Yezekiyele 26:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mu tshidimu tshia dikumi ne tshimue, mu dituku dia kumudilu dia ngondo, dî dia Yehowa diakalua kundi ne,

MUKANDA WA MYIDI MUKULU

¹ Tshidimu tshia dikumi ne tshimue tshivuabu bamane kuya netu mu bupika, dituku dia kumpala dia ngondu, Maweja-Nangila kungambila ne:

Yezekiyele 26:1 교차 참조

Yirmeya 39:2

Mu tshidimu tshia dikumi ne tshimue tshia bukokeshi bua Sedekiya, mu ngondo muinai, ne mu dituku dia tshitema dia mu ngondo eu, bakashimbula tshituha tshia lumbu lua musoko.

Yezekiyele 1:2

Mu dituku ditanu dia ngondo, mu tshidimu tshitanu tshia buhika bua Mukelenge Yehoyakina,

Yezekiyele 20:1

Mu tshidimu tshia muanda mutekete, mu ngondo muitanu ne mu dituku dia dikumi dia ngondo, bakuabo ba munkatshi mua bakulu ba Bena Isalele bakalua kulomba lungenyi kudi Yehowa, bakashikama ku mpala kuanyi.

Yezekiyele 25:17

Nendisombuele kudibo ne kusombuela kukole, nembabele ne tshiji tshianyi tshikole; nebamanye ne, Meme ndi Yehowa hanashikisha kudisombuela kudibo.

Yezekiyele 26:2

Muana wa muntu, bualu bua Tulo wakuamba dî dibi bualu bua Yelushalema ne, Kia! Musoko wakadi tshibuelelu tshia bantu ba bende wakuhuka, wakunzuluka kundi, nengikale ne bintu tente, bualu bua wowo wakubutuka;

Yezekiyele 27:27

Biuma biebe, bintu biebe bia kuhana ne bintu biudi wenduluka nʼabi mushinga, bena matu bebe, bena yenda bebe, bajiki ba kamonyi mu mitanta yebe, bangendʼa mushinga bebe, ne masalayi ebe adi munkatshi muenu, tshisumbu tshia bantu bonso badi munkatshi muenu, nebadine munkatshi mua mai manene mu dituku dia kubutuka kuebe.

Yezekiyele 28:1

Dî dia Yehowa diakalua kundi kabidi ne,

Yezekiyele 29:1

Mu tshidimu tshia dikumi, mu ngondo wa dikumi, mu dituku dia dikumi ne dibidi dia ngondo, dî dia Yehowa diakalua kundi ne,

Yezekiyele 29:17

Mu tshidimu tshia makumi abidi ne muanda mutekete mu ngondo wa kumudilu, mu dituku dia kumudilu dia ngondo, dî dia Yehowa diakalua kundi ne,

Yezekiyele 30:20

Mu tshidimu tshia dikumi ne tshimue, mu ngondo wa kumudilu, mu dituku dia muanda mutekete dia ngondo, dî dia Yehowa diakalua kundi ne,

Yezekiyele 8:1

Mu tshidimu tshisambombo, mu ngondo muisambombo, mu dituku ditanu dia ngondo, hanakadi nshikama mu nsubu muanyi, hakadi bakulu ba Yuda bashikama ku mpala kuanyi, tshianza tshia Mukelenge Yehowa tshiakakuma hamʼbidi hanyi.

Osheya 9:13

Bu munakadianjila kumona, bana ba balume ba Bena Efelayima badi ne bua kukuatshibua kudi bena nvita, ne Bena Efelayima nebikale ne bua kuhatula bana babo bua bakuabo babashihe.

Amosa 1:9

Yehowa udi wamba dî edi ne, Bua malu mabi asatu a ba mu Tulo, nansha bua anai, tshiena nkudimuna dikenga dindualua kubakengesha nʼadi; bualu bua bakafila bantu ba mu tshisamba tshijima kudi Bena Edome, ne kabakavuluka tshihungidi tshiakahungabo nʼabo bu bana babo.

Zekâya 9:2

Hamata kabidi, ku butshika bua Damaseke; ne Tulo ne Sidona, nansha yoyi mikale ne meji a bungi.