Yirmeya 13:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

MUKANDA WA MYIDI MUKULU

²³ Mubidi wa muena Kushe udi mua kukudimuka anyi? Nansha matoba a tshisumpa ntambue adi mua kukudimuka anyi? To! Nanku nuenu bonsu, nudi bibidile kuenza malu mabi. Ke munudi kanuyi mua kuenza malu mimpe to.

Yirmeya 13:23 교차 참조

2 Bakalenga 17:40

Kadi kabakamunvuila, bakenza bu mu bilele biabo bia diambedi.

Nsumuinu 27:22

Biwatua muhote ne muinshi mu tshinu hamue ne manvua, buhote buandi kabuena bûmuka kudiye.

Muambi 1:15

Tshidi tshikonyangala, kabena mua kutshiludika kahidi; tshintu tshidi katshiyihu, kabena mua kutshibala.

Yeshaya 1:5

Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 2:22

Mukelenge Yehowa udi wamba ne, Biwowa ne buanga bua nsabanga, biwangata nsabanga wa bungi, bubi buebe butshidi bufunda ku mpala kuanyi.

Yirmeya 2:30

Nakuhita bana benu, nakubanga; kabakuatabusha kubela kuanyi; muele wenu wa nvita wakushiha baprofete benu, bu mudi nyama wa ntambue ushiha nyama mikuabo.

Yirmeya 4:22

Bantu banyi badi bahote, kabena bammanye; badi bu bana badi kabayi ne lungenyi, kabena ne dijingulula dia malu; badi ne lungenyi lua kuenzabo malu mabi, kadi kabena ne lungenyi lua kuenzabo malu mimpe.

Yirmeya 5:3

Wewe Yehowa, mesu ebe kaena amona bualu bulelela, anyi? Wewe wakubakengesha, kadi kabakunyingalala; wewe wakubabutula, kadi bakubenga kuitabusha diyisha; bakukolesha mpala yabo mihite mabue bukole, bakuhidia kualukila kûdi.

Yirmeya 9:5

Muntu ne muntu neadinge muena mutumba nʼandi, kabena bamba dî dilelela; bakayisha ndimi yabo bua kuambayi mashimi; badi baditekesha ne kuenza kuabo kua malu mabi.

1 Samuele 19:21

Hakambilabo Shaula bualu ebu, yeye wakatuma ba-messager bakuabo, bobo bakamba dî dia Nzambi kabidi. Wakatuma ba-messager tshiakasatu, ne bobo bakamba dî dia Nzambi kabidi.