Yirmeya 13:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua bu mudi mukaba ulamatangana ne tshifuka tshia muntu, nunku Yehowa udi wamba ne, Nakulamakasha Bena Isalele bonso ne Bena Yuda bonso kundi, bua bobo bikale kundi bu bantu banyi, bu dina dianyi, bu butumbi buanyi ne bu buneme buanyi; kadi bobo kabakunvua.

MUKANDA WA MYIDI MUKULU

¹¹ Mudi muntu usuika mukaba mu tshimonu tshiende, ke mumvua meme Maweja-Nangila mudisuike ku bukalenga bua Yuda ne bua bena Izrayele. Mvua muteke lumu luanyi mu bianza biabu, bua bikale bantu banyi, bua batumbishe dina dianyi, bampeteshe lumu, bua meme kuditemba nalu. Kadi kabavua banteleja to.”

Yirmeya 13:11 교차 참조

Misambu 135:4

Bua Yehowa wakudisunguila Yakoba bua kuikaleye nʼandi, wakadisunguila Isalele bu buhianyi buandi.

Misambu 147:20

Kena muenzele ba mu tshinga tshisamba nunku nansha; kabena bamanye kulumbulula kuandi. Tumbishai Yehowa!

Misambu 81:11

Kadi bantu banyi kabakunvua dî dianyi; Bena Isalele kabakasua kungitabusha, nansha kakese.

Yeshaya 43:21

bantu banakudifukila bua bualu buanyi, bua bobo baleshe bonso butumbi buanyi.

Yeshaya 62:12

Nebababikile ne, Bantu ba tshijila, Bahikudibue kudi Yehowa; nebakubikile ne, Musoko mukebibue, musoko udi kauyi mushiya hatuhu.

Yirmeya 13:1

Yehowa wakangambila ne, Ya biebe, ule mukaba wa tshilamba tshia lin, ûsuike mu tshifuka tshiebe, kûtu mu mai nansha.

Yirmeya 13:10

Bantu aba babi badi bahidia kunvua mei anyi, badi benda mu tshitshu tshia mu mitshima yabo, bakalonda nzambi mikuabo bua kuyikuatshilabo mudimu ne bua kuyitendelelabo, nebikale bu mukaba eu udi kauyi ne mudimu kabidi.

Yirmeya 13:12

Nunku ubambile dî edi ne, Yehowa, Nzambi wa Isalele, udi wamba ne, Mulondo wonso neûle tente ne nvinyo. Nebakukonke ne, Katuena bamanye ne, Mulondo wonso neûle tente ne nvinyo, anyi?

Yirmeya 19:15

Edi ndî didi Yehowa wa misumba, Nzambi wa Isalele, wamba ne, Monai, nentumine ha mu musoko eu ne ba mu ntshiama yau yonso makenga onso anakubambila, bualu bua bakukolesha mitshima yabo bua kabunvu mei anyi.

Yirmeya 32:20

Wewe wakenza bimanyinu ne malu a kukema mu buloba bua Ejipitu, bu mûdi wenza tô ne lelu eu, munkatshi mua Bena Isalele ne munkatshi mua bantu bakuabo kabidi; wakadivuisha dina dinene diudi nʼadi tô ne lelu eu.

Yirmeya 33:9

Musoko eu newikale kundi bu dina dia disanka, bu dianyisha ne bu butumbi, munkatshi mua ba mu bisamba bionso bia ha buloba balualua kunvua lumu lua malu mimpe andi ngenzela; nebatshine ne nebazakale bua diakalengele ne ditalala binauhesha.

Yirmeya 6:17

Nunku nakateka batentekedi ha mutu henu, nakanuambila ne, Telejai matshu ku dî dia mpungi; kadi bakamba ne, Katuena tuditeleja.

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Yirmeya 7:23

Kadi nakabelela mukenji eu ne, Unvuai dî dianyi, nunku nengikale Nzambi wenu, nuenu nenuikale bantu banyi; nuende mu nshila yonso unakunuambila, bua nuenu nuhete diakalengele.

Yirmeya 7:24

Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Amosa 3:1

Nuenu Bena Isalele, unvuai dî edi didi Yehowa unuhisha nʼadi, dia kunuisha nʼadi bonso ba mu tshisamba tshinakahatula mu buloba bua Ejipitu, ne,

Luke 10:11

Nsenga ya musoko wenu idi milamate mu makasa etu, tudi tunukuhuilai; kadi numanye bienu ne, Bukelenge bua Nzambi buakulua ha buihi.

Dielulula 26:18

ne Yehowa wakanuitabusha bu bantu ba buhianyi buandi bu muakanulayeye, bua nuenu nutumikile mikenji yandi yonso,

Dielulula 26:19

ne kunubandisha ku mutu kua bisamba bionso biakafukeye mu butumbi ne mu dina ne mu buneme; bua nuenu nuikale bantu ba tshijila kudi Yehowa, Nzambi wenu, bu muakuambeye.

Dielulula 4:7

Tshisamba kai tshidi ne nzambi ha buihi nʼabo bu mudi Yehowa, Nzambi wetu, hanuaulukila?

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.