Yirmeya 14:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

MUKANDA WA MYIDI MUKULU

⁸ Kadi bena Izrayele mbakutekemene anu wewe. Bua wewe kubasungidila matuku a dikenga. Kadi wewe kuena muenyi mu ditunga dietu! Wewe kuena muena luendu, udi ulala anu dituku dimue.

Yirmeya 14:8 교차 참조

Misambu 10:1

Yehowa, wewe udi wimana kule kuakua bua tshinyi? Udi usokoma mu bikondo bia makenga bua tshinyi?

Misambu 138:7

Nansha bingenda munkatshi mua makenga, wewe neusangashe muoyo wanyi. Udi wolola tshianza tshiebe bua kukanda tshiji tshia badi nʼanyi lukuna, tshianza tshiebe tshia balume tshidi tshinsungila.

Misambu 46:1

Nzambi udi tshinyemenu tshietu ne bukole buetu, udi dikuatshisha dietu mu makenga didi kadiyi dihanga tshiendelele.

Misambu 46:2

Nunku katuena tutshina, nansha biandamuka buloba, nansha biatenkakana mikuna mile idi munkatshi mua mai manene;

Misambu 50:15

Umbikile mu dituku dia makenga; nenkuhandishe, ne wewe neuntumbishe.

Misambu 71:5

Bualu bua wewe, Mukelenge Yehowa, udi ditekemena dianyi; udi tshieyemenu tshianyi ku buana buanyi to ne katataka.

Misambu 9:9

Nunku Yehowa neikale tshibumba tshile kudi bantu badi bakengeshibua. Neikale tshibumba tshile kudi bantu mu tshikondo tshia ntatu.

Misambu 91:15

Hambikileye, nengitabe kudiye; nengikale nʼandi habueleye mu dikenga, nemmuhandishe, nemmutumbishe.

Yeshaya 33:2

Yehowa, utuleshe dinanga diebe; tuakukuindila; wikale diboko dietu dia bukole ku dinda ne ku dinda, ne luhandu luetu mu tshikondo tshia dikenga.

Yeshaya 43:11

Meme, meme mene, ndi Yehowa; kakuena musungidi mukuabo kabidi anu meme nkayanyi.

Yeshaya 43:3

Bualu bua meme ndi Yehowa Nzambi webe, Wa Tshijila wa Isalele, Musungidi webe. Nakufila Ejipitu bu biuma bua kukubikila nʼabi, nakudia Atiopa ne Seba bua kubashintakasha nʼebe.

Yeshaya 45:15

Bulelela, wewe udi Nzambi udi usokoma, wewe Nzambi wa Isalele, Musungidi.

Yeshaya 45:21

Nuambe bienu, nuleshe malu anudi basue kutumbila: bulelela, bele tshifufu, batuleshe ne, Wakunuambila bualu ebu mu bidimu bia diambedi nganyi? Wakadianjila kuamba bualu ebu kale nganyi? Meme Yehowa tshiakuenza bualu ebu, anyi? Kakuena nzambi mukuabo muomumue nʼanyi, muakane ne Musungidi; kakuena mukuabo muomumue nʼanyi.

Yeshaya 63:8

Bualu bua yeye wakamba ne, Bulelela, badi bantu banyi, badi bana banyi badi kabayi bandinga; nunku yeye wakalua Musungidi wabo.

Yirmeya 16:19

Wewe Yehowa, bukole buanyi ne musoko wanyi mukoleshibue ne ngumbu, tshinyemenu tshianyi mu dituku dia dikenga, ba mu bisamba bia bantu nebalue kûdi, bafume kunfudilu kua buloba, bamba ne, Batatu betu bakahiana anu mashimi ne malu a hatuhu adi kâyi mua kubakuatshisha.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 30:7

Aka! Dituku adi didi dinene, kakuena dikuabo bu diodi. Tshidi tshikondo tshia lutatu lua bana ba Yakoba, kadi nebabasungile kudilu.

Yirmeya 50:7

Bonso bakadi babasangana bakubadia, bena lukuna babo bakamba ne, Tuetu katuena bahile, bualu bua bobo bakuenzela Yehowa bibi. Yeye nduhangu lua buakane, bakuenzela Yehowa mene, ditekemena dia batatu babo, bibi.

Yowele 3:16

Yehowa udi wela dî diandi dikole difume ku Siona, udi wela dî diandi bu mukungulu wa nvula difume ku Yelushalema; diulu ne buloba bidi bikanka. Kadi Yehowa udi tshinyemenu kudi bantu bandi, udi bu musoko wa ngumbu kudi Bena Isalele.

Zekâya 9:12

Hinganai bienu ku musoko udi ne ngumbu ya mabue, nuenu bena lukanu badi batekemena luhandu; dituku edi mene ndi nnuambila ne, Nennuvudishile disanka tshiakabidi.

Bienzedi 28:20

Bua bualu ebu nunku bunakunubikidila bua kulua kuntangila ne bua kuakula nʼanyi; ndi musuikibue ne lukanu elu bualu bua ditekemena dia Isalele

1 Timote 1:1

Paulo, mupostolo wa Kilisto Yesu bu mudi mukenshi wa Nzambi Musungidi wetu, ne wa Kilisto Yesu ditekemena dietu,

Balombodi 19:17

Muntu au wakabanduluka, wakamona muenyi muikale anu mu musesu wa mu musoko; hashishe muntu mununu wakamukonka ne, Uyaya kudi kunyi? Wakufuma kudi kunyi?