Yirmeya 10:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nzambi nyeye wakafuka buloba ku bukole buandi, wakajadika bia ha buloba ku lungenyi luandi, wakavungula diulu ku meji andi.

MUKANDA WA MYIDI MUKULU

¹² Maweja-Nangila kufuka buloba, ke mudiye uleja bukole buende. Kufukaye diulu dialabale, ke mudiye uleja meji ende.

Yirmeya 10:12 교차 참조

Genese 1:1

Kale ku tshibangidilu Nzambi wakafuka diulu ne buloba.

Genese 2:5

midioko ya mu madimi kayakanza kudiunda ha buloba ne mashinde kâkanza kutoloka, bualu bua Yehowa Nzambi kakanza kulokesha nvula ha buloba, ne kakuakadi muntu bua kuihileye buloba,

1 Kulondolola 16:26

Bualu bua nzambi yonso ya bantu ba bende idi mpingu; kadi Yehowa wakafuka bia mu diulu.

Yobe 26:7

Wakavungulula luseke lua nôde ha muaba mutuhu, wakafuka buloba kabuyi bukudika ku tshintu.

Yobe 37:18

wewe udi mumanye mua kubalulula nʼandi diulu didi dikole bu ludimuenu luakufulabo mu kahia, anyi?

Yobe 9:8

Udi uvungulula bintu bia mu diulu nkayandi, udi wenda ha mavuala a mu mai manene.

Misambu 104:2

wewe udi uluata munya bu tshitalu; udi uvungulula bia mu diulu bu tshilulu tshikudika.

Misambu 104:24

Yehowa, mona mudi bungi bua mishindu ya midimu yebe! Wewe wakenza buonso buai ne lungenyi luebe; buloba budi bûle tente ne bintu biwakafuka.

Misambu 119:90

Lulamatu luebe lua bushuwa ludiku tô ne ku bikondo bionso; wewe wakujadika buloba, ne budi bushindama.

Misambu 24:2

Bualu bua yeye wakabushikika ha mai manene, wakabujadika ha misulu ya mai.

Misambu 33:6

Ku dî dia Yehowa bintu bia mu diulu bia kufukibua, tshisumbu tshiabi tshionso tshiakafukibua ku muhuya wa mukana muandi.

Misambu 65:7

Udi ukolesha tshiono tshia mai manene, ne tshiono tshia mavuala au, ne mutoyi wa bantu.

Misambu 78:69

Wakasa tshitendelelu tshiandi bua kuikalatshi bu miaba ya mu diulu, ne bu buloba buakujadikeye tshiendelele.

Misambu 93:1

Yehowa udi ukokesha; udi muluate butumbi; Yehowa udi muluate bukole, wakudijingila nʼabu. E, buloba budi bujadikibue, kabuena bunyungishibua.

Nsumuinu 3:19

Yehowa wakafuka buloba ne meji andi; wakajadika bia mu diulu ne lungenyi luandi.

Nsumuinu 30:4

Wakubanda mu diulu, wakahueka hanshi kabidi nganyi? Wakusangisha luhehele mu bianza biandi bitunya nganyi? Wakukuta mai mu tshivualu tshiandi nganyi? Wakujadika matshika onso a kunfudilu kua buloba nganyi? Dina diandi nganyi, ne dina dia muanʼandi nganyi? Bulelela, wewe udi mumanye!

Yeshaya 37:16

Yehowa, Nzambi wa Isalele, udi mushikame mu nkuasa wa butumbi udi ha mutu ha bakeluba, wewe udi Nzambi, anu wewe nkayebe, wa makelenge onso a ha buloba; wewe wakufuka diulu ne buloba.

Yeshaya 40:22

Nyeye udi mushikame ha mutu ha mukalu udi utuangasha buloba ne diulu ne ba ha buloba badi bu mpasu; udi uvungulula bia mu diulu bu tshilulu tshikudika, udi ubibalulula bu ntenta wa kushikamamu.

Yeshaya 42:5

Nzambi Yehowa wakafuka bia mu diulu ne wakabivungulula, wakafuka buloba ne bintu bionso bidi bifumamu, udi uha bantu badihu muhuya ne bantu badi bendahu nyuma.

Yeshaya 44:24

Yehowa, Muhikudi webe, wakakufuanyikisha munda mua mamu webe, udi wamba ne, Meme ndi Yehowa udi ufuka bintu bionso; udi ubalula bintu bia mu diulu nkayandi; udi ubalula buloba kabidi (wakadi nʼanyi nganyi?).

Yeshaya 45:12

Nakafuka buloha, nakafuka bantu badimu. Bianza bianyi nkayabi biakabaha diulu, ne nakelela bintu biadi bionso mukenji.

Yeshaya 45:18

Bua edi ndî didi Yehowa wakafuka diulu wamba, Nzambi mene wakafuka buloba ne wakabuenza, wakabujadika, kakabufuka bu tshintu tshia hatuhu, wakabufuka bua bantu bashikamehu; yeye mene udi wamba ne, Meme ndi Yehowa, ne kakuena mukuabo nansha.

Yeshaya 48:13

Bulelela, tshianza tshianyitshiakajadika bishimikidi bia buloba, tshianza tshianyi tshia bukole tshiakabalula diulu; hanabibikila, bidi bimana hohamue.

Yeshaya 49:8

Yehowa udi wamba dî edi ne, Mu tshikondo tshia diakalengele nakitaba kûdi, ne mu dituku dia luhandu nakukukuatshisha; nenkutume, nenkume kudi bantu bu tshihungidi tshiabo, bua kujadika buloba, bua kubahesha mahianyi akadi mashale makolo.

Yirmeya 10:13

Hambeye dî diandi, tshiona tshia mai a muenshi tshidi mu diulu, ne udi ubandisha dibungi ku matengu a buloba; udi wenzela nvula miele ya nvula, udi uhatula mpehele mu bibutshilu biandi.

Yirmeya 10:16

Yehowa, luseke lua buhianyi bua Yakoba kena nunku nansha; bualu bua yeye udi mufuki wa bintu bionso; Bena Isalele badi tshisamba tshia buhianyi buandi; Yehowa wa misumba ndina diandi.

Yirmeya 14:22

Mukuabo udiku wa munkatshi mua nzambi ya hatuhu ya bantu ba bende udi mua kulokesha nvula, anyi? Diulu dine didi mua kulokesha nvula nkayadi, anyi? Kenguewe, Yehowa Nzambi wetu, udi mua kuenza nunku, anyi? Nunku netukuindile, bualu bua wewe wakuenza malu â onso.

Yirmeya 27:5

Nakufuka buloba ebu ne bantu ne nyama bidi hanshi ha buloba, ku bukole buanyi ne ku diboko dianyi diolola; ndi mbidia muntu yonso bu mundi musue.

Yirmeya 32:17

Aka Mukelenge Yehowa! Mona, wewe wakafuka diulu ne buloba ku bukole buebe bunene ne diboko diebe diolola, ne kakuena bualu budi bukuhita bukole.

Zekâya 12:1

Edi ndî dia Yehowa bualu bua Bena Isalele. Edi ndî dia Yehowa udi ubalulula diulu, udi ujadika bishimikidi bia buloba, udi uteka nyuma wa buntu munda mua muntu, ne,

Yowanane 1:3

Bintu bionso biakafukibua kudiye; kakuena tshintu tshiakafukibua kudi mukuabo, anu kudiye.

Kolose 1:16

bualu bua munda muandi muakafukibua bintu bionso bia mu diulu ne bia ha buloba, ne bintu bidi bimuenebua ne bintu bidi kabi bimuenebua, ne bidi nkuasa ya butumbi anyi makelenge anyi manfumu anyi makokeshi; bintu bionso biakafukibua ku bukole buandi ne bua bualu buandi.