Yeshaya 7:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku Mukelenge muine neanuhe tshimanyinu. Monai! Mukashi utshidi kamama neimite difu, nealele muana wa balume, neamuidike dina ne, Imanuele.

MUKANDA WA MYIDI MUKULU

¹⁴ Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yeshaya 7:14 교차 참조

Genese 16:11

Muanjelo wa Yehowa wakamuambila ne, Tangila, wewe udi ne difu, neulele muana mulume, neumuidike dina ne, Yishemaele, bualu bua Yehowa wakunvua dikenga diebe.

Genese 29:32

Lea wakimita difu, wakalela muana wa balume, wakamuidika dina ne, Lubena, bualu bua yeye wakamba ne, Yehowa wakatangila dikenga dianyi, ne katataka bayanyi neansue.

Genese 3:15

Nenteke lukuna hankatshi hebe ne mukashi, ne hankatshi ha bana bebe ne bana bandi, muana wa mukashi neakukume ku mutu kuebe, ne wewe neumusume ku tshikankanyi-tshiandi.

Genese 30:6

Lakele wakamba ne, Nzambi wakundumbuluila, wakunvua dî dianyi kabidi, wakumpa muana wa balume; nunku yeye wakamuidika dina ne, Dana.

Genese 30:8

Lakele wakamba ne, Nakasangana bibula bikole ne mukulu wanyi wa bakashi, nakumutamba bukole, wakamuidika dina ne, Nafatale.

Genese 4:25

Adama wakamanyangana ne mukashi wandi kabidi, Wakalela muana mulume, wakamuidika dina ne, Sheta Wakamba ne, Nzambi wakumpa muana mukuabo mu muaba wa Ebele, bualu bua Kana wakamushiha.

1 Bakalenga 13:3

Yeye wakamuha tshimanyinu dituku adi, wamba ne, Etshi ntshimanyinu tshiakuamba Yehowa; mona, tshioshelu etshi netshihandike hankatshi, ne butue budi ha mutu hatshi nebumate hanshi.

Misambu 46:8

Luai bienu, nutangile bienzedi bia Yehowa, bu muakuenzesheye dibutuka dia bungi ha buloba.

Yeshaya 38:7

Etshi netshikale tshimanyinu kûdi tshifume kudi Yehowa bua kukulesha ne, Yehowa nênze bualu ebu buakuambeye:

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Yeshaya 8:8

Newende ku mpala tô ne habuelau mu Yuda, neuhasalale ne neuhitshilemu, neufike tô ne ku nshingu ya bantu. Kuolola kua mahuahua au nekûshe nseke yonso ya buloba buebe, Imanuele!

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Yirmeya 23:6

Mu matuku andi ba mu Yuda nebasungidibue, ne ba mu Isalele nebashikame holâ; ne edi ndina didibo bamubikila ne, Yehowa udi buakane buetu.

Yirmeya 31:22

Wewe muana mukashi wakunkoma nyima, newendakane eku ne eku musangu bule bishi? Bualu bua Yehowa wakufuka tshintu tshihia-tshihia ha buloba: mukashi neatambe mulume.

Yirmeya 44:29

Yehowa udi wamba ne, Etshi ntshimanyinu tshindi nnulesha ne nennukengeshe mu muaba eu, bua nuenu numanye ne mei anakuamba ne, Nennuenzele bibi, neajalame bulelela.

Mika 5:2

Kadi wewe, Betelehema Efelata, udi mukese munkatshi mua biota bia Yuda, mukuabo nealuhuke munda muebe bua bualu buanyi, bua kuikala mukokeshi wa Bena Isalele; tshibangidilu tshiandi tshidi tshia kale kale, tshia ku ntuadishila mene

Matayi 1:23

Mukashi utshidi kamama neimite difu, nealele muana mulume, Nebamuidike dina ne, Imanuele, kuandamuna kua muaku ne, Nzambi udi nʼetu.

Luke 1:31

Mona, wewe newimite difu, neulele muana mulume, neumuidike ne, Yesu;

Luke 1:35

Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Luke 2:12

Etshi ntshimanyinu kunudi ne, Nenusangane muana mujingila tshilulu, mulale mu tshidilu tshia nyama.

Luke 20:44

Nunku Davidi wakamubikila ne, Mukelenge; yeye udi muanʼandi munyi?

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Rome 9:5

Bankambua betu mbabo, kudibo nkudi Kilisto mufume mu buntu buandi, udi biandi ku mutu kua bonso, Nzambi mene, mutumbishibue tshiendelele. Amen.

1 Timote 3:16

Ne kakuena mpata ya bunene bua bualu busokoka bua buimpe bua Nzambi: Nyeye wakamueneshibua mu mubidi wa muntu, Wakabingishibua mu nyuma, Wakamuenebua kudi banjelo, Wakambibua munkatshi mua bisamba bia bende, Wakitabushibua ha buloba, Wakangatshibua mulu ne butumbi.

Balombodi 6:36

Gideona wakambila Nzambi ne, Biwasua kusungila Bena Isalele ku tshianza tshianyi bu muwakamba,

1 Samuele 1:20

Hana wakimita difu, ne hakakumbana ngondo yandi, wakalela muana wa balume, wakamuidika dina diandi Samuele, wakamba ne, Bualu bua nakumulomba kudi Yehowa.

1 Samuele 4:21

Wakidika muana dina ne, Ikaboda, wamba ne, Butumbi buakumuka kudi Bena Isalele; bualu bua bakanyenga mushete wa Nzambi ne bualu bua tatuʼandi-muenu ne bua bayandi kabidi.