Yirmeya 13:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Tumbishai Yehowa Nzambi wenu, diambedi yeye kayi muanze kunutumina mîdima, diambedi makasa enu kayi manze kulenduka ha mutu ha mikuna idi ne mîdima, ne hantshidi nukeba munya, yeye neawandamune bua kuikalau mufitu, neauvuishe mîdima mikole.

MUKANDA WA MYIDI MUKULU

¹⁶ Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yirmeya 13:16 교차 참조

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Misambu 107:10

Banga bantu aba bakashikama mu mîdima ne mu mufitu muhite bukole, bakadi basuikibua mu makenga ne mu nkanu ya tshiamu tshifike,

Misambu 107:14

Wakabaluhula mu midima ne mu mufitu mukole, wakatshibula nkanu yabo bituha.

Misambu 29:2

Samunai Yehowa ne butumbi budi buakanangane ne dina diandi; tendelelai Yehowa, nuvuale bienu bivualu bilengele bia tshijila.

Misambu 44:19

bua wewe wakuntshibula bituha bituha bua muanda eu mu muaba wa mizeu, ne bua wewe wakutubuikila mu mîdima mikole.

Ekesode 10:21

Yehowa wakambila Mose ne, Olola tshianza tshiebe mulu, midima ikale mu buloba bua Ejipitu, bantu babubute mu midima.

Nsumuinu 4:19

Nshila wa bantu babi udi bu mîdima mikole; kabena bamanye tshidi tshibalenduisha.

Muambi 11:8

Biashala muntu ne muoyo bidimu bia bungi, asankilemu; kadi avuluke biandi kabidi matuku a mîdima, bualu bua neikale a bungi. Malu onso alualua adi hatuhu.

Yeshaya 5:30

Mu dituku adi nebele bantu aba tshibingu tshidi bu tshiona tshia mai manene; ne biamona muntu buloba, ke, mîdima ne kanyinganyinga bidiku; ne munya udi ulua midima ku matutu mafike.

Yeshaya 59:10

Tudi tububuta bua kuheta tshimanu bu mudi bafofo benza; e, tudi tububuta bu badi kabayi ne mesu; tudi tulenduka munda munya bu mutudi tuenza mu kajimbʼa buenyi; munkatshi mua batshidi ne bukole buabo buonso tudi bu bantu bafue.

Yeshaya 59:9

Bua malu â kulumbulula kuakane kudi kule nʼetu, ne buakane kabuena butuheta; tudi tukeba munya, kadi monai, midima; tudi tukeba dinkenke, kadi tudi tuenda mu mufitu.

Yeshaya 60:2

Bua mena, midima neyibuikile buloba, ne mîdima mifike-fitutû neyibuikile bantu; kadi Yehowa neabande hamʼbidi hebe mene, butumbi buandi nebumueneshibue hamʼbidi hebe.

Yeshaya 8:22

nebatangile kabidi ha buloba, ne monai! Anu ntatu ne mîdima, mufitu wa kanyinganyinga nebikaleku! Nebabibale bua babuele mu mîdima mikole.

Yirmeya 14:19

Wewe wakuhidia Yuda tshiendelele, anyi? Mutshima webe udi mutondibue bua Siona, anyi? Wakututaha bikole nunku ne kakuena kuondaha kua mputa wetu, anyi? Tuakatekemena ditalala, kadi diakalengele kadiakalua kutudi; tuakatekemena tshikondo tshia kusangala, kadi monai, kabutu kadiku!

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.

Yirmeya 23:12

Yehowa udi wamba ne, Nunku nshila wabo neikale kudibo bu miaba ya busenu mu mîdinembendeshemu, nebahonemu; bualu bua nembatumine makenga mu tshidimu tshia dikenga diabo.

Yirmeya 4:23

Nakatangila buloba, ne mona, buakadi bubondakana ne butuhu; nakamona diulu, ne munya kawakadimu.

Yirmeya 50:6

Bantu banyi bakadi bu mikoko mijimine, balami babo bakubahambuisha mu nshila, bakubalekelela bua kuendakanabo hatuhu ha mikuna; bakuendakana ku mukuna munene tô ne ku mukuna mukese; bakuhua muaba wa tshikishilu tshiabo muoyo.

Yirmeya 6:21

Nunku Yehowa udi wamba ne, Monai, nenteke bilenduishi ku mpala kua bantu aba; batatu babo ne bana nebalenduke hohamue; muena mutumba ne mulunda wandi nebafue.

Yirmeya 8:15

Tuakatekemena ditalala, kadi diakalengele kadiakulua kutudi; tuakatekemena tshikondo tshia kusangala, kadi monai, kabutu kadiku!

Muadi 4:17

Mesu etu akufula hatuakadi bindile, batekemena dikuatshisha; kadi kuindila kuetu kuakadi hatuhu; tshisamba tshitu akutekemena katshiakadi mua kutusungila.

Yezekiyele 21:15

Nakubabishila muele wa nvita bua kubakuatshisha buowa, tô ne hahandika mitshima yabo, bua bantu ba bungi badishinde hehi ne bibi biabo bionso. Muele wa nvita udi uhenya bu muele wa nvula, udi musekeshibue bua kushiha nʼau bantu!

Yezekiyele 34:12

Bu mudi mulami wa mikoko ukeba tshisumbu tshia mikoko yandi mu dituku didiyi mitangadishibue, nunku nenkebe mikoko yanyi; nenyisungile ku miaba kudiyi mitangadishibue mu dituku dia matutu ne dia mîdima mikole.

Yezekiyele 36:15

Mukelenge Yehowa udi wamba ne, Tshiena ngitabusha bua wewe kunvua kabidi mei a bihendu adi ba mu bisamba bia bantu bamba bua bualu buebe, ne kuena wikala ne bualu bua kuitabusha bihendu bia bantu ba bende kabidi, ne kuena ulenduisha ba mu tshisamba tshiebe kabidi.

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Amosa 4:13

Monai, yeye udi wimanyika mikuna ne udi utuma luhehele, udi umanyisha muntu meji adi munda muandi, udi uvuisha kabundubundu midima, udi wenda ha miaba mibandile ya ha buloba; Yehowa, Nzambi wa misumba, ndina diandi.

Amosa 5:18

Mulau unukuate nuenu badi ba sue dituku dia Yehowa dimuenekele! Nudi ntekemena tshinyi mu dituku dia Yehowa? Didi mîdima, kadiena munya nansha.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Yowanane 12:35

Yesu wakabambila ne, Nenuikale ne munya munkatshi muenu anu tshituha tshihi. Endakanai hanutshidi ne munya, butuku kabunuididi; wendakana mu mîdima kena mumanye kudiye uya.

Yoshua 7:19

Yoshua wakambila Akana ne, Muanʼanyi, ndi nkusengelela ne, Utumbishe Yehowa, Nzambi wa Isalele, umutondele bubi buebe; ungambile buwakuenza, kubusokoki kundi nansha.

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.

1 Samuele 6:5

Nunku nudifuanyikishile bifuanyikishi bia masungu enu ne bifuanyikishi bia mpuku yenu idi misusule buloba buenu: nenuambike Nzambi wa Isalele butumbi bitabusheye bua kuhehesha tshianza tshiandi kunudi ne kudi nzambi yenu ne ku buloba buenu.