Yezekiyele 21:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Ambila buloba bua Isalele ne, Yehowa udi wamba ne, Ndi nkuhidia, nempatule muele wanyi wa nvita mu tshimanga tshiau, nembutule bantu ba munkatshi muenu, bakane ne babi.

MUKANDA WA MYIDI MUKULU

³ Ubambile bua bateleje miaku yanyi indi meme Maweja-Nangila Mvidi Mukulu, ntandisha nayi ditu didi kuinshi mu ditunga: “Nentemeshe kadilu bua kuosha mitshi yebe yonsu, mibishi nansha miume. Kakuena tshidi mua kujima ndimi ya kadilu aku to. Nekalambuke biangatshile kuinshi too ne ku mutu mu ditunga. Nekoshe bantu bonsu.

Yezekiyele 21:3 교차 참조

Yobe 9:22

Malu au onso adi muomumue kundi—nunku ndi ngamba ne, Yeye udi ushiha bantu bakane ne bantu babi.

Misambu 17:13

Yehowa, ujuke biebe, wimane ku mpala kuandi, umuele hanshi; usungile muoyo wanyi kudi muntu mubi ne muele webe wa nvita.

Misambu 80:17

Tshianza tshiebe tshikale hamʼbidi ha muntu wa ku tshianza tshiebe tshia bukole, hamʼbidi ha muana wa muntu uwakukolesha bua bualu buebe.

Misambu 83:15

wewe ubihate ne tshihuhu tshiebe, ubatshinyishe ne tshihehele tshiebe tshikole.

Ekesode 15:9

Muena lukuna wakamba ne, Nembalonde, nembahete, nentahulule bintu bionso bidi bishala, mutshima wanyi neusanke bualu buabo, nempatule muele wanyi wa nvita, nembashihe ne tshianza tshianyi.

Muambi 9:2

Nshikidilu wa bantu bonso udi muomumue: udi muomumue kudi bantu bakane ne kudi bantu babi, kudi bantu bimpe badi ne mitshima mitoke ne kudi badi ne mitshima mifike, kudi badi bashihela Nzambi nyama ne kudi badi kabayi bamushihela nyama; muntu muakane udi anu bu muntu mubi; udi muditshihe udi muomumue ne udi utshina mua kuditshiha.

Yeshaya 10:5

Tangila, wewe Muena Ashû, mulangala wa tshiji tshianyi, tshibonge tshia njiya yanyi!

Yeshaya 34:5

Bua muele wanyi wa nvita wakunua mashi makumbane mu diulu. Monai, neuhueke hanshi hamʼbidi ha Edome, ne hamʼbidi ha bantu banakuteka muinshi mua mulau bua kubalesha.

Yeshaya 57:1

Muntu muakane udi ufua, kakuena muntu udi uteka bualu ebu mu mutshima wandi; bantu badi banemeka Nzambi badi bumushibua, kakuena muntu udi wela meji a muanda eu. Bualu bua muntu muakane udi umushibua ku malu mabi,

Yirmeya 17:27

Kadi binuahidia kungunvuila mu muanda eu wa kujidila dituku dia Lumingu, kanuyi badikande bua kutuala bujitu anyi kubuela nʼabu ku bibi bia ku Yelushalema dituku dia Lumingu, ka nentemeshe kahia ku bibi ebi, ne koko nekoshe nsubu ya banfumu ya mu Yelushalema, ne kakena kajima nansha.

Yirmeya 21:13

Yehowa udi wamba ne, Mona, ndi nkuhidia, wewe udi mushikame mu tshibanda, ne ha dibue dia mu mpata, wewe udi wamba ne, Nganyi neahuekemu bua kutuluisha? Anyi nganyi wabuela mu miaba itudi bashikame?

Yirmeya 21:14

Yehowa udi wamba ne, Nenkukengeshe bu mudi mamuma a bienzedi biebe, nentemeshe kahia mu ditu diandi, nekoshe bintu bionso bidi bimunyunguluka.

Yirmeya 50:31

Mukelenge Yehowa wa misumba udi wamba ne, Mona, ndi nkubenga wewe, umena dikamakama, bualu bua dituku diebe diakufika tshikondo tshia kukukengesha,

Yirmeya 51:20

Wewe udi tshilonda tshianyi ne bielelu bianyi bia nvita, nentshibule nʼabi ba mu bisamba bia bantu bituha, nembutule nʼabi makelenge;

Yirmeya 51:25

Yehowa udi wamba ne, Mona, ndi nʼebe tshilumbu, wewe mukuna munene udi ubutula mikuabo, udi ubutula buloba buonso. Nengolole tshianza tshianyi bua kukukengesha, nenkûmushe munkatshi mua mabue a mulu bua kukubunguluisha hanshi, nenkuvuishe bu mukuna wakadi muhia kahia kau kajima.

Yezekiyele 13:8

Bua bualu ebu Mukelenge Yehowa udi wamba ne, Bualu bua nuakuamba mei a mashimi ne nuakumona bikena kumona bidi bidinga bantu, nunku, Mukelenge Yehowa udi wamba ne, Ndi nnuhidia.

Yezekiyele 14:17

Anyi binavuisha muele wa nvita ha buloba abu, bingamba ne, Muele wa nvita, hita mu buloba ebu; nunku nenshihemu bantu ne nyama;

Yezekiyele 14:21

Bua malu â Mukelenge Yehowa udi wamba ne, Bualu nebuhite bukole hanatuma milau yanyi mikole inai ku Yelushalema, muele wa nvita, tshiole, nyama ya luonji ne tshihuhu, bua kubutulamu bantu ne nyama!

Yezekiyele 21:19

Wewe kabidi, muana wa muntu, usungule nshila ibidi idi muele wa nvita wa mukelenge wa Babulona mua kuyilamu, bubidi buai mihatuke mu buloba bumue; teka tshimanyinu mu nshila, utshiteke ku disanga dia nshila udi mutangile ku musoko.

Yezekiyele 24:9

Nunku Mukelenge Yehowa udi wamba ne, Mulau wikale kudi musoko eu udi umatshisha mashi hanshi! Meme hanyi nenkunguisheku mushiki munene wa nkunyi.

Yezekiyele 26:3

nunku Mukelenge Yehowa udi wamba ne, Mona, ndi nʼebe tshilumbu, wewe musoko wa Tulo, nentume bisamba bia bungi kûdi bua kuluishabi bana benu, bu mudi mai manene alua ne mambuanka.

Yezekiyele 29:10

mona, meme ndi nkudiula ne misulu yebe, nenvuishe buloba bua Ejipitu tshihela tshia hatuhu ne tshikulu, ku Migedola tô ne ku Siene, ne ku butshika bua Atiopa kabidi.

Yezekiyele 5:12

Tshituha tshisatu tshia bana benu netshifue ne tshihuhu, anyi netshifue ne tshiole tshidi munkatshi muenu; tshituha tshikuabo tshisatu netshihone ku muele wa nvita ku nseke yenu yonso; nemmuangalashe tshituha tshikuabo tshisatu ku mpehele yonso, nempatule muele wa nvita bua kubihata.

Yezekiyele 5:8

bua muanda eu Mukelenge Yehowa udi wamba ne, Monai, meme ndi nnubela, meme hanyi, ne nennulumbuluishe ku mpala kua bisamba bikuabo.

Lewitiki 26:25

Nendue ne muele wa nvita munkatshi muenu bu musombuedi wa tshihungidi tshianyi, ne hanuadisangisha mu misoko yenu, meme nentume masama makole munkatshi muenu, nennufile mu bianza bia bantu badi nʼenu lukuna.

Lewitiki 26:33

Nennumuangalashe mu bisamba bikuabo, nempatule muele wa nvita ku nyima kuenu, buloba buenu nebuikale hatuhu ne misoko yenu neyikale mihaula.

Amosa 5:6

Kebai Yehowa, nenuikale ne muoyo; bua yeye katemeshi kahia mu tshiota tshia Yosefe, bua koko kakabashidishi, kakuyi muntu mu Betele udi mua kukajima;

Amosa 7:4

Mukelenge Yehowa wakandesha tshikena kumona etshi: Monai, Mukelenge Yehowa wakela dî bua kutuma kahia; ne kakakamisha mai manene, kakadi kamba kuhidisha buloba kabidi.

Nahume 2:13

Yehowa wa misumba udi wamba ne, Mona, ndi nkuhidia, nenshidishe makalu ebe mu kahia, muele wa mata neumane bana bebe ba ntambue, bintu biebe biwakunyenga, nembiumushe ha buloba, bantu kabena bunvua kabidi dî dia ba-messager bebe.

Nahume 3:5

Yehowa wa misumba udi wamba ne, Mona, meme ndi nku hidia, nenvule bivualu biebe ku mesu kuebe, nemmueneshe butaka buebe kudi bisamba bia bantu, nenkufuishishe bundu kudi makelenge makuabo.

Sefanya 2:12

Nuenu kabidi, Bena Atiopa, nenushihibue ku muele wanyi wa nvita!

Zekâya 13:7

Bika, muele wa nvita, taha mulami wanyi wa mikoko, ne muntu udi nyanʼanyi mu mudimu! Edi ndi dia Yehowa wa misumba. Taha mulami wa mikoko, mikoko itangadishibue; nengolole tshianza tshianyi kudi bana ba mikoko.