Yirmeya 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Nakulekela nsubu wanyi, nakubenga buhianyi buanyi; nakufila wanyi munanga mu bianza bia badi nʼandi lukuna.

MUKANDA WA MYIDI MUKULU

⁷ Ndi nshiya nzubu wa tshijila, uvua nzubu wanyi meme. Ndi mbenga bantu bavua banyi. Ndi mfila mu bianza bia baluishi babu, bantu bamvue munange ne muoyi wanyi mujima.

Yirmeya 12:7 교차 참조

2 Bakalenga 21:14

Nengumushe difuka dia buhianyi buanyi didi dishale, nendifile mu bianza bia bantu badi nʼadi lukuna; bobo nebalue bambudibue ne bahaudibue kudi bena lukuna bonso;

Misambu 106:40

Bua malu â tshiji tshia Yehowa tshiakatemena bantu bandi bua kuba kengesha, yeye wakakenuka ba mu buhianyi buandi.

Misambu 78:62

Wakafila bantu bandi ku bukole bua muele wa nvita, wakadi ne bena buhianyi buandi tshiji.

Yeshaya 2:6

Bualu bua wewe, Yehowa, wakulekela bantu bebe, ba mu tshiota tshia Yakoba, bualu bua badi batamba kulonda batempi ba mbuku ba ku luseke lua esete, bakatua batempi ba mbuku bu mudi Bena Peleshete, ne badi batutakashangana bianza ne bana ba bisamba bia bende.

Yirmeya 11:15

Wanyi munanga udi mua kuenza bualu kai mu nsubu muanyi, yeye mumane kuenza malu a bundu? Mitshihu yebe ne munyinyi wa tshijila nebimanye mua kukûmushila mulau ne mua kukuhandisha ku bintu ebi, anyi? Ha wenza malu mabi, ke haudi usanka.

Yirmeya 14:19

Wewe wakuhidia Yuda tshiendelele, anyi? Mutshima webe udi mutondibue bua Siona, anyi? Wakututaha bikole nunku ne kakuena kuondaha kua mputa wetu, anyi? Tuakatekemena ditalala, kadi diakalengele kadiakalua kutudi; tuakatekemena tshikondo tshia kusangala, kadi monai, kabutu kadiku!

Yirmeya 17:4

Wewe nkayebe neulekele kulama buhianyi bunakukuha; nenkuenzeshe bua wewe kukuatshila badi nʼebe lukuna mudimu mu buloba bûdi kuyi mumanye; bualu bua nsola tshiji tshianyi bu kahia kadi kosha tshiendelele.

Yirmeya 22:5

Yehowa udi wamba ne, Kadi binuahidia kunvua mei â, ndi nditshiha nkayanyi ne, Nsubu eu neabutuke kabutu.

Yirmeya 23:33

Yehowa udi wamba ne, Hanukonka bantu aba, anyi muprofete anyi muakuidi ne, Bujitu bua dî dia Yehowa budi tshinyi? Nenubahingashile dî ne, Nuenu bine nudi bujitu ebu, ne meme nennuihate.

Yirmeya 23:39

nunku monai, nennuhue muoyo tshiendelele, nennûmushe ku mesu kuanyi, nuenu ne musoko unakanuha ne batatu henu.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 7:14

nunku nengenzele nsubu eu udibo bambikila dina dianyi, unudi nueyemena, ne muaba eu unakanuha nuenu ne batatu benu, bu munakenzela Shilo.

Yirmeya 7:29

Beyai nsuki yenu ne nuyimashe, nuase muadi ha mutu ha mikuna idi hatuhu; bualu bua Yehowa wakahidia ne wakalekela ba mu tshikondo etshi bakabisha tshiji tshiandi.

Yezekiyele 24:21

Ambila ba mu tshisamba tshia Bena Isalele ne, Mukelenge Yehowa udi wamba ne, Monai, nenyange muaba wanyi wa tshijila, muaba udi butumbi bua bukole buenu, udi usankisha mesu enu, udi mitshima yenu manga; ne bana benu ba balume ne bana benu ba bakashi banuakashiya ku nyima kuenu nebashihibue ku muele wa nvita.

Osheya 11:1

Hakadi Bena Isalele bana, nakabananga, ne nakabikila bana banyi bua kumukabo mu Ejipitu.

Osheya 9:15

Bubi buabo buonso budi mu Gilegala, mu muaba au nakabakina. Bua malu mabi abo nembihate mu nsubu muanyi; tshiena mbananga kabidi; bakokeshi babo bonso badi bantombokedi.

Yowele 2:15

Elai mpungi mu Siona, jidilai tshikondo tshia kujila bia kudia, kunguishai disangisha dia tshijila;

Yowele 3:2

nensangishe ba mu bisamba bionso, nempueke nʼabo mu tshibanda tshia Yehoshafata; nembalumbuluishilema bua bantu banyi, buhianyi buanyi, Bena Isalele, bakamuangalashabo munkatshi mua bisamba bia bantu. Bakabanyangana buloba buanyi,

Luke 21:24

Nebahone ku muele wa nvita, nebaye nʼabo bakuata mu bisamba bionso; bantu ba bisamba bia bende nebadiate Yelushalema munshi mua makasa abo tô ne hashika tshikondo tshia bantu ba bisamba bia bende.

Dielulula 33:12

Bua Benyamina yeye wakamba ne, Munangi wa Yehowa neashikame nʼandi talalâ, utu wamubuikila matuku onso, udi ushikama hankatshi ha makaya andi.