukelenge wandi kenamu, anyi? Bualu kai bakunkuatshika tshiji ku mpingu yabo misonga ne bintu bia hatuhu ya bantu ba bende?

Muadi 5:20

Bualu kai udi musue kutuhita muoyo tshiendelele, ne kutulekela musangu bule nunku?

Yezekiyele 48:35

Nyungulukilu wa musoko mu nseke yau mai ikale coudées binunu dikumi ne muanda mukulu. Nebabikile dina dia musoko ku dituku adi tô ne tshiendelele ne, Yehowa udi aha.

Abakuke 1:2

Yehowa, nendile kûdi musangu bule bishi bua wewe unkuatshishe? Kuena ungunvuila, anyi? Ndi ndila kûdi bua tshimbambila tshidiku, ne wewe kuena utuhandisha.

Zekâya 2:5

Bualu bua meme hanyi nengikale kudiye bu lumbu lua kahia lumunyunguluke, ne nengikale butumbi buandi munkatshi muabo. Yehowa udi wamba nunku.

Zekâya 8:3

Yehowa udi wamba ne, Nempingane ku Siona, nenshikame munkatshi mua Yelushalema; nebabikile Yelushalema ne, Musoko wa kungeyemena; nebabikile mukuna wa Yehowa wa misumba ne, Mukuna wa tshijila.

Dibadika 11:23

Yehowa wakambila Mose ne, Tshianza tshia Yehowa tshiakulua tshihi, anyi? Katataka wewe neutangile ne bualu bunakukuambila nebuenjibue anyi kabuena buenjibua.

Bienzedi 15:17

Nengenzele nunka bua bantu badi bashale bakebe Mukelenge, Ne bisamba bionso bia bende kabidi badi babikidibua ku dina dianyi;

2 Korente 6:16

Ntempelo wa Nzambi udi uhunga di kai ne mpingu? Bualu bua tuetu tudi bu ntempelo wa Nzambi udi ne muoyo; bu muakamba Nzambi ne, Nengikale munda muabo, nengendakane munda muabo; Nengikale Nzambi wabo ne bobo nebikale bantu banyi.

Dielulula 23:14

bualu bua Yehowa, Nzambi wenu, udi wendakana munkatshi mua tshitudilu bua kunusungila, ne bua kufila badi nʼenu lukuna mu bianza bienu; nunku tshitudilu netshikale tshia tshijila. Yehowa katangidi tshintu tshibi munkatshi muenu, kasesuki kunudi.

Dielulula 28:10

Bantu bonso ba ha buloba nebamanye ne, Nuenu nudi nubikidibua ku dina dia Yehowa; bobo nebanutshine.

Ebrewu 13:5

Mioyo yenu kaikadi ne lukuka lua biuma, nuikale ne disanka ne bintu binudi nʼabi, bualu bua Nzambi muine wakuamba ne, Tshiena nkulekela, nasha kakese, tshiena nkushîa tshianana.

Didimanyisha 21:3

Nakinama dî dikole difuma mu nkuasa wa butumbi diamba ne, Tangilai, nsubu wa tshilulu wa Nzambi udi munkatshi mua bantu, ne yeye neikale nʼabo, ne bobo nebikale bantu bandi; ne Nzambi mume neikale nʼabo, neikale Nzambi wabo.

1 Samuele 12:22

Yehowa kena ulekela bantu bandi bualu bua dina diandi dinene, bualu bua Yehowa wakasungula bua kunuvuisha bantu bandi mene.