Yezekiyele 7:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Mulau wenu wakufika kunudi, nuenu ba ha buloba! Tshikondo tshiakufika, difuku didi ha buihi, dituku dia tshintompantompa, kandia mbila ya disanka ha mutu ha mikuna.

MUKANDA WA MYIDI MUKULU

⁷ Nuenu bena ditunga, mbamane kulongolola kabutu kenu. Tshikondu tshia ndekelu tshikadiku! Dituku dia tshilumbuluilu dikadi pabuipi. Pa mikuna mbila ya disanka neyijike. Bowa nebubuele miaba yonsu.

Yezekiyele 7:7 교차 참조

Genese 19:15

Hakatshia butuku banjelo bakenzesha Lota ne, Bika biebe, wangate mukashi webe ne bana bebe bakashi babidi badiku diambedi kanuyi banze kufua mu dikenga dia musoko eu.

Genese 19:24

Hashishe, Yehowa wakamatshisha mu Sodoma ne Amola soufre ne kalua bia mu diulu kudi Yehowa.

Yeshaya 13:22

Nyama ya bimungu neyidile mu mbalasa ya bukelenge babo, mibuabua neyidile mu nsubu yabo ya mushinga mukole. Tshikondo tshiandi tshia kubutuka tshidi tshiamba kufika, ne matuku andi kaena aleha.

Yeshaya 16:10

Disanka ne tuseku biakumuka mu budimi buakadi ne maminu; ne mu madimi a tumuma tua nvinyo kamuena muikala kuimba kua misambu anyi kuela kua mbila ya disanka. Kakuena mukami wa nvinyo wadiata tumuma mu bikaminu bua kukameye nvinyo, Nakuhuwisha mbila ya disanka ya bahuodi ba tumuma tua nvinyo.

Yeshaya 17:14

Habuela diba, monai, buowa bukole budiku! Dinda kadiyi dianji kulua, kabenaku! Edi ndikenga didi bantu badi batuhaula bahiana, ne bualu bubi buakusunguilabo badi banyenga bintu bietu.

Yeshaya 22:5

Bualu bua edi ndituku dia tshintompatompa, dia kudiata bantu muinshi mua makasa, dia kulubakana kua mitshima, difume kudi Mukelenge, Yehowa wa misumba, mu tshibanda tshia tshikena kumona; ndituku dia kushimbula ngumbu ya musoko, ne dia muadi udi ufika tô ne ku mikuna.

Yirmeya 20:7

Yehowa, wewe wakungenzesha, ne nakuitabushishibua; wewe udi umpita bukole, wakuntamba. Nakulua bu tshintu tshidibo baseka dituku dijima, muntu yonso udi unseka.

Yirmeya 50:27

Shihai balume ba ngombe yandi bonso, bahueke biabo ku tshishihelu. Mulau wikale kudibo! Bualu bua dituku diabo diakufika, tshikondo tshia kubakengesha.

Yezekiyele 12:28

Nunku ubambile ne, Mukelenge Yehowa udi wamba ne, Kakuena dî dianyi dimue didi dijanguluka kabidi; Mukelenge Yehowa udi wamba ne, Hangamba dî, nedishike.

Yezekiyele 30:3

Bualu bua dituku adi didi ha buihi, dituku dia Yehowa mene didi ha buihi, nedikale dituku didi ne matutu, tshikondo tshia kubutuka kua bisamba bia bantu.

Yezekiyele 7:12

Tshikondo tshiakufika, dituku didi disemena ha buihi! Musumbi wa bintu kasanki biandi, muhanyi wa bintu kâshi madilu, bua tshiji tshikole tshidi tshihona hamʼbidi ha tshisumbu tshiabo tshionso.

Yowele 1:15

Aka! Bua difuku adi! Bua dituku dia Yehowa didi ha buihi, ne didi dilua bu kubutuka kufume kudi Nzambi wa Bukole Buonso.

Amosa 4:13

Monai, yeye udi wimanyika mikuna ne udi utuma luhehele, udi umanyisha muntu meji adi munda muandi, udi uvuisha kabundubundu midima, udi wenda ha miaba mibandile ya ha buloba; Yehowa, Nzambi wa misumba, ndina diandi.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?