Yirmeya 12:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Buloba nebuase muadi, ne midioko ya buloba buonso neyifubidile musangu bule bishi? Bua bubi bua bantu badi bashikamemu nyama ne nyunyu yakûmushibua ha buloba; bualu bua bantu aba badi bamba ne, Nzambi kena umona kunshikidilu kua malu etu.

MUKANDA WA MYIDI MUKULU

⁴ Ditunga nedikale mu dikenga, bia mu madimi nebiume too ne ku diba kaayi? Nyama ne nyunyi ya mu ditunga idi ifua bua tshilema tshidi bantu benza. Bualu badi bamba ne: “Maweja-Nangila kena umona bitudi tuenza to.”

Yirmeya 12:4 교차 참조

Misambu 107:34

Udi ukudimuna buloba bufuke bua kuluabu tshihela tshia luehu, bua malu mabi a bantu badi bashikamemu.

Misambu 50:21

Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

Yeshaya 24:4

Buloba budi ne muadi ne budi bujimina, buloba bua bukua bantu budi buteketa ne budi bujimina, badi bahita butumbi munkatshi mua ba ha buloba badi bateketa.

Yeshaya 24:6

Bua bualu ebu mulau wakunyanga buloba, ne badi bashikamehu bakuhishibua, nunku ba ha buloba bakuoshibua ne kahia, anu bantu banya-banya badi bashala.

Yirmeya 12:11

Bakuluvuisha bu muaba wa hatuhu, buloba budi bushala butuhu budi budila kundi; buloba buonso buakuvuishibua butuhu, bualu bua kakuena muntu udi uteka bualu ebu mu mutshima wandi.

Yirmeya 14:2

Ba mu Yuda badi basa muadi, ne ba mu bibi biandi badi bateketa, bashikame hanshi ha buloba baluate bilulu bifike; ne muadi wa Yelushalema udi ubanda kulu.

Yirmeya 23:10

Bualu bua buloba budi bûle tente ne bena masandi; buloba budi bujinga bualu bua mulau, ne mpata ya mu tshihela yakudishila mikoko yakufubidila Badi benda mu malu mabi, bukole buabo kabuena buakane.

Yirmeya 4:25

Nakatangila kabidi, ne mona, muntu kakadiku! Ne nyunyu yonso idi ihahala mulu yakamana kuya.

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yirmeya 5:13

Baprofete nebandamuke luhehele, dî dia Nzambi kadiena munda muabo; nebabenzele malu â.

Yirmeya 5:31

Baprofete badi bamba mei mu mena a nzambi ya tshianana, bakuidi badi balombodibua ku bianza bia baprofete; bantu banyi badi bananga malu au ne, Ikale nunku; kadi nenuenze tshinyi kunshikidilu kuau?

Yirmeya 7:20

Nunku Mukelenge Yehowa udi wamba ne, Monai, nempongolole tshiji tshianyi ne njiya yanyi ha muaba eu, ha bantu, ha nyama, ha mitshi ya mu madimi ne ha bia kudia bidi buloba bumenesha; biobi nebibioshe bu kahia kadi kakayi kajima.

Yirmeya 9:10

Nengashile mikuna muadi, nempatule binsonshi, nengashile miaba ya mu tshihela idi ne mashinde muadi mukole, bualu bua bakayosha, nunku kakuena muntu wahitshilaku; bantu kabena mua kunvua miadi ya ngombe kabidi; nyunyu ya mulu ne nyama ya mu tshisuku yakanyema, yakaya.

Yirmeya 9:9

Yehowa udi ukonka ne, Tshiena ne bua kubakengesha bua malu â, anyi? Mutshima wanyi kawena udisombuela bua tshisamba tshidi bu etshi, anyi?

Osheya 4:3

Bua mianda yaya buloba budi buasa muadi, ne bantu bonso badi bashikamemu badi batekete, ne nyama ya mu mpata ne nyunyu ya mu diulu bidi bitekete muomumue; minyinyi ya mu mai kabidi idi ifua.

Yowele 1:18

Monai mudi bimuna bitua mikemu! Bisumbu bia ngombe bidi biendakana eku ne eku, bualu bua kabiena ne mashinde; e, bisumbu bia mikoko kabidi bidi bikenga.

Amosa 1:2

Yeye wakamba ne, Yehowa udi wela dî dikole difume ku Siona, udi wamba dî diandi difume ku Yelushalema; mpata ya mashinde ya balami ba mikoko idi yasa muadi, ne bia ha mutu ha Kâmele bidi bifuba.

Abakuke 3:17

Bikala mutshi wa nfigi kauyi usampila ntonga, hikalaku kakuyi tumuma ku mionshi ya nyinyo; biahanga mutshi wa olive kukuama, biahanga madimi kulua bia kudia; bikala mikoko ya mu luhangu kayiyiku, ne bikalaku kakuyi bimuna mu mpangu yabi;

Zekâya 1:12

Ha diba adi muanjelo wa Yehowa wakamba ne, Yehowa wa misumba, musangu neulehe bule munyi bua wewe kufuila ha mu Yelushalema ne ba misoko ya mu Yuda luse, hawakakuatshila tshiji bidimu ebi bionso makumi muanda mutekete?

Rome 8:22

Bualu bua tudi bamanye ne. Bifukibua bionso bidi bitua mikemu hohamue ne bidi bidinyenga hohamue tô ne katataka.