Yezekiyele 13:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Tshianza tshianyi kabidi netshikale hamʼbidi ha baprofete badi bamona bikena kumona bidi bidinga bantu ne badi bamba mei a mashimi mu kutempa kuabo kua mbuku. Kabena bashikama mu tshilumbuluidi tshia bantu banyi, kabena bikala ne mena abo mafunda mu mikanda ya mena a ba mu tshisamba tshia Bena Isalele, ne kabena bamanye mua kubuela mu buloba bua Isalele; hashishe nenumanye ne, Ndi Yehowa.

MUKANDA WA MYIDI MUKULU

⁹ “Bambi badi bambila bantu malu a dishima adi afuma amu ku lungenyi luabu nkayabu, nembaleje bukole buanyi. Kabakuikala ne muaba mu tshipangu tshia bantu banyi. Kabena babafunda mu mukanda udi ne mena a bena Izrayele. Kabakupingana mu ditunga diabu. Nanku nebajadike ne: meme ndi Maweja-Nangila Mvidi Mukulu.

Yezekiyele 13:9 교차 참조

1 Bakalenga 13:18

Yeye wakamuambila ne, Kadi meme ndi muprofete bu wewe: muanjelo wakangambila dî ma Yehowa ne, Uhingane nʼandi mu nsubu webe, adieku, anueku. Kadi yeye wakamushima.

Ezela 2:59

Aba mbakafuma ku Tele-mela, ku Tele-halesha, ku Keluba, ku Adana ne ku Imê; kabakamanya mua kujadika biota bia batatu babo ne tunkanunuma tuabo ne mBena Isalele mene:

Nehemya 7:62

Bana ba Delaya, bana ba Tobiya, bana ba Nekoda nkama isambombo ne makumi anai ne babidi.

Nehemya 7:64

Bobo bakakeba mena abo mu mikanda ya kulondolola kua bankambua, kadi kabakâsangana; nunku bakadi banyanguke, bakumushibua ku mudimu wa buakuidi.

Misambu 101:7

Muntu udi wenza malu a kudinga kena ushikama mu nsubu muanyi; muntu udi wamba mei a mashimi kena ujadikibua ku mpala kuanyi.

Misambu 69:28

Mena abo ajimishibue mu mukanda wa muoyo, kabafundibu hohamue ne mena a bantu bakane.

Misambu 69:5

Nzambi, wewe udi mumanye buhote buanyi; malu mabi anyi kaena masokokibue ku mesu kuebe.

Misambu 87:6

Yehowa neababale bu bandi, hafundeye mena a bantu, ne, Eu wakaledibua mu musoko au.

Misambu 95:11

Nunku nakaditshiha mu tshiji tshianyi ne, Kabena babuela mu dikisha dianyi.

Yeshaya 4:3

Hashishe, nebabikile muntu udibo bashiya mu Siona ne utshidi mushale mu Yelushalema ne, Wa Tshijila, mmuntu yonso mene udibo bafunda dina diandi munkatshi mua bantu basungudibue bua kuikaleye ne muoyo mu Yelushalema.

Yirmeya 14:15

Nunku Yehowa udi wamba bualu bua baprofete badi bamba mei mu dina diandi, yeye kayi mubatume, kadi badi bamba ne, Muele wa nvita ne tshiole kabiena bikuata buloba ebu, ne, Baprofete aba mene nebashihibue ku muele wa nvita ne ku tshiole.

Yirmeya 17:13

Yehowa, wewe nditekemena dia Bena Isalele, bonso badi bakuhidia nebafuishibue bundu. Bantu badi bakulekela nebikale bu maleta mafunda ha buloba, bualu bua bakubenga Yehowa, mushimi wa mai a muoyo.

Yirmeya 23:20

Tshiji tshia Yehowa katshiena tshikudimuka tô ne hashikisheye kuenza malu onso akuhungeye mu mutshima wandi. Mu matuku alualua ku mpala nenujingulule bualu ebu bimpe.

Yirmeya 4:9

Yehowa udi wamba ne, Mu dituku adi mutshima wa mukelenge neufue, mitshima ya baminyampala neyifue kabidi; bakuidi nebakeme, baprofete nebatue mikemu.

Yezekiyele 11:10

Nebanushihe ku muele wa nvita: tô ne ku butshika bua buloba bua Isalele nennulumbuluishe; nenumanye ne, Ndi Yehowa.

Yezekiyele 12:20

Misoko idi ne bantu neyibutudibue, buloba nebuandamuke tshihela tshia tshianana; nunku nenumanye ne, Ndi Yehowa.

Yezekiyele 13:14

Nunku nenshimbule lumbu lunuakulaba lubemba, nenushimbule hanshi, bua bishimikidi bialu bimueneshibue hatoke tô; hashimbukalu, nuenu nenufue muinshi mualu; nunku nenumanye ne, Ndi Yehowa.

Yezekiyele 13:23

Bua bualu ebu kanuena numona bikena kumona bidi bidinga bantu kabidi, ne kanuena nuamba mei a mashimi mu mbuku yenu. Nempandishe bantu banyi mu bianza bienu; nunku nenumanye ne, Ndi Yehowa.

Yezekiyele 20:38

Nengumushe badi bantombokela ne badi bangenzela bibi munkatshi muenu. Nembahatule mu buloba budibo bashikame, kadi kabena babuela mu buloba bua Isalele; nunku nenumanye ne, Meme ndi Yehowa.

Danyele 12:1

Ku tshikondo atshi Mikaele, mukelenge wa banjelo, mulami wa bana benu, neajuke. Makenga neikaleku, katshia tshisamba tshia bantu tshiabanga tô ne ku tshikondo atshi makenga bu nunku kâkadi manze kumueneka; kadi mu tshikondo atshi bana benu bonso badi ne menʼabo mafunda mu mukanda wa muoyo nebabande.

Osheya 4:5

Ne wewe, muakuidi, neulenduke mu munya; muprofete nealenduke nʼebe butuku; ne meme nenshihe mamu webe.

Osheya 9:3

Kabena bashala mu buloba bua Yehowa, kadi ba mu Efelayima nebahingane mu Ejipitu, nebadie bia kudia bidi bibiha mu Ashû.

Mika 3:5

Yehowa udi wamba dî edi bualu bua baprofete badi babambuisha bantu bandi; badi bamba ne, Ditalala didiku hikalabo bukute; kadi hahanga muntu kubaha tshia kudia, badi balongolola bielelu bua kuya kuluangana nʼandi nvita.

Mika 3:6

Nunku butuku nebunuidile, kanuyi numona kabidi bikena kumona, mîdima neyikaleku, bua nuenu kanumanyi mua kutempa mbuku; diba nedibuelele baprofete, ne munya newandamuke midima kudibo.

Luke 10:20

Kadi kanusanki bua nyuma mibi idi itumikila dî dienu, kadi nusanke bua mena enu adi mafunda mu diulu.

Filipe 4:3

E, ndi ndomba wewe kabidi, muenu nʼanyi ku mutshi wa tshikokedi wa bushua, bua wewe ukuatshishangane ne bakashi aba, bualu bua bobo bakenza nʼanyi mudimu wa lumu luimpe, ne Kulemento kabidi ne bakuabo benji nʼanyi ba mudimu, badi ne mena abo mafunda mu mukanda wa muoyo.

Ebrewu 12:23

ne ku disangisha dinene ne ekelesia bia banʼa bute badi ne mena abo mafunda mu diulu, ne kudi Nzambi, Mulumbuludi wa bonso, ne ku nyuma ya bantu bakane bakvuishabo bakane tshishiki,

Didimanyisha 13:8

Ne bonso badi bikala ha buloba nebamukukuile, muntu yonso udi kai ne dina difunda ku tshibangidilu tshia buloba mu mukanda wa muoyo wa Muana wa Mukoko udi mushihibue.

Didimanyisha 19:20

Nyama wa luonji wakakuatshibua, ne bakamukuata ne muprofete wa mashimi wakenza bimanyinu ku mpala kuandi biakadingeye nʼabi bantu bakangata tshimanyinu tshia nyama wa luonji ne bakakukuila tshifuanyikishi tshiandi, bubidi buabo bakedibua ne muoyo mu dishiba dia kahia kadi katema ne soufre.

Didimanyisha 20:12

Nakatangila bafue, banene ne bakese, bimane ku mpala kua nkuasa wa butumbi; ne mikanda yakabuluibua, mukanda mukuabo wakabulula kabidi, udi wa muoyo; bakalumbuluisha bafue ku malu akadi mafunda mu mukanda, bu muakadi bienzedi biabo.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.