Yeshaya 7:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua Damaseke udi mutu wa Sulia, ne Lesine udi mutu wa Damaseke; ne haleba bidimu makumi asambombo ne bitanu, Efelayima neahandike bihesa, bua kikadi tshisamba tshia bantu kabidi.

MUKANDA WA MYIDI MUKULU

^8-9 Bualu, Damase udi tshimenga tshikulu tshia bena Arame, Resine udi mukalenga amu wa bena Damase. Samariya udi tshimenga tshikulu tshia bena Efrayime, Peka udi mukalenga amu mu Samariya. Kadi nkushale amu bidimu makumi asambombu ne bitanu, bua tshisamba tshia bena Efrayime kubulukatshi.’ Panudi kanuyi nushindika muoyi wenu kudi Maweja-Nangila, kanuakuikala bantu bashindame to.”

Yeshaya 7:8 교차 참조

Genese 14:15

Abalama wakatahulula bantu bandi, wakatuangana nʼabo butuku, yeye ne bahika bandi bakabatamba bukole, wakabihata to ne ku Hoba, udi ku tshianza tshia bakashi tshia Damaseke.

2 Samuele 8:6

Davidi wakateka masalayi mu Sulia mu Damaseke; Bena Sulia bakalua bahika ba Davidi, bakamulambula milambu. Yehowa wakaha Davidi bukole bua kutambeye kuonso kuakayeye.

Ezela 4:2

bakalua kudi Zelubabela ne kudi bakadi ku mutu kua nsubu ya batatu babo, bakabambila ne, Tuase bietu nʼenu; bualu bua tuetu tudi tukeba Nzambi wenu bu nuenu, tuakufila milambu kudiye ku dituku diakalua Esâ-hadona, mukelenge wa Ashû, nʼetu kunoko tô ne ku dituku edi.

Yeshaya 8:4

Bualu bua diambedi muana eu kayi muanji kumanya mua kudila ne, Tatu wanyi, ne, Baba wanyi, biuma bia Damaseke ne bintu binyengibue mu Samalea nebiumushibue; nebaye nʼabi ku mpala kua mukelenge wa Ashû.

Yeshaya 9:11

Nunku Yehowa wakibisha badi ne Lesine lukuna bua kuluanganabo ne Bena Isalele, wakusonsola bena lukuna babo,

Yeshaya 9:9

Bantu bonso nebadimanye, ba mu Efelayima ne badi bashikame mu Samalea mene, badi bamba mu kudisua kuabo ne mu dikamakama dia mu mitshima yabo ne,

Yirmeya 49:23

Udi wamba bua Damaseke ne, Badi batshinyisha Hamata ne Âpada kabidi, bualu bua bakunvua ngumu mibi, badi benguluka ne buowa, batu batatshishibue bu mudi mai manene adi kâyi mua kutalala.

Yezekiyele 27:18

Ba mu Damaseke bakenduluka nʼebe mushinga bualu bua bintu bivule biwakenza ku bianza biebe, ne bua biuma biebe bikumbana bia mishindu yonso, bakendulukangana nʼebe mushinga bua nvinyo ya ku Helebone ne miosa mitoke ya mikoko.

Osheya 13:1

Hakamba Bena Efelayima dî, buowa buakakuata bantu; bakamutumbisha kudi Bena Isalele; kadi hakahendabo Nzambi mu kutendelela kuabo kua Bâla, bakafua.