Yezekiyele 26:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bualu bua bungi bua tubalu tuandi, luhuishi luditu tubisha nelukubuikile. Bualu bua tshiona tshia bena tubalu ne tshia makalu a hatuhu ne tshia makalu a nvita, ngumbu yebe neyikanke habueleye mu bibi biebe, bu mudi muntu ubuela mu musoko hashimbuka tshituha tshia lumbu.

MUKANDA WA MYIDI MUKULU

¹⁰ Lupuishi ludi tubalu tuabu tua bungi tujule panshi nelukubuikile. Bimana biebe nebizakale ne mikuma ya nyama ya tubalu, kabidi ne mutoyi wa matempu abu a mvita. Nanku, nebabuele ku biibi biebe, anu bu mudibu babuela mu tshimenga padibu bamane kushimbula tshitupa tshia tshimana tshia tshimenga.

Yezekiyele 26:10 교차 참조

Yirmeya 39:3

Mu tshikondo atshi baminyampala ba mukelenge wa Babulona hakabuela mu musoko, bakashikama hehi ne tshibi tshia hankatshinkatshi ha lumbu lua musoko. Menʼabo akadi Nêgala-shalesê, Samagâ-Nebo, Sâsekima, kapita ka Bantu Batungula, Nêgala-shalesê, kapita ka Bena Meji, ne baminyampala bakuabo bonso ba mukelenge wa Babulona.

Yirmeya 4:13

Monai! Yeye udi ubandaku bu mudi matutu abanda, makalu andi a nvita nende lubilu bu nvunde; tubalu tuandi tudi tuhita nyunyu ya mikanku lubilu. Mulau udi utukuata! Bualu bua tuakubutuka.

Yirmeya 47:3

Hunvuabo tshiona tshia kutua kua mikono ya tubalu tuandi, hamonabo kuenda kua lubilu kua makalu a nvita ne tshiona tshia nkata yau, batatu kabena batangila ku nyima bua kusungila bana babo, bualu bua maboko abo adi ateketa.

Yezekiyele 23:24

Nebalue kukuluisha ne bielelu bia nvita, makalu a nvita ne makalu a hatuhu ne tshisumbu tshia bantu; nebaluangane nʼebe nvita bakunyunguluke nseke yonso, bikala ne ngabu wa ha tshiadi ne wa ku diboko ne tshifulu tshia tshiamu. Nenfile dikosa dia tshilumbu tshiebe mu bianza biabo, ne bobo nebalumbuluishe bu mudi kulumbulula kuabo.

Yezekiyele 26:15

Mukelenge Yehowa udi wambila Bena Tulo ne, Ba mu maloba adi ku muelelu wa mai manene kabena bazakala, hunvuabo bua kubutuka kuebe, hatua batahibue mikemu, ne hashihabo bantu bangi munkatshi muenu, anyi?

Yezekiyele 26:7

Bualu bua Mukelenge Yehowa udi wamba ne, Tangilai, nentumine Bena Tulo Nebukadenesâ, mukelenge wa Babulona, mukelenge wa bakelenge, mufume biandi ku luseke lua nôde, muikale ne tubalu ne makalu a nvita ne babandi ba ha nyima ha tubalu ne tshisumbu tshinene tshia bantu bakuabo.

Yezekiyele 26:9

Neajadike ntshinyi andi a kushimbula nʼau ngumbu ku mpala kua ngumbu yebe, neashimbule bibumba ku bisui biandi.

Yezekiyele 27:28

Hunvuabo kudila kua bena yenda bebe, maloba a ku muelelu wa mai manene neazakale.

Yoshua 6:20

Nunku bantu bakela mbila, ne bakuidi bakela mpungi; hakunvua bantu muadi wa mpungi, bakela mbila bikole, ne lumbu luakadishimbukila, ne bantu bakabuela mu musoko, muntu yonso wakabuelamu anu mu buludiludi nʼandi, bakanyenga musoko.

Yoshua 6:5

Nunku helabo mpungi bikole, hanunvua muadi wa mpungi, bantu bonso nebele mbila; ne lumbu lua musoko neludishimbukile hanshi mu muaba walu, ne muntu yonso neabuele mu muaba udi buludiludi nʼandi.