Yirmeya 11:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

MUKANDA WA MYIDI MUKULU

¹¹ Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yirmeya 11:11 교차 참조

2 Bakalenga 22:16

Yehowa udi wamba ne, Monai, meme nentume malu makole ku muaba eu ne kudi bena buloba abu bu mudi mei onso adi mafunda mu mukanda eu wakabala mukelenge wa Yuda.

2 Kulondolola 34:24

Yehowa udi wamba ne, Mona, nentumine muaba eu ne bantu badi bashikamamu milau yonso idi mifunda mu mukanda wakubalabo ku mpala kua mukelenge wa Yuda.

Yobe 35:13

Bulelela, Nzambi kena unvua muadi wa hatuhu, Wa Bukole Buonso kena uteleja matshu andi kudiu.

Misambu 18:41

Bakadila; kadi kakuakadi muntu wakabasungila, bakadila kudi Yehowa mene, kadi yeye kakitaba kudibo.

Misambu 66:18

Bu meme inulame malu mabi mu mutshima wanyi, Mukelenge kakadi kungunvuila.

Nsumuinu 1:28

Hashishe nebambikile, kadi tshiena ngitaba; nebankebe ne lukunukunu, kadi kabena bansangana.

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Yeshaya 1:15

Nunku, hanuolola bianza bienu kundi, nensokoke mesu anyi kunudi; e, hanuantendelela ne mitendelelu ya bungi mene, tshiena nnunvuila; bianza bienu bidi biule tente ne mashi.

Yeshaya 24:17

Buowa ne dijimba ne buteyi bidi ku mpala kuetu, wewe muntu wa ha buloba!

Yirmeya 11:14

Nunku kulombedi bantu aba Nzambi, kubishi nansha dî diebe anyi kulomba kuebe bua bualu buabo; bualu bua tshiena mbunvuila mu tshikondo tshidibo badila kundi bua dikenga diabo.

Yirmeya 11:17

Bualu bua Yehowa wa misumba, wakukukuna, wakukuhisha bua wewe kukenga, bualu bua bubi bua Bena Isalele ne bua Bena Yuda, budibo bankuatshishe nʼabu tshiji, hakafilabo musenga wa manananshi kudi Bâla.

Yirmeya 14:12

Hajilabo bia kudia, tshiena ngunvua dî diabo, hafilabo milambu ya kuosha ne ya bia kudia, tshiena ngitabusha; kadi nembashihe ku muele wa mata, ku tshiole ne ku tshihuhu.

Yirmeya 14:2

Ba mu Yuda badi basa muadi, ne ba mu bibi biandi badi bateketa, bashikame hanshi ha buloba baluate bilulu bifike; ne muadi wa Yelushalema udi ubanda kulu.

Yirmeya 15:2

Hakukonkabo ne, Tuyaya kudi kunyi? wewe ubambile ne, Yehowa udi wamba ne, Badi basungula tshihuhu nebaye ku tshihuhu; badi basungula muele wa nvita, nebaye ku muele wa nvita; badi basungula tshiole nebafue ku tshiole; badi basungula buhika nebaye mu buhika.

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 19:15

Edi ndî didi Yehowa wa misumba, Nzambi wa Isalele, wamba ne, Monai, nentumine ha mu musoko eu ne ba mu ntshiama yau yonso makenga onso anakubambila, bualu bua bakukolesha mitshima yabo bua kabunvu mei anyi.

Yirmeya 19:3

Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yirmeya 23:12

Yehowa udi wamba ne, Nunku nshila wabo neikale kudibo bu miaba ya busenu mu mîdinembendeshemu, nebahonemu; bualu bua nembatumine makenga mu tshidimu tshia dikenga diabo.

Yirmeya 25:35

Balami kabena bamona nshila wa kunyemenamu, ne badi ku mutu kua mikoko kabena baheta tshinyemenu.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Yirmeya 36:31

Nemmukengeshe ne bana bandi ne bena mudimu bandi, bua malu mabi abo; nembatumine ne bantu ba mu Yelushalema ne bantu ba mu Yuda, makenga onso anakubambila, kadi kabakangunvuila.

Yirmeya 6:19

Wewe buloba, unvua biebe; nentumine bantu aba makenga, mmamuma adi meji abo akuama, bualu bua kabena batumikila mei anyi; bakahetula mikenji yanyi.

Muadi 2:22

Wakumbikidila buowa bunnyunguluke nseke yonso, bu mudibo babikila bantu mu dituku didibo badia bidia bia disanka; kakuena muntu wahanduka anyi washala mu dituku dia tshiji tshia Yehowa; bobo banakukuongoluela ne banakukolesha mbadi muena lukuna wanyi mushihe.

Yezekiyele 14:3

Muana wa muntu, bantu aba bakujadika mpingu yabo mu mitshima yabo, bakuteka tshilenduishi tshia kudibuesha mu bubi ku mpala kuabo; ngunvue kulomba kuabo, anyi?

Yezekiyele 7:5

Mukelenge Yehowa udi wamba ne, Mulau ha mutu ha mulau! Monai, udi ulua!

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Amosa 5:19

Didi bu muntu munyeme nyama wa ntambue ne udi usambakena ne nyama wa nkashama! Anyi didi bu muntu mubuele mu nsubu muandi, muteke tshianza tshiandi ku tshimanu tshia nsubu, ne nyoka udi umusuma!

Mika 3:4

Hashishe, nebadile kudi Yehowa, kadi yeye kena ubunvuila; yeye mene neusokoke mpala wandi kudibo mu tshikondo atshi, bualu bua bakuenza malu mabi.

Zekâya 7:13

Hashishe, Yehowa wa misumba wakamba ne, Nakababikila, kadi bobo kabakangunvuila. Nunku bobo nebadile kundi, ne tshiena mbunvuila.

1 Tesalonike 5:3

Hatshidibo bamba ne, Tudi ne ditalala, katui ne bualu; ahu dibutuka dia tshintuluntulu dilualua kudibo, bu mudi kanyinganyinga kalua kudi mukashi udi ne difu; ne bobo kabena bahanduka nasha kakese.

Ebrewu 1:3

Yeye udi dinkenka dikole dia butumbi bua Tatu ne tshifuanyikishi mene tshia Bunzambi buandi, ne udi wimanyika bintu bionso ku dî dia bukole buandi; hakamaneye kuhetela bantu diuvua dia ku malu mabi abo, wakashikama ku tshianza tshia bukole tshia Mutambe Bunene wa mulu.