Yezekiyele 26:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nebanyenge biuma biebe bionso, nebahaule luhetu luebe; nebashimbule ngumbu yebe, nebasasule nsubu yebe idi isankisha bantu; nebele mabue ebe ne mabaya ebe ne luhuishi luebe munkatshi mua mai manene.

MUKANDA WA MYIDI MUKULU

¹² Nebibe bubanji buebe. Nebakunyenge bintu bionsu bidi bishale muebe bia kuenda nabi mushinga. Nebanyange bimana biebe, nebupule nzubu mimpe idi muebe. Nebangate mabue, mabaya, ne bintu bikuabu bionsu bia ku nzubu ayi, babiela mu mayi manene.

Yezekiyele 26:12 교차 참조

2 Kulondolola 32:27

Hezikiya wakadi ne biuma bia bungi ne butumbi bua bungi; yeye Mulongolola bibutshilu bia kutekamu argent yandi ne or yandi ne mabue andi a mushinga mukole ne bintu bia muhuya muimpe ne ngabu yandi ne mpanza yandi yonso;

2 Kulondolola 36:10

Hakabanga tshidimu tshikuabo, mukelenge Nebuka-denesâ wakatuma bantu, bakaya nʼandi ku Babulona ne bintu bia mushinga mukole biakadi mu nsubu wa Yehowa; bakahingisha Sedekiya muanʼabo mu bukelenge bua Yuda ne Yelushalema.

Yeshaya 23:11

Wakuolola tshianza tshiandi ha mutu ha mai manene, wakuzakasha makelenge. Yehowa wakuela mukenji bualu bua buloba bua Kanâna, bua kubutulabo misoko yabu idi ne ngumbu ya nvita.

Yeshaya 23:8

Tulo nguakadi muheshi wa bifulu bia bukelenge kudi banfumu; nguakadi bangendʼa mushinga bandi bikale bakokeshi; nguakadi bahanyishanganyi bandi ba bintu bikale bantu ba butumbi ha buloba! Wakadihangidishila bua kumuenzela nunku nganyi?

Yeshaya 32:12

Badikume mu biadi bua kujinga kuabo kua madimi akadi abasankisha, bua muonshi wa tumuma tua nvinyo wakadi ukuama bimpe;

Yirmeya 25:34

Nuenu, balami ba mikoko, asai miadi, nudile; nuenu, bakokeshi ba tshisumbu tshia mikoko, nudibonde mu butue bua kahia; bualu bua matuku a kunushiha ne a kunutangadisha akumana kulua, ne nenufue bu mudibo bashiha mulondo wa mushinga mukole.

Yirmeya 52:14

Masalayi onso a Bena Kasada akadi kudi kapitene ka bansentedi ba masalayi akashimbula ngumbu ya Yelushalema yakunyunguluka musoko.

Yezekiyele 26:5

Newikale muaba wa kuadishaku tuhamba munkatshi mua mai manene; Mukelenge Yehowa udi wamba ne, Bualu bua nakuamba dî edi, yeye neikale bu tshintu tshidibo banyenga kudi ba mu bisamba bia bantu.

Yezekiyele 28:8

Nebakuele tô ne ku Dina dia Bafue, neufue lufu bu lua badi bashihibue, neufue munkatshi mua mai manene.

Danyele 11:8

Neanyenge nzambi yabo, mpingu yakatulabo, ne malonga abo mimpe a argent ne a or, neaye nʼabi mu Ejipitu. Neadikande bidimu bikuabo bua kaluishi kabidi mukelenge wa ku nôde.

Osheya 13:15

Nansha biavudishabo bana munkatshi mua bana babo, luhehele lua ku esete neluhehe, luhehele lua Yehowa lufume mu tshihela; ne mushimi wabo wa mai neukame, ne mpokolo wabo neume; neluhaule bintu bionso bilengele bidi mu tshibutshilu.

Amosa 5:11

Nudi nudiata muntu muhele muinshi mua makasa enu, ne nudi numunyenga milambu ya blé ku bukole; nunku bua bualu ebu nsubu ya mabue masonga inuakuibaka, kanuena nushikamamu; tumuma tuimpe tua nvinyo tunuakukuna, kanuena nunua nvinyo yatu.

Nahume 2:9

Haulai biamu bia argent! Haulai biamu bia or! Kakuena ndekelu wa bintu mu bibutshilu biabo, bubanji bua bintu bia mushinga mukole bia mishindu yonso.

Zekâya 7:14

Nakabatangadisha mu nvunde munkatshi mua bisamba bionso biakadibo kabayi banze kumanya. Nunku buloba buakumukabo buakabutudibua ku nyima kuabo, kakuakadi muntu wakayamu anyi wakafumamu; buloba buakadi busankisha mitshima ya bantu buakakudimuka tshikulu.